ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

"16" նոյեմբերի 1999թ.

N 117

ք.Ստեփանակերտ

 

Լեռնային Ղարաբաղի Հանրապետությունում ծնելիության և բազմազավակության խթանման միջոցառումների իրկանացման մասին

 

Լեռնային Ղարաբաղի Հանրապետության կառավարության 1999թ. հոկտեմբերի 5-ի «Լեռնային Ղարաբաղի Հանրապետությունում ծնելիության և բազմազավակության խթանման միջոցառումների մասին» թիվ 97 որոշման 1-ի կետին համապատասխան ԼՂՀ կառավարությունը որոշում է.

1. Հաստատել ԼՂՀ-ում ծնելիության և բազմազավակության խթանման նպատակով նպատակային ժամկետային ավանդների բացման, դպրոց հաճախող երեխաներին գրեքերի վարձակալության էլեկտրաէներգիայի դիմաց տրամադրվող դրամական փոխհատուցումների, բնակելի տան և ավտոմեքենայի հատկացման կարգերը (կցվում են հավելվածներ թիվ 1, 2, 3, 4, 5):

2. Սույն որոշման կատարման վերահսկողությունը հանձնարարել ԼՂՀ սոցիալական ապահովության նախարարությանը:

 

 

ԼՂՀ վարչապետ

Ա. ԴԱՆԻԵԼՅԱՆ

 

 

Հավելված թիվ 1 ԼՂՀ կառավարության 1999թ. նոյեմբերի 16-ի թիվ 117 որոշման

 

Կ Ա Ր Գ

 

ԼՂՀ-ում ծնելիության և բազմազավակության խթանման նպատակով նպատակային ժամկետային ավանդների բացման

 

I. Ընդհանուր դրույթներ

 

1. Նպատակային ժամկետային ավանդները տրվում են ԼՂՀ-ում բնակվող ընտանիքներում յուրաքանչյուր 3-րդ և հաջորդ երեխայի ծնվելու կապակցությամբ, որոնց չափերը սահմանում է Լեռնային Ղարաբաղի Հանրապետության կառավարությունը:

2. Նպատակային ժամկետային ավանդները ձևակերպում են սոցիալական ապահովության շրջանային (քաղաքային) կենտրոնները (բաժինը) (այսուհետև կենտրոն (բաժին)):

3. Նպատակային ժամկետային ավանդները տրամադրվում են ԼՂՀ պետական բյուջեով նախատեսված և այլ նպատակային միջոցների հաշվին:

4. Ավանդի դիմաց ստացված եկամուտները (տոկոսները) եկամտահարկով հարկման ենթակա չեն:

 

II. Նպատակային ժամկետային ավանդների հաշիվների բացումը, ավանդի եկամուտների հաշվարկումը և վճարումը

 

5. Նպատակային ժամկետային ավանդի հաշիվների բացման համար կենտրոն (բաժին) են ներկայացնում հետևյալ փաստաթղթերը.

- 3-րդ կամ հաջորդ երեխաների ծնունդը հաշվառելու դիմում

- տեղեկանք բնակության վայրից և ընտանիքի կազմի մասին

- երեխաների ծննդյան վկայականների պատճեները

- խնամակալությունը հաստատող փաստաթղթերի պատճեները:

6. Կենտրոնը (բաժինը) երեխայի ծնողի կամ խնամակալի հետ կնքում է պայմանագիր` ավանդի տրման և վճարման մասին (պայմանագրի ձևը կցվում է) և ներկայացրած համապատասխան փաստաթղթերով ստեղծում անձնական գործ:

7. Պայմանագրի կնքումից հետո կենտրոնի (բաժնի) տնօրենը (վարիչը) 2 աշխատանքային օրվա ընթացքում ԼՂՀ «Արցախբանկ»-ի շրջանային (քաղաքային) բաժանմունքներին ներկայացնում է համապատասխան փաստաթուղթ (նամակ), որտեղ նշվում է նորածին երեխայի անունը, ազգանունը, հայրանունը, ծննդյան ամսաթիվը և վայրը, հասցեն, ծննդյան վկայականի համարը և սերիան:

8. ԼՂՀ «Արցախբանկ»-ի շրջանային (քաղաքային) բաժանմունքները համապատասխան փաստաթուղթը (նամակը) ստանալուց հետո տվյալ բաժանմունքում բացում են ժամկետային ավանդային հաշիվ և համապատասխան փաստաթղթով (նամակով) բացված հաշվի համարը ներկայացնում կենտրոնին (բաժնին):

9. Կենտրոնը (բաժինը) ավանդային հաշիվը բացելուց հետո 1 շաբաթվա ընթացքում համապատասխան փաստաթղթով (նամակով) ԼՂՀ սոցիալական ապահովության նախարարություն են ներկայացնում նորածին երեխաների անձնական գործերը, բացված ավանդային հաշիվներով:

10. ԼՂՀ սոցիալական ապահովության նախարարության ներկայացրած հայտերի հիման վրա ամսվա ընթացքում 2 անգամ ԼՂՀ ֆինանսների նախարարությունը 5 օրվա ընթացքում հատկացնում է համապատասխան ֆինանսական միջոցներ:

11. ԼՂՀ սոցիալական ապահովության նախարարությունը համապատասխան ֆինանսական միջոցների հատկացումից հետո 3 բանկային օրվա ընթացքում ապահովում է ԼՂՀ «Արցախբանկ»-ի շրջանային (քաղաքային) բաժանմունքներում ընտանիքներում յուրաքանչյուր 3-րդ և հաջորդ երեխայի անվամբ բացված նպատակային ժամկետային ավանդային հաշվին համապատասխան չափի գումարների փոխանցումը:

12. Ժամկետային ավանդի հասնելիք եկամուտները (տոկոսները) հաշվարկվում են ավանդի փոխանցման ժամանակից սկսած ամեն ամիս և թույլատրվում է ստանալ երեխայի ծնողի կամ խնամակալի կողմից` մինչև 18 տարին լրանալը, անձը հաստատող համապատասխան փաստաթղթի դեպքում:

13. Ավանդի դիմաց տոկոսների վճարումը կատարվում է դրամով ԼՂՀ «Արցախբանկ»-ի շրջանային (քաղաքային) բաժանմունքների կողմից` վճարման օրվա պահին ԼՂՀ «Արցախբանկ»-ի կողմից սահմանված դրամի նկատմամբ ԱՄՆ դոլարի փոխարժեքով:

Ավանդի տարեկան տոկոսադրույքի չափը սահմանվում է ԼՂՀ «Արցախբանկ»-ի կողմից համաձայնեցնելով ԼՂՀ ֆինանսների նախարարության հետ յուրաքանչյուր տարվա սկզբին:

14. Երեխայի 18 տարին լրանալուց հետո դադարեցվում է նպատակային ավանդի դիմաց եկամուտների (տոկոսների) հաշվարկումն ու վճարումը և ավանդը տեղափոխվում է նոր խնայգրքույկ:

15. Ավանդը թույլատրվում է ստանալ երեխայ ի 18 տարին լրանալուց հետո` միայն ԼՂՀ-ում նրա մշտական բնակության պայմանով:

16. Վերահսկողության նպատակով յուրաքանչյուր տարվա ընթացքում ավանդատիրոջ ծնողի կամ խնամակալի կողմից կենտրոնին (բաժնին) ներկայացվում է տեղեկանք` ավանդատիրոջ գտնվելու վայրի մասին:

Տեղեկանքը ներկայացնելուց հետո կենտրոնը (բաժինը) փաստաթղթով (նամակով) տեղեկացնում է ԼՂՀ «Արցախբանկ»-ի շրջանային (քաղաքային) բաժանմունքներին տվյալ տարվա ավանդի հասանելիք եկամուտները երեխայի ծնողին կամ խնամակալին վճարման համար:

17. Ավանդատիրոջ մահվան դեպքում ավանդը տրամադրվում է մահացածի ծնողներին կամ խնամակալին երեխայի մահվան վկայականի պատճեն ծնողի կամ խնամակալի կողմից կենտրոնին (բաժնին) և ԼՂՀ «Արցախբանկ»-ի շրջանային (քաղաքային) բաժանմունքին ներկայացնելուց հետո:

 

III. Ավանդի դադարեցումը

 

18. Ավանդը դադարեցվում է.

ա) Ավանդատիրոջ` մինչև 18 տարին լրանալը, ԼՂՀ սահմաններից դուրս տեղափոխվելու դեպքում, բացառությամբ բուժման, ուսման նպատակով մեկնումից.

բ) ավանդատիրոջ կողմից ավանդի պայմանների խախտման դեպքում:

19. Նշված հիմքերից մեկի առկայության դեպքում ԼՂՀ «Արցախբանկ»-ի բաժանմունքները դադարեցնում են ավանդի դիմաց տոկոսների հաշվարկումն ու վճարումը, փակում նպատակային ժամկետային հաշիվը և ավանդը փոխանցում ԼՂՀ ֆինանսների նախարարության համապատասխան հաշիվը, որի մասին տեղեկացնում են կենտրոնին (բաժին):

 

 

ԼՂՀ կառավարության
աշխատակազմի ղեկավար	Ս. ԳՐԻԳՈՐՅԱՆ

 

 

_____________________________                      «_____»________________ 20__թ.

   շրջանի (քաղաքի) անվանումը

 

Պ Ա Յ Մ Ա Ն Ա Գ Ի Ր

 

 

Սոցիալական ապահովության _________________________________________ շրջանային (քաղաքային)

                                                                 շրջանի (քաղաքի) անվանումը

 

կենտրոնի (բաժնի) տնօրեն (վարիչ) _________________________________________________________

                                                                                   անունը, հայրանունը ազգանունը

 

մի կողմից, մյուս կողմից քաղաքացի__________________________________________________________

                                                                                 ծնողի կամ խնամակալի անունը, հայրանունը, ազգանունը

 

________________________________________________________________________________________

                                                                                բնակության վայրը

 

կազմեցինք սույն պայմանագիրը հետևյալի մասին

 

________________________________________________________________________________________

                                                                ծնողի կամ խնամակալի անունը, հայրանունը, ազգանունը

 

պարտավորվում է ապահովել _______________________________________________________________

                                                             երրորդ կամ հաջորդ երեխայի անունը, հայրանունը, ազգանունը

 

________________________________________________________________________________________

                                                            ծննդյան թիվը, վայրը (քաղաք, շրջան, գյուղ)

 

________________________________________________________________________________________

                                                          ծննդյան վկայականի սերիան, համարը և ում կողմից է տրված

 

մշտական բնակությունը ԼՂՀ տարածքում մինչև 18 տարեկանը լրանալը և կատարել ծնողական կամ խնամակալի պարտականությունները: ինչպես նաև յուրաքանչյուր տարվա ընթացքում կենտրոնին (բաժնին) ներկայացնել տեղեկանք երեխայի գտնվելու վայրի մասին:

 

Սոցիալական ապահովության ________________________________________ շրջանային (քաղաքային)

                                                                  շրջանի (քաղաքի) անվանումը

 

կենտրոնը (բաժինը) ի դեմս տնօրեն (վարիչ) __________________________________________________

                                                                                     անունը, հայրանունը, ազգանունը

 

պարտավորվում է ԼՂՀ սոցիալական ապահովության նախարարության միջոցով ԼՂՀ «Արցախբանկ»-ի

համապատասխան բաժանմունքում_______________ ԱՄՆ դոլար գումարի չափով նպատակային

                                                                                       ավանդի չափը

ժամկետային ավանդային հաշիվ բացել:

                                                               

 

 

Սոցիալական ապահովության ________________________________________ շրջանային (քաղաքային)

                                                                շրջանի (քաղաքի) անվանումը

 

կենտրոնի (բաժնի) տնօրեն (վարիչ) __________________                       ______________________

                                                                    ստորագրությունը                                            անունը, հայրանունը, ազգանունը

 

Կ.Տ

 

 

Ավանդատիրոջ ծնողի կամ խնամակալի__________________                  ______________________

                                                                         ստորագրությունը                                      անունը, հայրանունը, ազգանունը

 

 

Հավելված թիվ 2 ԼՂՀ կառավարության 1999թ. նոյեմբերի 16-ի թիվ 117 որոշման

 

Կ Ա Ր Գ

 

ԼՂՀ-ում ծնելիության և բազմազավակության խթանման միջոցառումներով նախատեսված դպրոց հաճախող երեխաներին գրքերի վարձակալության փոխհատուցման տրամադրման

 

1. Սույն կարգով սահմանվում է ԼՂՀ ընտանիքներում յուրաքանչյուր 4-րդ և հաջորդ երեխայի ծնվելու կապակցությամբ ընտանիքի բոլոր պետական հանրակրթական դպրոց (այսուհետև` դպրոց) հաճախող երեխաներին գրքերի վարձակալության փոխհատուցման (այսուհետև` փոխհատուցում) տրամադրման կարգը:

2. Փոխհատուցման չափերը որոշվում են ԼՂՀ կրթության և գիտության նախարարության կողմից ԼՂՀ սոցիալական ապահովության նախարարությանը յուրաքանչյուր ուսումնական տարվա համար ներկայացրած վարձակալության տրվելիք դասագրքերի ցանկի և վարձավճարների չափերով:

3. Փոխհատուցումները տրամադրվում են ԼՂՀ պետական բյուջեով նախատեսված և այլ նպատակային միջոցների հաշվին ԼՂՀ սոցիալական ապահովության նախարարության կողմից ներկայացրած հայտի համաձայն:

4. Փոխհատուցումը նշանակում են բնակության վայրի սոցիալական ապահովության շրջանային (քաղաքային) կենտրոնները (բաժինը) (այսուհետև` կենտրոն (բաժին) ) նպատակային ժամկետային ավանդների բացման նպատակով ստեղծված անձնական գործի փաստաթղթերի հիման վրա և ծնողի կողմից ներկայացրած դպրոց հաճախող երեխաների մասին տեղեկանքներով:

5. Փոխհատուցումները վճարվում են կենտրոնի (բաժնի) կողմից ներկայացրած ցուցակների հիման վրա յուրաքանչյուր ուսումնական տարվա համար բնակության վայրի կապի փակ բաժնետիրական ընկերությունների բաժանմունքների միջոցով:

6. Կապի փակ բաժնետիրական ընկերությունները վճարումների ավարտից հետո հաշվետվություններ են ներկայացնում կենտրոնին (բաժնին):

 

 

ԼՂՀ կառավարության
աշխատակազմի ղեկավար	Ս. ԳՐԻԳՈՐՅԱՆ

 

 

Հավելված թիվ 3 ԼՂՀ կառավարության 1999թ. նոյեմբերի 16-ի թիվ 117 որոշման

 

Կ Ա Ր Գ

 

ԼՂՀ-ում ծնելիության և բազմազավակության խթանման միջոցառումներով նախատեսված էլեկտրաէներգիայի դիմաց տրամադրվող դրամական փոխհատուցման

 

1. Սույն կարգով սահմանվում է շրջաններում 5 և ավելի մինչև 18 տարեկան երեխաներ ունեցող ընտանիքների 1 երեխայի հաշվով ամսական 60 կվտ ժամ էլեկտրաէներգիայի գնի չափով դրամական փոխհատուցման (այսուհետև` փոխհատուցում) տրամադրման կարգը, ԼՂՀ կառավարության կողմից 1 կվտ ժամ էլեկտրաէներգիայի գնի սահմանված չափով:

2. Փոխհատուցումները տրամադրվում են ԼՂՀ պետական բյուջեով նախատեսված և այլ նպատակային միջոցների հաշվին, պետական նպաստների հետ համատեղ:

3. Փոխհատուցումը նշանակում են բնակության վայրի սոցիալական ապահովության շրջանային կենտրոնները (այսուհետև` կենտրոն), պետական նպաստի անձնական գործում եղած փաստաթղթերի հիման վրա` կենտրոնի տնօրենի առանձին կարգադրությամբ:

4. Ընտանիքներում 5-րդ և հաջորդ երեխայի ծնվելու դեպքում փոխհատուցումը նշանակվում է փոխհատուցումը ստանալու իրավունք ծագելու ամսվանից, եթե ծնողը կենտրոնին դիմել է 6 ամսվա ընթացքում: Նշված ժամկետը լրանալուց հետո փոխհատուցումը նշանակվում է դիմելու ամսվանից:

5. Փոխհատուցումները վճարվում են բնակության վայրի կապի փակ բաժնետիրական ընկերությունների բաժանմունքների միջոցով` սահմանված կարգով, պետական նպաստների վճարումների հետ միասին:

6. Նշանակված, սակայն ժամանակին չստացված գումարը փոխհատուցում ստացողին միանվագ վճարվում է փոխհատուցումը չստանալու ամբողջ ժամանակաշրջանի համար, բայց ոչ ավելի, քան դիմելու նախորդած մեկ տարվա համար:

Փոխհատուցում նշանակող և վճարող մարմնի մեղքով չվճարված փոխհատուցման գումարները վճարվում են առանց ժամկետի սահմանափակման:

7. Փոխհատուցումը լիազորագրով կարող է վճարվել մինչև 3 ամսվա համար:

8. Փոխհատուցումը դադարեցվում է.

ա) փոխհատուցումը վճարելու համար սահմանված տարիքը լրանալու

բ) երեխայի մահվան:

Փոխհատուցում ստացողները նշված դեպքերի ի հայտ գալու մասին պարտավոր են տեղեկացնել փոխհատուցում նշանակող մարմնին:

Փոխհատուցման վճարման դադարեցումը կատարվում է նշված դեպքերի ի հայտ գալու հաջորդ ամսվանից:

9. Փոխհատուցման նշանակման, վճարման և դադարեցման հետ կապված բոլոր փաստաթղթերը պահվում են կենտրոնում:

 

 

ԼՂՀ կառավարության
աշխատակազմի ղեկավար	Ս. ԳՐԻԳՈՐՅԱՆ

 

 

Հավելված թիվ 4 ԼՂՀ կառավարության 1999թ. նոյեմբերի 16-ի թիվ 117 որոշման

 

Կ Ա Ր Գ

 

ԼՂՀ-ում ծնելիության բազմազավակության խթանման միջոցառումներով նախատեսված բնակելի տան հատկացման

 

1. Սույն կարգով սահմանվում է շրջաններում 7 և ավելի մինչև 18 տարեկան երեխաներ ունեցող ընտանիքներին նոր բնակելի տան հատկացման կարգը:

2. Բնակելի տան հատկացման նպատակով անհրաժեշտ ծախսերի ֆինանսավորումը կատարվում է ԼՂՀ պետական բյուջեով նախատեսված և այլ նպատակային միջոցների հաշվին:

3. Բնակելի տան հատկացման համար երեխաների ծնողը (մայրը) դիմում է ԼՂՀ սոցիալական ապահովության նախարարությանը ներկայացնելով հետևյալ փաստաթղթերը.

- դիմում

- տեղեկանք բնակության վայրից և ընտանիքի կազմի մասին

- երեխաների ծննդյան վկայականների պատճեները

- տեղեկանք համայնքից բնակելի տան կառուցման համար հողամաս հատկացնելու մասին:

4. ԼՂՀ սոցիալական ապահովության նախարարությունը համապատասխան գրությամբ պատվիրում է ԼՂՀ քաղաքաշինության նախարարությունը շրջաններում 7 և ավելի մինչև 18 տարեկան երեխաներ ունեցող ընտանիքների համար բնակելի տուն կառուցելու նպատակով:

5. Բնակելի տունը կառուցվում է ԼՂՀ քաղաքաշինության նախարարության կողմից հաստատված 3 սենյականոց տիպային պրոյեկտով, ծնողի անհրաժեշտ փաստաթղթերով դիմելուց 1 տարվա ընթացքում:

Անհրաժեշտության դեպքում, ընտանիքի ցանկությամբ, ԼՂՀ սոցիալական ապահովության նախարարությանը իրավունք է վերապահվում գնել և ընտանիքին հատկացնել բնակելի տուն:

6. Բնակելի տան կառուցումից հետո ԼՂՀ քաղաքաշինության նախարարությունը ԼՂՀ սոցիալական ապահովության նախարարության միջոցով հանձնում է ընտանիքին:

 

 

ԼՂՀ կառավարության
աշխատակազմի ղեկավար	Ս. ԳՐԻԳՈՐՅԱՆ

 

 

Հավելված թիվ 5 ԼՂՀ կառավարության 1999թ. նոյեմբերի 16-ի թիվ 117 որոշման

 

Կ Ա Ր Գ

 

ԼՂՀ-ում ծնելիության և բազմազավակության խթանման միջոցառումներով նախատեսված ավտոմեքենայի հատկացման

 

1. Սույն կարգով սահմանվում է շրջկենտրոնների և գյուղերի բնակիչների ընտանիքներում յուրաքանչյուր 10-րդ և հաջորդ երեխայի ծնվելու դեպքում, ընտանիքին` միայն մեկ անգամ, ըստ ցանկության «Նիվա» կամ «ՈՒազ» մակնիշի ավտոմեքենայի հատկացման կարգը:

(1-ին կետը խմբ. 06.03.2001 N 58)

2. Ընտանիքում յուրաքանչյուր 10-րդ և հաջորդ երեխայի ծնվելու դեպքում, երեխայի ծնողը (մայրը) դիմում է ԼՂՀ սոցիալական ապահովության նախարարությանը, ներկայացնելով հետևյալ փաստաթղթերը.

- 10-րդ կամ հաջորդ երեխաների ծնունդը հաշվառելու դիմում ավտոմեքենայի` ըստ ցանկության տրամադրման համար

- տեղեկանք բնակության վայրից և ընտանիքի կազմի մասին

- երեխաների ծննդյան, վկայականների պատճեները:

3. Ավտոմեքենայի ձեռք բերման նպատակով անհրաժեշտ գումարների ֆինանսավորումը կատարվում է ԼՂՀ պետական բյուջեով նախատեսված և այլ նպատակային միջոցների հաշվին ԼՂՀ սոցիալական ապահովության նախարարության կողմից ներկայացրած հայտի համաձայն:

4. ԼՂՀ սոցիալական ապահովության նախարարությունը երեխայի ծնողի անհրաժեշտ փաստաթղթերով դիմելուց հետո եռամսյա ժամկետում ապահովում է ավտոմեքենայի հատկացումը:

(թիվ 5 հավելվածը խմբ. 06.03.2001 N 58)

 

 

ԼՂՀ կառավարության
աշխատակազմի ղեկավար	Ս. ԳՐԻԳՈՐՅԱՆ