ք.Ստեփանակերտ

г.Степанакерт

Համաձայն «Լեռնային Ղարաբաղի Հանրապետության օրենսդիր, գործադիր և դատական իշխանության մարմինների ղեկավար աշխատողների և մասնագետների պաշտոնային դրույքաչափերի մասին» Լեռնային Ղարաբաղի Հանրապետության օրենքի 10-րդ հոդվածի, Լեռնային Ղարաբաղի Հանրապետության կառավարությունը որոշում է`

1. ԼՂՀ նախագահի աշխատակազմի ղեկավարի և ԼՂՀ կառավարության գործերի կառավարչի պաշտոնային դրույքաչափերը սահմանել 38000 դրամ:

2. ԼՂՀ պետական կառավարման հանրապետական մարմինների (պետական վարչությունների, գերատեսչությունների) ղեկավարների, ԼՂՀ կենսաթոշակային և զբաղվածության ֆոնդի նախագահի, ԼՂՀ գլխավոր դատախազի տեղակալի պաշտոնային դրույքաչափերը սահմանել 35000 դրամ:

3. ԼՂՀ նախարարների, Ստեփանակերտ քաղաքի վարչակազմի ղեկավարի տեղակալների, ԼՂՀ էկոնոմիկայի և ֆինանսների նախարարության հարկային տեսչության պետի պաշտոնային դրույքաչափերը սահմանել 34000 դրամ:

4. ԼՂՀ վարչությունների և պետական կառավարման հանրապետական այլ մարմինների, Ասկերանի, Մարտակերտի, Մարտունու, Հադրութի շրջանների վարչակազմերի ղեկավարների պաշտոնային դրույքաչափերը սահմանել 33000 դրամ, իսկ Շուշիի և Շահումյանի շրջանների վարչակազմերի ղեկավարների պաշտոնային դրույքաչափերը` 31000 դրամ:

5. ԼՂՀ Ասկերանի, Մարտակերտի, Մարտունու և Հադրութի շրջանների վարչակազմերի ղեկավարների տեղակալների պաշտոնային դրույքաչափերը սահմանել 30000 դրամ, իսկ Շուշիի և Շահումյանի շրջանների վարչակազմերի ղեկավարների տեղակալների պաշտոնային դրույքաչափերը` 26500 դրամ:

6. Ստեփանակերտի քաղաքային դատախազի, ԼՂՀ զինվորական դատախազի պաշտոնային դրույքաչափերը սահմանել 32000 դրամ, իսկ ԼՂՀ Ասկերանի, Մարտակերտի, Մարտունու, Հադրութի և Շուշիի շրջանների դատախազների պաշտոնային դրույքաչափերը` 29000 դրամ:

7. ՈՒժը կորցրած ճանաչել ԼՂՀ կառավարության 1996 թվականի փետրվարի 6-ի «ԼՂՀ աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, նպաստների և կրթաթոշակների չափերի բարձրացման մասին» թիվ 14 որոշման 2-րդ կետը:

8. Սույն որոշումը կիրարկել 1996 թվականի ապրիլի 1-ից: