ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք.Ստեփանակերտ

Պետական սեփականություն հանդիսացող ոչ բնակելի տարածքների վարձակալական վճարի նվազագույն չափը սահմանելու մասին

Լեռնային Ղարաբաղի Հանրապետության կառավարությունը որոշում է.

1. Սահմանել մեկ քառակուսի մետր պետական սեփականություն հանդիսացող ոչ բնակելի տարածքի տարեկան վարձակալական վճարի հետևյալ նվազագույն չափերն` առանց ավելացված արժեքի հարկի.

ա/ ձեռնարկություններին, կազմակերպություններին և հիմնարկներին /բացի բյուջետային հիմնարկներից/ տրամադրվող տարածքների համար`

♦ Ստեփանակերտ քաղաքում` 3000.0 դրամ

♦ շրջկենտրոններում` 2000.0 դրամ

♦ գյուղական բնակավայրերում` 1000.0 դրամ

բ/ բյուջետային հիմնարկներին տրամադրվող

տարածքների համար` 1000.0 դրամ

2. Նկուղային և կիսանկուղային մեկ քառակուսի մետրի տարածքի վարձակալական վճարի նկատմամբ կիրառել համապատասխանաբար` ‹‹0.7›› և ‹‹0.8›› գործակիցներ:

3. Լեռնային Ղարաբաղի Հանրապետության նախարարություններին, գերատեսչություններին, պետական փակ բաժնետիրական ընկերություններին` մինչև 2002թ. ապրիլի 1-ն ավարտել, սույն որոշման համապատասխան, նախկինում կնքված վարձակալության պայմանագրերով նախատեսված վարձակալական վճարների վերահաշվարկման գործընթացը:

4. Ուժը կորցրած ճանաչել Լեռնային Ղարաբաղի Հանրապետության կառավարության 1997թ. մարտի 21-ի ‹‹Պետական սեփականություն հանդիսացող ոչ բնակելի տարածքների վարձավճարի չափը սահմանելու մասին›› թիվ 52 որոշումը: