ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ

ՊԵՏԱԿԱՆ ԿՈՄԻՏԵ

Ո Ր Ո Շ ՈՒ Մ

ք.Ստեփանակերտ

Հաշվի առնելով գների ու սակագների աճի հետևանքով բնակչության սոցիալական պաշտպանվածության լրացուցիչ միջոցառումների իրականացման անհրաժեշտությունը, Լեռնային Ղարաբաղի Հանրապետության Պաշտպանության պետական կոմիտեն որոշում է.

1. 1994թ. ապրիլի 1-ից ԼՂՀ աշխատավարձի նվազագույն չափը սահմանել 176 դրամ, իսկ ԼՂՀ-ի Պաշտպանության պետական կոմիտեի կողմից հաստատած հեռավոր և սահմանամերձ բնակավայրերում` 194 դրամ:

Նվազագույն աշխատավարձի նկատմամբ բազմապատիկ գործակցով չվարձատրվող բյուջետային հիմնարկների աշխատողների պաշտոնային դրույքների, լրիվ աշխատանքային ստաժի դեպքում տրվող կենսաթոշակների և զինծառայողների կենսաթոշակների համար կիրառել 1,6 գործակիցը, այն համապատասխանաբար տարածելով նաև ԼՂՀ-ի կառավարության կողմից սահմանված բոլոր տեսակի լրացուցիչ վարձատրությունների վրա:

Ժամային տարիֆային դրույքի նվազագույն չափերը սահմանել`

աշխատաժամանակի նորմալ տևողության դեպքում` 1,05 դրամ.

աշխատաժամանակի կրճատ տևողության դեպքում`

36-ժամյա աշխատանքային շաբաթ` 1,15 դրամ.

30-ժամյա աշխատանքային շաբաթ` 1,38 դրամ:

ԼՂՀ Պաշտպանեւթյան պետական կոմիտեի կողմից հաստատված հեռավոր և սահմանամերձ բնակավայրերում`

աշխատաժամանակի նորմալ տևողության դեպքում` 1,15 դրամ.

աշխատաժամանակի կրճատ տևողության դեպքում`

36-ժամյա աշխատանքային շաբաթ` 1,25 դրամ.

30-ժամյա աշխատանքային շաբաթ` 1,52 դրամ:

2. ԼՂՀ բյուջետային հիմնարկների աշխատողների աշխատավարձի, լրիվ աշխատանքային ստաժի դեպքում տրվող կենսաթոշակների և զինծառայողների կենսաթոշակների` սույն որոշման համապատասխան ինդեքսավորված չափերին սահմանել հավելում, ավելացնելով այն աշխատավարձերի և կենսաթոշակների չափերին` համաձայն սույն որոշման կից հավելվածի:

3. Աշխատանքային խեղման կամ մասնագիտական հիվանդության հետևանքով աշխատողներին պատճառված վնասի, ինչպես նաև օրենսդրությամբ սահմանված ամենամսյա փոխհատուցման այլ գումարների չափերին սահմանել 80 դրամ հավելում:

4. Ոչ լրիվ աշխատանքային ստաժի դեպքում` տարիքային աշխատանքային կենսաթոշակների և հաշմանդամներին տրվող կենսաթոշակների, ինչպես նաև ծերության և հաշմանդամության սոցիալական կենսաթոշակների չափերը որոշում են ,,ԼՂՀ քաղաքացիների պետական կենսաթոշակային ապահովության մասին,, ԼՂՀ տարածքում գործող օրենքին համապատասխան` նվազագույն աշխատավարձի չափին ավելացնելով 194 դրամ հավելում` ստացած գումարն ընդունելով որպես հաշվարկման հիմք:

5. Զինծառայողների կենսաթոշակների, դրանց հավելումների, ինչպես նաև զինծառայողների ընտանիքների անդամներին տրվող սոցիալական կենսաթոշակների չափերը որոշում են ,,Զինծառայողների և նրանց ընտանիքների անդամների սոցիալական ապահովության մասին,, ԼՂՀ տարածքում գործող օրենքին համապատասխան` նվազագույն աշխատավարձի չափին ավելացնելով 194 դրամ հավելում` ստացված գումարն ընդունելով որպես հաշվարկման հիմք:

6. Կերակրողին կորցնելու կապակցությամբ երեխաներին նշանակված սոցիալական կենսաթոշակներին վճարել փոխհատուցում այն հաշվով, որ`

ա) ծնողներին կորցրած երեխաներին, ինչպես նաև մեկ ծնողին կորցրած այն երեխաներին, որոնց մյուս ծնողը առաջին կամ երկրորդ խմբի հաշմանդամ է, նշանակված կենսաթոշակների չափերը յուրաքանչյուր երեխայի համար տրվող փոխհատուցման գումարով հանդերձ կազմեն 444 դրամ.

բ) մեկ ծնողին կորցրած երեխաներին նշանակված կենսաթոշակների չափերը յուրաքանչյուր երեխայի համար տրվող փոխհատուցման գումարով հանդերձ կազմեն 370 դրամ:

7. Կերակրողին կորցնելու կապակցությամբ ընտանիքի յուրաքանչյուր անաշխատունակ անդամին նշանակված սոցիալական կենսաթոշակին սահմանել 110 դրամ հավելում, բացառությամբ այն անձանց, ովքեր ,,ԼՂՀ քաղաքացիների պետական կենսաթոշակային ապահովության մասին,, ԼՂՀ տարածքում գործող օրենքին համապատասխան ստանում են այլ կենսաթոշակներ:

8. Պետական բարձրագույն ուսումնական հաստատությունների ուսանողների կրթաթոշակի չափը սահմանել 296 դրամ, իսկ ավարտական կուրսերի ուսանողների համար` 333 դրամ, միջնակարգ մասնագիտական ուսումնական հաստատությունների (այդ թվում` քոլեջների) սովորողների կրթաթոշակի չափը` 222 դրամ, 10 ամսից պակաս ուսուցման տևողությամբ պրոֆեսիոնալ-տեխնիկական ուսումնարանների սովորողների կրթաթոշակի չափը` 185 դրամ:

Պետական բարձրագույն ուսումնական հաստատությունների` քննաշրջանի արդյունքով միայն ,,գերացանց,, գնահատականներ ունեցող ուսանողների կրթաթոշակը սահմանել 370 դրամ: Անկախ գերատեսչական համակարգից, ասպիրանտների կրթաթոշակը սահմանել ամսական 500 դրամ, իսկ դոկտորանտներինը` 700 դրամ:

9. Պետական բարձրագույն և միջնակարգ մասնագիտական ուսումնական հաստատությունների (այդ թվում`քոլեջների) բժշկական ցուցումով ակադեմիական արձակուրդում գտնվող ուսանողներին և սովորողներին վճարել նպաստ ամսական 148 դրամի չափով`ուսումնական հաստատությունների հաշվին:

10. Մինչև 17 տարեկան (սովորող կրթաթոշակ չստացող երեխաների համար` մինչև 18 տարեկան, բացի 10 ամսից ավել ուսուցման տևողությամբ պրոֆեսիոնալ-տեխնիկական ուսումնարանների սովորողներից) երեխաների համար տրվող ամենամսյա նպաստների չափը սահմանել 148 դրամ:

ԼՂՀ կառավարության կողմից հաստատված հեռավոր և սահմանամերձ բնակավայրերում նշված նպաստի չափը սահմանել 163 դրամ:

11. Մինչև 17 տարեկան երեք և ավելի երեխաներ (սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավել ուսուցման տևողությամբ պրոֆեսիոնալ-տեխնիկական ուսումնարանների սովորողներից) ունեցող ընտանիքների համար մեկ երեխային տրվող ամսական նպաստի չափը սահմանել 185 դրամ:

ԼՂՀ կառավարության կողմից հաստատված հեռավոր և սահմանամերձ բնակավայրերում նշված նպաստի չափը սահմանել 203 դրամ:

12. Մինչև երեխայի 2 տարին լրանալը, նրան խնամելու համար մասնակի վճարովի արձակուրդում գտնվելու դեպքում ամսական նպաստի չափը սահմանել 148 դրամ:

13. Գործազուրկի կարգավիճակ ստացած և մինչև 2 տարեկան երեխա ունեցող մայրերին երեխայի խնամելու համար վճարել նպաստ` ամսական 148 դրամ:

14. Մինչև 17 տարեկան (սովորող և կրթաթոշակ չստացող երեխաների համար` մինչև 18 տարեկան, բացի 10 ամսից ավել ուսուցման տևողությամբ պրոֆեսիոնալ-տեխնիկական ուսումնարանների սովորողներից) երեխա ունեցող միայնակ մայրերի ամենամսյա նպաստի չափը սահմանել 148 դրամ:

15. Երեխայի ծննդյան կապակցությամբ տրվող միանվագ նպաստի չափը սահմանել 700 դրամ:

16. Նպաստառու գործազուրկների նպաստների չափերին սահմանել 194 դրամ հավելում:

17. Ձեռնարկություններում և ոչ բյուջետային հիմնարկներում, կազմակերպություններում (անկախ սեփականության ձևից) աշխատավարձի նվազագույն չափն ապահովվում են սեփական եկամուտների հաշվին:

18. 1994 թվականի ապրիլի 1-ից ուժը կորցրած ճանաչել Լեռնային Ղարաբաղի Հանրապետության Պաշտպանության պետական կոմիտեի 1994 թվականի հունվարի 21-ի ,,ԼՂՀ աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, կենսաթոշակների, նպաստների ու կրթաթոշակների չափերի ինդեքսավորման մասին,, որոշման 1-ին, 5-րդ, 8-րդ, 9-րդ, 10-րդ, 11-րդ, 12-րդ, 13-րդ, 15-րդ, 16-րդ կետերը:

ծ ա ն ո թ ա գ ր ու թ յ ու ն

Այն դեպքում, երբ ինդեքսավորված աշխատավարձի կամ կենսաթոշակի չափը չի համընկնում աղյուսակի 1-ին սյունակում բերված թվային մեծությանը, ապա հիմք է ընդունվում նույն սյունակում բերված ավելի մոտ թվային մեծությունը, իսկ հավասար շեղման դեպքում՝ ավելի բարձր թվային մեծությունը: