ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

Ո Ր Ո Շ ՈՒ Մ

П О С Т А Н О В Л Е Н И Е

ք.Ստեփանակերտ

г.Степанакерт

Հաշվի առնելով կարգավորվող գների և սակագների աճի հետևանքով բնակչության սոցիալական պաշտպանվածության լրացուցիչ միջոցառումների իրականացման անհրաժեշտությունը, Լեռնային Ղարաբաղի Հանրապետության կառավարությունը որոշում է.

1. 1995 թվականի հունիսի 1-ից ԼՂ Հանրապետությունում աշխատավարձի նվազագույն չափը սահմանել 540 դրամ:

Նվազագույն աշխատավարձի նկատմամբ բազմապատիկ գործակցով չվարձատրվող բյուջետային հիմնարկների աշխատողների փաստացի վճարվող աշխատավարձերը /ներառյալ` ԼՂՀ կառավարության կողմից սահմանված բոլոր տեսակի լրացուցիչ վարձատրությունները/ ավելացնել 430 դրամի չափով:

Ժամային տարիֆային դրույքի նվազագույն չափերը սահմանել`

աշխատաժամանակի նորմալ տևողության դեպքում` 3,19 դրամ.

աշխատաժամանակի կրճատ տևողության դեպքում`

ա/ 36-ժամյա աշխատանքային շաբաթ` 3,51 դրամ.

բ/ 30-ժամյա աշխատանքային շաբաթ` 4,20 դրամ:

2. Նվազագույն աշխատավարձի նկատմամբ 1,0-ից մինչև 6,8 բազմապատիկ գործակցով վարձատրվող բյուջետային հիմնարկների աշխատողների աշխատավարձերին սահմանել լրացուցիչ հավելումներ, համաձայն հավելվածի:

3. Չաշխատող և կենսաթոշակ չստացող անձանց աշխատանքային խեղման կամ մասնագիտական հիվանդության հետևանքով պատճառված վնասի փոխհատուցման գումարներին, ինչպես նաև աշխատողի մահվան դեպքում նրա ընտանիքի անդամներին տրվող փոխհատուցման գումարներին սահմանել հավելում` 430 դրամի չափով:

4. «Քաղաքացիների պետական կենսաթոշակային ապահովության մասին» ԼՂՀ տարածքում գործող օրենքով սահմանված բոլոր տեսակի կենսաթոշակների փաստացի վճարվող չափերին /ծնողազուրկ յուրաքանչյուր երեխային տրվող կենսաթոշակին/, սահմանել 430 դրամի չափով հավելում` այն ավելացնելով կենսաթոշակին:

«Զինծառայողների և նրանց ընտանիքների անդամների սոցիալական ապահովության մասին» Լեռնային Ղարաբաղի Հանրապետության տարածքում գործող օրենքով սահմանված բոլոր տեսակի կենսաթոշակների փաստացի վճարվող չափերին սահմանել 430 դրամի չափով` ավելացնելով այն կենսաթոշակին:

Այն անձանց, ովքեր միաժամանակ կենսաթոշակ են ստանում սոցիալական ապահովության և այլ մարմիններից, կենսաթոշակին սահմանված հավելումը տրվում է այն մարմնի կողմից, որտեղից կենսաթոշակառուն ստանում է աշխատանքային տարիքային, աշխատանքային հաշմանդամության կամ երկարամյա ծառայության կենսաթոշակ:

5. Պետական բարձրագույն ուսումնական հաստատությունների ուսանողների կրթաթոշակի չափը սահմանել 2215 դրամ, իսկ ավարտական կուրսերի ուսանողների համար` 2263 դրամ, միջնակարգ մասնագիտական ուսումնական հաստատությունների /այդ թվում` քոլեջների/ սովորողների կրթաթոշակի չափը` 2120 դրամ, 10 ամսից պակաս ուսուցման տևողությամբ պրոֆեսիոնալ-տեխնիկական ուսումնարանների սովորողների կրթաթոշակի չափը` 2070:

Պետական բարձրագույն ուսումնական հաստատությունների քննաշրջանի արդյունքով միայն «գերազանց» գնահատականներ ունեցող ուսանողների կրթաթոշակը սահմանել 2310 դրամ, անկախ գերատեսչական համակարգից, ասպիրանտների կրթաթոշակը սահմանել 2830 դրամ, իսկ դոկտորանտներինը` 3430 դրամ:

6. Պետական բուհերի և միջնակարգ մասնագիտական ուսումնական հաստատությունների /այդ թվում` քոլեջների/ բժշկական ցուցումով ակադեմիական արձակուրդում գտնվող ուսանողներին և սովորողներին վճարել նպաստ ամսական 540 դրամի չափով` ուսումնական հաստատությունների հաշվին:

7. Մինչև 17 տարեկան /պետպատվերով սովորող և կենսաթոշակ չստացող երեխաների համար` մինչև 18 տարեկան, բացի 10 ամսից ավելի ուսուցման տևողությամբ պրոֆեսիոնալ-տեխնիկական ուսումնարանների սովորողներից/ երեխաների համար տրվող ամենամսյա նպաստների չափերը սահմանել.

նպաստի իրավունք ունեցող`

առաջին երեխայի համար` 870 դրամ.

երկրորդ երեխայի համար` 965 դրամ.

երրորդ երեխայի համար` 1058 դրամ.

չորրորդ երեխայի համար` 1160 դրամ.

հինգերորդ և յուրաքանչյուր հաջորդ երեխայի համար` 1254 դրամ:

ԼՂՀ կառավարության կողմից հաստատված հեռավոր և սահմանամերձ բնակավայրերում նշված նպաստի չափը սահմանել.

նպաստի իրավունք ունեցող`

առաջին երեխայի համար` 957 դրամ.

երկրորդ երեխայի համար` 1062 դրամ.

երրորդ երեխայի համար` 1164 դրամ.

չորրորդ երեխայի համար` 1276 դրամ.

հինգերորդ և յուրաքանչյուր հաջորդ երեխայի համար` 1380 դրամ:

8. Մինչև երեխայի 2 տարին լրանալը, նրա խնամելու համար մասնակի վճարովի արձակուրդում գտնվելու դեպքում ամսական նպաստի չափը ավելացնել 430 դրամով`  սահմանելով այն 1300 դրամ:

9. Մինչև 17 տարեկան /պետպատվերով սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավելի ուսուցման տևողությամբ պրոֆեսիոնալ-տեխնիկական ուսումնարանների սովորողներից/ երեխաներ ունեցող միայնակ մայրերի ամենամսյա նպաստի չափը ավելացնել 430 դրամով` սահմանելով այն 1300 դրամ:

10. Գործազուրկի կարգավիճակ ստացած և մինչև 2 տարեկան երեխա ունեցող մայրերին երեխայի խնամքի համար վճարվող ամսական նպաստի չափը ավելացնել 430 դրամով` սահմանելով այն 1300 դրամ:

11. Երեխայի ծննդյան կապակցությամբ տրվող միանվագ նպաստի չափը սահմանել 3200 դրամ:

12. Նպաստառու գործազուրկների նպաստները փաստացի վճարվող չափերին սահմանել հավելում` 430 դրամի չափով:

13. Ձեռնարկություններում /անկախ սեփականության ձևից/ աշխատողների աշխատանքի վարձատրության նվազագույն չափն ապահովվում է սեփական եկամուտների հաշվին:

14. 1995 թվականի հունիսի 1-ից ուժը կորցրած ճանաչել Լեռնային Ղարաբաղի Հանրապետության կառավարության 1995 թվականի ապրիլի 12-ի «Լեռնային Ղարաբաղի Հանրապետությունում աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, կենսաթոշակների, նպաստների և կրթաթոշակների չափերի բարձրացման մասին» թիվ 65 որոշման հ.հ. 1, 2, 5, 6, 7, 8, 9, 10, 11 և 13 կետերը:

1. Լեռնային Ղարաբաղի Հանրապետության ժողկրթության, գիտության, մշակույթի և սպորտի նախարարության հանրակրթական դպրոցներում, հատուկ և օժանդակ գիշերօթիկ դպրոցներում և մանկատներում աշխատող մանկավարժների աշխատավարձերին ավելացնել ԼՂՀ պաշտպանության պետական կոմիտեի 1994 թ. նոյեմբերի 30-ի որոշման 2-րդ կետով սահմանված հավելումը`120 դրամի չափով:

2. ԼՂՀ բյուջեից ֆինանսավորվող բյուջետային հիմնարկների աշխատողների աշխատավարձին ավելացնել ԼՂՀ կառավարության 1995 թվականի մայիսի 4-ի թիվ 68 որոշման 1-ին կետով սահմանված հավելումը: