ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը՝ Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2004 թվականի հունվարի 3-ի «Բազային և հիմնական կենսաթոշակների չափերն ու ապահովագրական ստաժի մեկ տարվա արժեքը սահմանելու մասին» թիվ 1 որոշման մեջ կատարել հետևյալ լրացումները.

1) վերնագիրը «ԱՐԺԵՔԸ» բառից հետո լրացնել «, ԿԵՆՍԱԹՈՇԱԿԱՌՈՒԻ ՄԱՀՎԱՆ ԴԵՊՔՈՒՄ ՎՃԱՐՎՈՂ ԹԱՂՄԱՆ ՆՊԱՍՏԻ ՉԱՓԸ» բառերով.

2) որոշումը լրացնել հետևյալ բովանդակությամբ նոր՝ 2.1.-րդ կետով.

«2.1. Կենսաթոշակառուի մահվան դեպքում վճարվող թաղման նպաստի չափը սահմանել 200000 դրամ:»:

2. Սահմանել, որ մինչև 2010 թվականի նոյեմբերի 1-ը «Զինծառայողների և նրանց ընտանիքների անդամների սոցիալական ապահովության մասին» Լեռնային Ղարաբաղի Հանրապետության օրենքի 28-րդ հոդվածի 2-րդ մասում նշված անձանց մահվան դեպքում թաղման նպաստ է վճարվում նրանց կենսաթոշակի տասնհինգապատիկի չափով (ներառյալ կենսաթոշակին տրվող՝ օրենքով սահմանված հավելումները), իսկ 3-րդ մասում նշված անձանց մահվան դեպքում՝ բազային կենսաթոշակի յոթանասունհինգապատիկի չափով:

3. Սույն որոշման գործողությունը տարածվում է 2010 թվականի նոյեմբերի 1-ից: