ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ Ո Ւ Մ

П О С Т А Н О В Л Е Н И Е

ք.Ստեփանակերտ

г.Степанакерт 

ԼՂՀ աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, նպաստների և կրթաթոշակների չափերի բարձրացման մասին

Հաշվի առնելով կարգավորվող գների և սակագների աճի հետևանքով բնակչության սոցիալական պաշտպանության լրացուցիչ միջոցառումների իրականացման անհրաժեշտությունը, ԼՂՀ կառավարությունը որոշում է`

1. 1996թ. հունվարի 1-ից ԼՂՀ-ում աշխատավարձի նվազագուըն չափը սահմանել 720 դրամ:

Նվազագույն աշխատավարձի նկատմամբ բազմապատիկ գործակցով չվարձատրվող բյուջետային հիմնարկների աշխատողներին փաստացի վճարված աշխատավարձերը (ներառյալ` բոլոր տեսակի լրացուցիչ վարձատրությունները) ավելացնել 25 տոկոսի չափով:

Ժամային տարիֆային դրույքի նվազագույն չափերը սահմանել` աշխատաժամանակի կրճատ տևողության դեպքում`

36-ժամյա աշխատանքային շաբաթ` 4,68դրամ,

30-ժամյա աշխատանքային շաբաթ` 5,60դրամ:

ԼՂՀ-ում սահմանված նվազագույն աշխատավարձի նկատմամբ 1,0-5,9 բազմապատիկ գործակցով վարձատրվող բյուջետային հիմնարկների աշխատողների աշխատավարձերին սահմանել լրացուցիչ հավելումներ, համաձայն N 1 հավելվածի:

2. ԼՂՀ պետական իշխանության բյուջետային ոլորտի ղեկավար աշխատողների փաստացի վճարված աշխատավարձի չափը ավելացնել 33,3 տոկոսով, համաձայն N 2 հավելվածի:

3. ԼՂՀ օրենսդիր, գործադիր և դատական իշխանությունների ղեկավար աշխատողների (բացառությամբ սույն որոշման N 2 հավելվածով նախատեսված պաշտոնների ղեկավար աշխատողների) և մասնագետների փաստացի վճարված աշխատավարձի չափը բարձրացնել 100 տոկոսով:

4. ԼՂՀ կառավարության 1995թ. մայիսի 4-ի «ԼՂՀ բյուջետային հիմնարկների աշխատողների աշխատավարձի բարձրացման մասին» թիվ 68 որոշումը չի տարածվում սույն որոշման 1-ին կետի 2-րդ պարբերության, 2-րդ, 3-րդ կետերի վրա:

5. Չաշխատող և կեսնաթոշակ չստացող անձանց աշխատանքային խեղման կամ մասնագիտական հիվանդության հետևանքով պատճառված վնասի փոխհատուցման գումարներին, ինչպես նաև աշխատողի մահվան դեպքում նրա ընտանիքի անդամներին տրվող փոխհատուցման գումարներին սահմանել հավելում` 180 դրամի չափով:

6. ԼՂՀ պետական համալսարանի պետական պատվերով սովորող ուսանողների կրթաթոշակը սահմանել 2770 դրամ, իսկ ավարտական կուրսերի ուսանողների համար` 2880 դրամ, միջնակարգ մասնագիտական ուսումնական հաստատությունների սովորողների կրթաթոշակի չափը` 2650 դրամ, պրոֆեսիոնալ տեխնիկական ուսումնարանների սովորողների կրթաթոշակի չափը` 2590 դրամ:

ԼՂՀ պետական համալսարանի քննաշրջանի արդյունքով միայն «գերազանց» գնահատականներ ունեցող ուսանողների կրթաթոշակը սահմանել 2880 դրամ, իսկ ավարտական կուրսերի ուսանողների համար` 3000 դրամ:

7. ԼՂՀ պետական համալսարանի և միջնակարգ մասնագիտական հաստատությունների` բժշկական ցուցումով ակադեմիական արձակուրդում գտնվող ուսանողներին և սովորողներին ուսումնական հաստատությունների հաշվին վճարել ամսական 720 դրամի չափով նպաստ:

8. Մինչև 6 տարեկան երեխաների համար տրվող ամենամսյա նպաստների չափերը սահմանել 1200 դրամ:

9. Մինչև երեխայի 2 տարին լրանալը նրա խնամքի համար մասնակի վճարովի արձակուրդում գտնվելու դեպքում ամսական նպաստի չափը սահմանել 1500 դրամ:

10. Մինչև 17 տարեկան (պետական պատվերով սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավելի ուսման տևողությամբ պրոֆեսիոնալ-տեխնիկական ուսումնարանների սովորողներից) երեխաներ ունեցող միայնակ մայրերի ամենամսյա նպաստի չափը սահմանել 1500 դրամ:

11. Գործազուրկի կարգավիճակ ստացած և մինչև 2 տարեկան երեխա ունեցող մայրերին երեխայի խնամքի համար վճարվող ամսական նպաստի չափը սահմանել 1500:

12. Երեխային ծննդյան կապակցությամբ տրվող միանվագ նպաստի չափը սահմանել 3840 դրամ:

13. Նպաստառու գործազուրկների նպաստների փաստացի վճարվող չափերին սահմանել հավելում` 180 դրամի չափով:

14. Ձեռնարկություններում (անկախ սեփականության ձևից) աշխատողների աշխատանքի վարձատրության նվազագույն չափն ապահովվում է ձեռնարկությունների սեփական եկամուտների հաշվին:

15. 1996 թվականի հունվարի 1-ից ուժը կորցրած ճանաչել ԼՂՀ կառավարության 1995 թվականի հունիսի 19-ի «ԼՂՀ աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, կենսաթոշակների, նպաստների և կրթաթոշակների չափերի բարձրացման մասին» թիվ 108 որոշման 1-ին, 2-րդ, 3-րդ, 5-րդ, 6-րդ, 7-րդ, 8-րդ, 9-րդ, 10-րդ, 11-րդ և 13-րդ կետերը:

16. Սույն որոշումն ուժի մեջ է մտնում 1996 թվականի հունվարի 1-ից:

ԼՂՀ ժողկրթության, գիտության, մշակույթի և սպորտի նախարարության հանրակրթական դպրոցներում, հատուկ և օժանակ գիշերօթիկ դպրոցներում և մանկատներում աշխատող մանկավարժների աշխատավարձերին ավելացնել ԼՂՀ պաշտպանության պետական կոմիտեի 1994 թ. նոյեմբերի 30-ի «Լեռնային Ղարաբաղի Հանրապետությունում աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, կենսաթոշակների, նպաստների և կրթաթոշակների չափերի բարձրացման մասին» թ. 533 որոշման 2-րդ կետով սահմանված հավելումը` 120 դրամի չափով:

Ց Ա Ն Կ

1. ԼՂՀ նախագահ, ԼՂՀ խորհրդարանի նախագահ, ԼՂՀ վարչապետ:

2. ԼՂՀ օրենսդիր իշխանություն - ԼՂՀ խորհրդարանի նախագահի տեղակալ, խորհրդարանի քարտուղար, խորհրդարանի մշտական հանձնաժողովի նախագահ, մշտական հանձնաժողովի քարտուղար, մշտական հանձնաժողովի անդամ, ԼՂՀ կենտրոնական ընտրական հանձնաժողովի նախագահ:

3. ԼՂՀ գործադիր իշխանություն - ԼՂՀ փոխվարչապետ, ԼՂՀ նախագահի աշխատակազմի ղեկավար, ԼՂՀ կառավարության գործերի կառավարիչ, ԼՂՀ նախարար, ԼՂՀ պետական վարչության պետ, ԼՂՀ նախարարի և պետական վարչության պետի 1-ին տեղակալներ, ԼՂՀ նախարարի և պետական վարչության պետի տեղակալներ, ԼՂՀ կառավարությանն առընթեր պետական կառավարման մարմնի ղեկավար, ԼՂՀ ինքնուրույն վարչության պետ, ԼՂՀ էկոնոմիկայի և ֆինանսների նախարարության հարկային տեսչության պետ, ԼՂՀ լրատվության և մամուլի դեպարտամենտի տնօրեն, ԼՂՀ հեռուստատեսության և ռադիոհաղորդումների վարչության պետ, ԼՂՀ թոշակների և նպաստների հաշվարկման և վճարման հանրապետական կենտրոնի պետ, ԼՂՀ կենսաթոշակային և զբաղվածության ֆոնդի նախագահ:

4. ԼՂՀ դատական իշխանություն, դատախազություն - ԼՂՀ գերագույն դատարանի նախագահ, ԼՂՀ գլխավոր դատախազ, ԼՂՀ գերագույն դատարանի նախագահի տեղակալ, ԼՂՀ գլխավոր դատախազի 1-ին տեղակալ, ԼՂՀ գերագույն դատարանի անդամ, ԼՂՀ գլխավոր դատախազի տեղակալ, ԼՂՀ Ստեփանակերտի քաղաքային ժողովրդական դատարանի նախագահ, ժողդատարանի դատավոր, շրջանային ժողովրդական դատարանի դատավոր:

5. ԼՂՀ տեղական իշխանություն - ԼՂՀ Ստեփանակերտ քաղաքի և շրջանների վարչակազմերի ղեկավարներ: