ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ

ՊԵՏԱԿԱՆ ԿՈՄԻՏԵ

Ո Ր Ո Շ ՈՒ Մ

 ք.ՍՏԵՓԱՆԱԿԵՐՏ

Լեռնային Ղարաբաղի Հանրապետությունում նվազագույն և միջին աշխատավարձերի հարաբերակցությունը կարգավորելու, որոշ կատեգորիայի նպաստ ստացողների սոցիալական պաշտպանվածության լրացուցիչ միջոցառումների իրականացման նպատակով, Լեռնային Ղարաբաղի Հանրապետության Պաշտպանության Պետական Կոմիտեն որոշում է.

1. 1994 թվականի հոկտեմբերի 1-ից Լեռնային Ղարաբաղի Հանրապետությունում աշխատավարձի նվազագույն չափը սահմանել 230 դրամ, իսկ ԼՂՀ-ի Պաշտպանության Պետական Կոմիտեի կողմից հաստատված հեռավոր և սահմանամերձ բնակավայրերում 253 դրամ:

Բյուջետային հիմնարկների աշխատողների պաշտոնային դրույքների, ժամային տարիֆային դրույքների նվազագույն չափերը սահմանել`

աշխատաժամանակի նորմալ տևողության դեպքում` 1,36 դրամ,

աշխատաժամանակի կրճատ տևողության դեպքում` 36-ժամյա աշխատանքային շաբաթ` 1,50 դրամ

30 ժամյա աշխատանքային շաբաթ` 1,79 դրամ:

ԼՂՀ Պաշտպանության Պետական Կոմիտեի կողմից հաստատված հեռավոր և սահմանամերձ բնակավայրերում`

աշխատաժամանակի նորմալ տևողության դեպքում` 1,50 դրամ

աշխատաժամանակի կրճատ տևողության դեպքում`

36-ժամյա աշխատանքային շաբաթ` 1,62 դրամ

30 ժամյա աշխատանքային շաբաթ` 1,98 դրամ:

2. Աշխատանքային խեղման կամ մասնագիտական հիվանդության հետևանքով աշխատողներին պատճառված վնասի փոխհատուցման գումարների, աշխատողի մահվան դեպքում նրա ընտանիքի անդամներին տրվող փոխհատուցման գումարների չափերին սահմանել 104 դրամ հավելում:

3. 1994 թվականի հոկտեմբերի 1-ից հետո նոր նշանակվող ոչ լրիվ աշխատանքային ստաժի դեպքում տարիքային աշխատանքային կենսաթոշակների և հաշմանդամների կենսաթոշակների, ինչպես նաև ծերության և հաշմանդամության սոցիալական կենսաթոշակների չափերը, դրանց տրվող հավելումները որոշվում են ,,Հանրապետության քաղաքացիների պետական կեսաթոշակային ապահովության մասին,, օրենքին համապատասխան` նվազագույն աշխատավարձի չափին ավելացնելով 251 դրամ հավելում` ստացված գումարն ընդունելով որպես հաշվարկման հիմք:

4. 1994 թվականի հոկտեմբերի 1-ից հետո նոր նշանակվող զինծառայողների կենսաթոշակների, դրանց տրվող հավելումների, ինչպես նաև զինծառայողների ընտանիքների անդամների սոցիալական կենսաթոշակների չափերը որոշվում են ,,Զինծառայողների և նրանց ընտանիքների անդամների սոցիալական ապահովության մասին,, օրենքին համապատասխան` նվազագույն աշխատավարձի չափին ավելացնելով 251 դրամ հավելում` ստացած գումարն ընդունելով որպես հաշվարկման հիմք:

5. Մինչև 17 տարեկան /սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավելի ուսուցման տևողությամբ պրոֆեսիոնալ-տեխնիկական ուսումնարանների սովորողներից/ երեխաների համար տրվող ամենամսյա նպաստների չափը սահմանել 200 դրամ:

ԼՂՀ Պաշտպանության Պետական Կոմիտեի կողմից հաստատված հեռավոր և սահմանամերձ բնակավայրերում նշված չափը սահմանել 220 դրամ:

6. Մինչև 17 տարեկան երեք և ավելի երեխաներ /սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավելի ուսուցման տևողությամբ պրոֆեսիոնալ-տեխնիկական ուսումնարանների սովորողներից/ ունեցող ընտանիքների համար մեկ երեխային տրվող ամսական նպաստների չափը սահմանել 250 դրամ:

ԼՂՀ Պաշտպանության Պետական Կոմիտեի կողմից հաստատված հեռավոր և սահմանամերձ բնակավայրերում նշված նպաստի չափը սահմանել 275 դրամ:

7. Մինչև երեխայի 2 տարին լրանալը նրան խնամելու համար մասնակի վճարովի արձակուրդում գտնվելու դեպքում ամսական նպաստի չափը սահմանել 200 դրամ:

8. Գործազուրկի կարգավիճակ ստացած և մինչև 2 տարեկան երեխա ունեցող մայրերին երեխայի խնամքի համար վճարել նպաստ` ամսական 200 դրամի չափով:

9. Մինչև 17 տարեկան /սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավելի ուսուցման տևողությամբ պրոֆեսիոնալ-տեխնիկական ուսումնարանների սովորողներից/ երեխաներ ունեցող միայնակ մայրերին ամենամսյա նպաստի չափը սահմանել 200 դրամ:

10. ԼՂՀ Պաշտպանության Պետական Կոմիտեի 1994 թվականի օգոստոսի 18-ի հ. 483 ,,Կենսաթոշակների չափերին հավելում սահմանելու մասին,, և սեպտեմբերի 23-ի հ. 502 ,,Լեռնային Ղարաբաղի Հանրապետության բյուջետային հիմնարկների աշխատողների աշխատավարձի, կրթաթոշակների և որոշ նպաստների չափերի բարձրացման մասին ,, որոշումներով բարձրացված աշխատավարձերի, կենսաթոշակների, կրթաթոշակների և նպաստների չափերը չեն փոփոխվում:

11. Ձեռնարկություններում /անկախ սեփականության ձևից/ աշխատողների աշխատանքի վարձատրության նվազագույն չափն ապահովվում է սեփական եկամուտների հաշվին:

12. Հանրապետության Կառավարության որոշումները համապատասխանեցնել սույն որոշմանը:

13.1994 թվականի հոկտեմբերի 1-ից ուժը կորցրած ճանաչել ԼՂ Հանրապետության Պաշտպանության Պետական Կոմիտեի 1994 թվականի ապրիլի 13-ի հ. 426 ,,Լեռնային Ղարաբաղի Հանրապետությունում աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, կենսաթոշակների, նպաստների և կրթաթոշակների չափերի բարձրացման մասին,, որոշման 1-ին, 4-րդ, 5-րդ, 10-րդ, 11-րդ, 12-րդ, 13-րդ, 14-րդ, 17-րդ կետերը: