ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

 

Ո Ր Ո Շ ՈՒ Մ

П О С Т А Н О В Л Е Н И Е

 

"29" դեկտեմբերի 1998թ.

N 284

ք.Ստեփանակերտ

г.Степанакерт

 

Լեռնային Ղարաբաղի Հանրապետության առանձին խմբերի քաղաքացիների արտոնությունների մասին

 

Լեռնային Ղարաբաղի Հանրապետության կառավարությունը որոշում է.

1. Հաստատել Լեռնային Ղարաբաղի Հանրապետության առանձին խմբերի քաղաքացիներին տրվող արտոնությունների ցանկը (կցվում է):

2. Հաստատել առանձին խմբերի քաղաքացիներին արտոնությունների համար դրամական փոխհատուցումներ տալու կարգը (կցվում է):

3. Հաստատել առանձին խմբերի քաղաքացիներին Լեռնային Ղարաբաղի Հանրապետությունում ներքաղաքային (միայն ներքաղաքային տրանսպորտ ունեցող քաղաքներում բնակվողներին), ներհանրապետական և միջհանրապետական ուղևորատար տրանսպորտի բոլոր տեսակներով, անկախ սեփականության ձևից (բացի տաքսուց), երթևեկելու, էլեկտրաէներգիայի, գազի, ջեռուցման, ջրամատակարարման, ջրահեռացման, աղբահանման, ինչպես նաև հեռախոսի (միայն բաժանորդ հանդիսացող) բաժանորդային վարձի վճարման արտոնությունների համար տրվող դրամական փոխհատուցումների չափերի ցանկը (կցվում է):

4. Սահմանել, որ եռամսյակը մեկ ԼՂՀ 1999 թվականի պետական բյուջեով արտոնությունների համար նախատեսված միջոցներից “Արցախկապ” պետական փակ բաժնետիրական ընկերությանը կհատուցվեն առանձին խմբերի քաղաքացիների համար հեռախոսի անվճար տեղադրման հետևանքով առաջացած վնասները, համաձայն ներկայացված հաշվետվությունների:

5. Լեռնային Ղարաբաղի Հանրապետության պետական կենսաթոշակային հիմնադրամին, Լեռնային Ղարաբաղի Հանրապետության պաշտպանության բանակի կազմակերպազորահավաքային բաժնին` ապահովել սույն որոշման 2-րդ կետում նշված արտոնությունների համար տրվող դրամական փոխհատուցումների վճարումը` կենսաթոշակների վճարմանը զուգահեռ:

6. Լեռնային Ղարաբաղի Հանրապետության ֆինանսների նախարարությանը` Լեռնային Ղարաբաղի Հանրապետության 1999 թ. պետական բյուջեով արտոնությունների համար նախատեսված դրամական փոխհատուցումների գումարը սահմանված կարգով հատկացնել Լեռնային Ղարաբաղի Հանրապետության պետական կենսաթոշակային հիմնադրամին ու Լեռնային Ղարաբաղի Հանրապետության պաշտպանության բանակի կազմակերպազորահավաքային բաժնին:

7. ՈՒժը կորցրած ճանաչել ԼՂՀ կառավարության 1997թ. օգոտսոսի 7-ի թիվ 139 և 1998թ. մարտի 26-ի թիվ 40 որոշումները (1997թ. նոյեմբերի 28-ի թիվ 165, 1998թ. փետրվարի 4-ի թիվ 18, 1998թ. մարտի 26-ի թիվ 48 և 1998թ. օգոստոսի 25-ի թիվ 173 որոշումների խմբագրությամբ):

8. Սույն որոշումն ուժի մեջ է մտնում 1999 թվականի հունվարի 1-ից:

 

 

ԼՂՀ վարչապետ

Ժ. ՊՈՂՈՍՅԱՆ

 

 

Հաստատված է ԼՂՀ կառավարության 1998թ. 29 դեկտեմբերի թիվ 284 որոշմամբ

 

ԿԱՐԳ

 

ԼՂՀ առանձին խմբերի քաղաքացիներին արտոնությունների համար դրամական փոխհատուցումներ տալու

 

1. Սույն կարգով սահմանվում է առանձին խմբերի քաղաքացիներին Լեռնային Ղարաբաղի Հանրապետության օրենսդրությամբ սահմանված արտոնությունների համար դրամական փոխհատուցումներ (այսուհետ` փոխհատուցում) տալու կարգը:

2. Փոխհատուցումը տրվում է դրա իրավունքն ունեցող քաղաքացիներին կամ նրանց օրինական ներկայացուցիչներին:

3. Փոխհատուցումը չի տրվում պետության լրիվ խնամքի տակ գտնվող անձանց:

4. Եթե ընտանիքում կան փոխհատուցում ստանալու իրավունք ունեցող մեկից ավելի անդամներ, ապա փոխհատուցումը տրվում է նրանցից յուրաքանչյուրին:

Միայն չաշխատող կենսաթոշակառուներից կազմված ընտանիքի յուրաքանչյուր անդամին տրվում է փոխհատուցում:

5. Միաժամանակ մի քանի փոխհատուցման իրավունք ունեցող անձին տրվում է առավել բարձր չափի մեկ փոխհատուցում:

(5-րդ կետը խմբ. 29.04.1999 N 75)

6. (6-րդ կետը հանվել է 29.04.1999 N 75)

6. Սույն կարգի 10-րդ, 11-րդ, 12-րդ կետերում նշված անձանց փոխհատուցումը տրվում է այդ իրավունքն առաջանալու ամսվանից, եթե քաղաքացին անհրաժեշտ փաստաթղթերը ներկայացրել է փոխհատուցման իրավունքն առաջանալուց հետո 6-ամսյա ժամկետում: Նշված ժամկետը լրանալուց հետո փոխհատուցումը տրվում է դիմումն անհրաժեշտ փաստաթղթերի հետ միասին ներկայացնելու ամսվանից:

(կետը փոփ. 29.04.1999 N 75)

7. Փոխհատուցման իրավունք ունեցող առանձին խմբերի քաղաքացիների փոխհատուցումը տալիս է ԼՂՀ պետական կենսաթոշակային հիմնադրամը:

(կետը խմբ., փոփ. 29.04.1999 N 75)

8. Փոխհատուցման իրավունք ունեցող, կենսաթոշակ չստացող քաղաքացիներին փոխհատուցումը տրվում է բնակության վայրի` Լեռնային Ղարաբաղի Հանրապետության պետական կենսաթոշակային հիմնադրամի տարածքային կենտրոնի կողմից, բացառությամբ սույն կարգի 11-րդ կետի «ա» ենթակետում նշված անձանց:

(կետը փոփ. 29.04.1999 N 75)

9. Փոխհատուցման իրավունք ունեցող, կենսաթոշակ չստացող քաղաքացիները դիմումի հետ մեկտեղ Լեռնային Ղարաբաղի Հանրապետության պետական կենսաթոշակային հիմնադրամի տարածքային կենտրոն են ներկայացնում հետևյալ փաստաթղթերը.

ա) բռնադատվածները` բռնադատվածի վկայականի պատճենը և տեղեկանք մշտական բնակության վայրի մասին.

բ) Չեռնոբիլի ԱԷԿ-ի վթարի հետևանքով ճառագայթային հիվանդություն ստացածները` տեղեկանքներ ճառագայթային հիվանդություն ստանալու և մշտական բնակության վայրի մասին:

(կետը փոփ. 29.04.1999 N 75)

10. Լեռնային Ղարաբաղի Հանրապետության պաշտպանության ժամանակ ծառայողական պարտականությունների կատարման ընթացքում զոհված (մահացած) զինծառայողների (նրանց հավասարեցված անձանց)` կենսաթոշակ չստացող ծնողներին և ամուսնուն փոխհատուցում նշանակվում է`

ա/ Լեռնային Ղարաբաղի Հանրապետության պաշտպանության բանակի կազմակերպազորահավաքային բաժնի կողմից.

բ/ Լեռնային Ղարաբաղի Հանրապետության ներքին գործերի նախարարության և Լեռնային Ղարաբաղի Հանրապետության ազգային անվտանգության պետական վարչության կենսաթոշակային ապահովության կառուցվածքային ստորաբաժանումների կողմից:

Նշված անձինք ներկայացնում են տեղեկանքներ Լեռնային Ղարաբաղի Հանրապետության պաշտպանության ժամանակ ծառայողական պարտականությունների կատարման ընթացքում զինծառայողի զոհվելու (մահանալու) և մշտական բնակության վայրի մասին:

(կետը փոփ. 29.04.1999 N 75)

11. Միայնակ չաշխատող կենսաթոշակառուները և միայն չաշխատող կենսաթոշակառուներից կազմված ընտանիքի անդամները դիմումի հետ մեկտեղ ներկայացնում են նաև հայտարարագիր աշխատունակ զավակներ կամ խնամակալներ չունենալու մասին, ինչպես նաև տեղեկանքներ մշտական բնակության վայրի, ընտանիքի կազմի և չաշխատելու մասին:

(կետը փոփ. 29.04.1999 N 75)

12. Կենսաթոշակ նշանակող մարմինները փոխհատուցումները վճարում են «Արցախփոստ» պետական փակ բաժնետիրական ընկերության համակարգի ձեռնարկությունների միջոցով` սահմանված կարգով:

(կետը փոփ. 29.04.1999 N 75)

13. Ժամանակին չստացված փոխհատուցման գումարը քաղաքացուն միանվագ վճարվում է անցած 3 տարուց ոչ ավելի ժամանակաշրջանի համար:

Փոխհատուցումը նշանակող և վճարող մարմնի մեղքով չվճարված փոխհատուցման գումարները վճարվում են առանց ժամկետի սահմանափակման:

(կետը փոփ. 29.04.1999 N 75)

14. Քաղաքացու մահվան դեպքում չստացված փոխհատուցման գումարները տրվում են Լեռնային Ղարաբաղի Հանրապետության օրենսդրությամբ սահմանված կարգով:

(կետը փոփ. 29.04.1999 N 75)

15. Սահմանված կարգով տրված լիազորագրի հիման վրա փոխհատուցումը կարող է վճարվել միայն 3 ամսվա համար:

(կետը փոփ. 29.04.1999 N 75)

16. Փոխհատուցում ստացող քաղաքացու մշտական բնակության վայրի փոփոխման դեպքում փոխհատուցման վճարումը կասեցվում է և վերսկսվում է նոր բնակության վայրում` փոխհատուցումը չստանալու օրվանից:

(կետը փոփ. 29.04.1999 N 75)

17. Կեղծ փաստաթղթեր ներկայացնելու, փոխհատուցման դադարեցման հիմքերը թաքցնելու դեպքերում ավելի վճարված փոխհատուցման գումարը հետ է գանձվում Լեռնային Ղարաբաղի Հանրապետության օրենսդրությամբ սահմանված կարգով:

(կետը փոփ. 29.04.1999 N 75)

18. Փոխհատուցման գումարի վճարումը դադարեցվում է հետևյալ դեպքերում.

ա) հաշմանդամության խմբի սահմանված ժամկետը լրանալու.

բ) պետության լրիվ խնամքի տակ անցնելու.

գ) քաղաքացու մահվան:

Նշված դեպքերում փոխհատուցման վճարումը դադարեցվում է այդ հանգամանքներն առաջանալու հաջորդ ամսվանից:

(կետը փոփ. 29.04.1999 N 75)

19. Փոխհատուցման նշանակման, մերժման, վճարման, կասեցման կամ դադարեցման հետ կապված փաստաթղթերը պահվում են կենսաթոշակ նշանակող մարմիններում:

(կետը փոփ. 29.04.1999 N 75)

20. Փոխհատուցումների մշակման և վճարման կապակցությամբ առաջացած վեճերը լուծվում են վերադասության կամ դատական կարգով:

(կետը փոփ. 29.04.1999 N 75)

(կարգը խմբ., փոփ. 29.04.1999 N 75)

 

 

Հաստատված է ԼՂՀ կառավարության 1998թ. 29 դեկտեմբերի թիվ 284 որոշմամբ

 

ՑԱՆԿ

 

Առանձին խմբերի քաղաքացիներին արտոնությունների համար տրվող դրամական փոխհատուցումների չափերի

 

հ/հ	Առանձին խմբերի քաղաքացիները	մեկ անձին տրվող փոխհատուցման գումարը (դրամ)
		ք.Ստեփանակեր-տում բնակվող	շրջկենտրոններում բնակվող	Այլ բնակավայրերում բնակվող
1	1-ին և 2-րդ խմբերի հաշմանդամներ (բացառությամբ Հայրենական Մեծ պատերազմի հաշմանդամների)	4255.0	3670.0	2840.0
2	Հայրենական Մեծ պատերազմի և այլ պետություններում մարտական գործողությունների պատճառով հաշմանդամ դարձած զինծառայողներ, ինչպես նաև Հայրենական Մեծ պատերազմի և այլ պետություններում մարտական գործողությունների մասնակիցներ, որոնք հետագայում հաշմանդամ են դարձել	4255.0	3670.0	2840.0
3	ԼՂՀ պաշտպանության ժամանակ ծառայողական պարտականությունների կատարման ընթացքում զոհված (մահացած) զինծառայողների (նրանց հավասարեցված անձանց) ընտանիքներ (ամուսիներ, երեխաներ, ծնողներ)	4255.0	3670.0	2840.0
4	ԼՂՀ պաշտպանության ժամանակ ծառայողական գործողությունների պատճառով, զինվորական ծառայության ընթացքում կամ զինվորական ծառայությունից սահմանված կարգով արձակվելուց հետո ստացած վնասվածքների, խեղումների և հիվանդությունների հետևանքով հաշմանդամ դարձած զինծառայողներ (նրանց հավասարեցված անձինք)	4255.0	3670.0	2840.0
5	Հայրենական Մեծ պատերազմում և այլ պետություններում մարտական գործողությունների ժամանակ զոհված զինծառայողների ընտանիքներ (ծնողներ և այրիներ)	3745.0	3160.0	2330.0
6	Արցախի հերոսներ, Հայաստանի ազգային հերոսներ, նախկին Խորհրդային Միության հերոսներ, սոցիալիստական աշխատանքի հերոսներ, «Մարտական խաչի» 1-ին և 2-րդ աստիճանի և «Փառքի» երեք աստիճանների շքանշաններով պարգևատրված անինք	4255.0	3670.0	2840.0
7	Բռնադատվածներ	3475.0	2890.0	2840.0
8	Չեռնոբիլի ԱԷԿ-ի վթարի վերացման աշխատանքների ժամանակ ճառագայթային հիվանդություններ ստացածներ, վթարից հաշմանդամ (3-րդ խումբ) ճանաչված քաղաքացիներ և զոհվածների ընտանիքներ	1915.0	1870.0	1820.0
9	Միայնակ չաշխատող կենսաթոշակառուներ և միայն չաշխատող կենսաթոշակառուներից կազմված ընտանիքներ	4255.0	3670.0	2840.0
10	Մանկուց հաշմանդամ երեխաներ	4255.0	3670.0	2840.0
11	Անհատական կենսաթոշակառուներ	2695.0	2650.0	1820.0
12	Տեսողությունից 1-ին խմբի հաշմանդամներին ուղեկցողներ	1000.0	1000.0	1000.0
13	Խուլ, համր հաշմանդամներ (16 տարեկանից բարձր)	1000.0	1000.0	1000.0
14	Հայրենական Մեծ պատերազմի և այլ պետություններում մարտական գործողությունների մասնակիցներ	1830.0	1290.0	510.0
15	Հայրենական Մեծ պատերազմի տարիներին թիկունքում անձնազոհ աշխատանքի համար նախկին ԽՍՀՄ շքանշաններով և մեդալներով պարգևատրված անձինք	540.0	-	-
16	5 և ավելի երեխա ունեցող ծնողներից մեկը	540.0	-	-

 

Հաստատված է ԼՂՀ կառավարության 1998թ. 29 դեկտեմբերի թիվ 284 որոշմամբ

 

ՑԱՆԿ

 

ԼՂՀ առանձին խմբերի քաղաքացիների արտոնությունների

 

հ/հ	Առանձին խմբերի քաղաքացիներ	Տրանսպորտ			Կոմունալ ծառայությունների			Էլեկտրա-էներգիա	Ջեռու-ցում	Գազ	Կապ
		Ներքաղ.	Ներհանր	Միջհան	ջրամ.	ջրահ.	աղբ.
	Մեկ քաղաքացու տրվող փոխհատուցումը (դրամ)	540դր. (18ուղ X30դր)	410դր. (8ուղX 610դր) 12	610դր. (2 ուղX 3360դր) 12	60*դր. (120դրX0.5)	10դր. (20դրX0.5)	25դր. (50դրX0.5)	1400 դր. (100 կվ. ժX14դր)	576 դր.	204դր. (8խ.մ X51դրX0.5)	420 (840դրX0.5)
1	2	3	4	5	6	7	8	9	10	11	12
1	1-ին և 2-րդ խմբերի հաշմանդամներ (բացառությամբ Հայրենական Մեծ պատերազմի հաշմանդամների)
	- ք. Ստեփանակերտ	+	+	+	+	+	+	+	+	+	+
	- շրջկենտրոններ	-	+	+	+	-	-	+	+	+	+
	- այլ բնակավայրեր	-	+	+	-	-	-	+	-	-	+
2	Հայրենական Մեծ պատերազմի և այլ պետություններում մարտական գործողությունների պատճառով հաշմանդամ դարձած զինծառայողներ, ինչպես նաև Հայրենական Մեծ պատերազմի և այլ պետություններում մարտական գործողությունների մասնակիցներ, որոնք հետագայում հաշմանդամ են դարձել
	- ք. Ստեփանակերտ	+	+	+	+	+	+	+	+	+	+
	- շրջկենտրոններ	-	+	+	+	-	-	+	+	+	+
	- այլ բնակավայրեր	-	+	+	-	-	-	+	-	-	+
3	ԼՂՀ պաշտպանության ժամանակ ծառայողական պարտականությունների կատարման ընթացքում զոհված (մահացած) զինծառայողների (նրանց հավասարեցված անձանց) ընտանիքներ (այրիներ, երեխաներ, ծնողներ)
	- ք. Ստեփանակերտ	+	+	+	+	+	+	+	+	+	+
	- շրջկենտրոններ	-	+	+	+	-	-	+	+	+	+
	- այլ բնակավայրեր	-	+	+	-	-	-	+	-	-	+
4	ԼՂՀ պաշտպանության ժամանակ ծառայողական գործողությունների պատճառով զինվորական ծառայության ընթացքում կամ զինվորական ծառայությունից սահմանված կարգով արձակվելուց հետո ստացած վնասվածքների, խեղումների և հիվանդությունների հետևանքով հաշմանդամ դարձած զինծառայողներ (նրանց հավասարեցված անձինք)
	- ք. Ստեփանակերտ	+	+	+	+	+	+	+	+	+	+
	- շրջկենտրոններ	-	+	+	+	-	-	+	+	+	+
	- այլ բնակավայրեր	-	+	+	-	-	-	+	-	-	+
5	Հայրենական Մեծ պատերազմի և այլ պետություններում մարտական գործողությունների ժամանակ զոհված զինծառայողների ընտանիքներ (ծնողներ և այրիներ)
	- ք. Ստեփանակերտ	+	50%	50%	+	+	+	+	+	+	+
	- շրջկենտրոններ	-	50%	50%	+	-	-	+	+	+	+
	- այլ բնակավայրեր	-	50%	50%	-	-	-	+	-	-	+
6	Արցախի հերոսներ, Հայաստանի ազգային հերոսներ, նախկին Խորհրդային Միության հերոսներ, սոցիալիստական աշխատանքի հերոսներ, «Մարտական խաչի» 1-ին և 2-րդ աստիճանի և «Փառքի» երեք աստիճանների շքանշաններով պարգևատրված անձինք
	- ք. Ստեփանակերտ	+	+	+	+	+	+	+	+	+	+
	- շրջկենտրոններ	-	+	+	+	-	-	+	+	+	+
	- այլ բնակավայրեր	-	+	+	-	-	-	+	-	-	+
7	Բռնադատվածներ
	- ք. Ստեփանակերտ	+	+	+	+	+	+	+	-	-	+
	- շրջկենտրոններ	-	+	+	+	-	-	+	-	-	+
	- այլ բնակավայրեր	-	+	+	-	-	-	+	-	-	+
8	Չեռնոբիլի ԱԷԿ-ի վթարի վերացման աշխատանքների ժամանակ ճառագայթային հիվանդություններ ստացածներ, վթարից հաշմանդամ (3-րդ խումբ) ճանաչված քաղաքացիներ և զոհվածների ընտանիքներ
	- ք. Ստեփանակերտ	-	-	-	+	+	+	+	-	-	+
	- շրջկենտրոններ	-	-	-	+	-	-	+	-	-	+
	- այլ բնակավայրեր	-	-	-	-	-	-	+	-	-	+
9	Միայնակ չաշխատող կենսաթոշակառուներ և միայն չաշխատող կենսաթոշակառուներից կազմված ընտանիքներ
	- ք. Ստեփանակերտ	+	+	+	+	+	+	+	+	+	+
	- շրջկենտրոններ	-	+	+	+	-	-	+	+	+	+
	- այլ բնակավայրեր	-	+	+	-	-	-	+	-	-	+
10	Մանկուց հաշմանդամ երեխաներ
	- ք. Ստեփանակերտ	+	+	+	+	+	+	+	+	+	+
	- շրջկենտրոններ	-	+	+	+	-	-	+	+	+	+
	- այլ բնակավայրեր	-	+	+	-	-	-	+	-	-	+
11	Անհատական կենսթոշակառուներ
	- ք. Ստեփանակերտ	-	-	-	+	+	+	+	+	+	+
	- շրջկենտրոններ	-	-	-	+	-	-	+	+	+	+
	- այլ բնակավայրեր	-	-	-	-	-	-	+	-	-	+
12	Հայրենական Մեծ պատերազմի և այլ պետություններում մարտական գործողությունների մասնակիցներ
	- ք. Ստեփանակերտ	+	50%	50%	-	-	-	-	+	+	-
	- շրջկենտրոններ	-	50%	50%	-	-	-	-	+	+	-
	- այլ բնակավայրեր	-	50%	50%	-	-	-	-	-	-	-
13	Հայրենական Մեծ պատերազմի տարիներին թիկունքում անձնազոհ աշխատանքի համար նախկին ԽՍՀՄ շքանշաններով և մեդալներով պարգևատրված անձինք
	- ք. Ստեփանակերտ	+	-	-	-	-	-	-	-	-	-
	- շրջկենտրոններ	-	-	-	-	-	-	-	-	-	-
	- այլ բնակավայրեր	-	-	-	-	-	-	-	-	-	-
14	5 և ավելի երեխա ունեցող ծնողներից մեկը
	- ք. Ստեփանակերտ	+	-	-	-	-	-	-	-	-	-
	- շրջկենտրոններ	-	-	-	-	-	-	-	-	-	-
	- այլ բնակավայրեր	-	-	-	-	-	-	-	-	-	-

 

*շրջկենտրոններում` 50 դրամ (100դր.X0.5)