Լեռնային Ղարաբաղի Հանրապետության կառավարությանն առընթեր փրկարար ծառայության ավանդույթների զարգացման, անձնակազմի ծառայողական պարտքի կատարման հանդեպ պատասխանատվությունն ավելի բարձրացնելու նպատակով և Լեռնային Ղարաբաղի Հանրապետության կառավարության 2005 թվականի փետրվարի 28-ի N 110 որոշման N 1 հավելվածի 6-րդ կետին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Սահմանել`

1) Լեռնային Ղարաբաղի Հանրապետության կառավարությանն առընթեր փրկարար ծառայության դրոշ.

2) Լեռնային Ղարաբաղի Հանրապետության կառավարությանն առընթեր փրկարար ծառայության խորհրդանիշ:

2. Հաստատել`

1) Լեռնային Ղարաբաղի Հանրապետության կառավարությանն առընթեր փրկարար ծառայության դրոշի կանոնադրությունը և դրոշի նկարագրությունը` համաձայն N 1 հավելվածի.

2) Լեռնային Ղարաբաղի Հանրապետության կառավարությանն առընթեր փրկարար ծառայության դրոշի ձևը` համաձայն N 2 հավելվածի.

3) Լեռնային Ղարաբաղի Հանրապետության կառավարությանն առընթեր փրկարար ծառայության խորհրդանիշի կանոնադրությունը և խորհրդանիշի նկարագրությունը` համաձայն N 3 հավելվածի.

4) Լեռնային Ղարաբաղի Հանրապետության կառավարությանն առընթեր փրկարար ծառայության խորհրդանիշի ձևը` համաձայն N 4 հավելվածի:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

1. Լեռնային Ղարաբաղի Հանրապետության կառավարությանն առընթեր փրկարար ծառայության դրոշը պատվի և արժանապատվության, արիության ու նվիրումի խորհրդանիշ է: Դրոշը Լեռնային Ղարաբաղի Հանրապետության կառավարությանն առընթեր փրկարար ծառայության յուրաքանչյուր աշխատողի սրբազան պարտքի հիշեցումն է հայրենիքին անձնուրաց ծառայելու, արտակարգ իրավիճակներում բնակչության պաշտպանության և քաղաքացիական պաշտպանության միջոցառումներն անվերապահորեն կատարելու, յուրաքանչյուր մարդու կյանքը, առողջությունն ու գույքը փրկելու, կյանքին սպառնացող վտանգի պայմաններում ծառայողական կամ քաղաքացիական պարտքն իրականացնելու մասին:

2. Դրոշը Լեռնային Ղարաբաղի Հանրապետության կառավարությանն առընթեր փրկարար ծառայությանը հանձնում է Լեռնային Ղարաբաղի Հանրապետության վարչապետը կամ նրա կողմից լիազորված անձը:

3. Դրոշի հետ հանձնվում է Լեռնային Ղարաբաղի Հանրապետության վարչապետի ստորագրությամբ վկայագիր:

4. Դրոշը մշտապես պահվում է Լեռնային Ղարաբաղի Հանրապետության կառավարությանն առընթեր փրկարար ծառայությունում:

5. Դրոշի պահման, պահպանման և օգտագործման կարգը սահմանում է Լեռնային Ղարաբաղի Հանրապետության կառավարությանն առընթեր փրկարար ծառայության տնօրենը:

6. Լեռնային Ղարաբաղի Հանրապետության կառավարությանն առընթեր փրկարար ծառայության յուրաքանչյուր ծառայող պարտավոր է պահպանել և պաշտպանել դրոշը:

7. Լեռնային Ղարաբաղի Հանրապետության կառավարությանն առընթեր փրկարար ծառայության դրոշը բաղկացած է երկդեմ պաստառից և ծոպափնջերով քուղերից, կտորի գույնի համակարգչային հարաբերակցությունն է` C=98 տոկոս, M=96 տոկոս, Y=45 տոկոս, K=18 տոկոս: Դրոշի պաստառն ուղղանկյունաձև է, երկարությունը 1450 մմ է, լայնությունը` 1150 մմ` համաձայն ձևի:

8. Դրոշը կարված է երկտակ մետաքսե մուգ կապույտ կտորից` երեք կողմից երիզված ոսկեգույն ծոպերով: Պաստառի երեսի կողմի կենտրոնական մասում ոսկեգույն մետաքսաթելով ասեղագործված են «ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՓՐԿԱՐԱՐ ԾԱՌԱՅՈՒԹՅՈՒՆ» բառերը. տառերի բարձրությունը 70 մմ է, լայնությունը` 50 մմ: Դրոշի ձախ անկյունում պատկերված է Լեռնային Ղարաբաղի Հանրապետության կառավարությանն առընթեր փրկարար ծառայության խորհրդանիշը` 285x190 մմ չափերով:

9. Դրոշի պաստառի հակառակ կողմի կենտրոնական մասում պատկերված է Լեռնային Ղարաբաղի Հանրապետության զինանշանը` 500 x 500 մմ չափերով: Լեռնային Ղարաբաղի Հանրապետության զինանշանի վերին մասում ոսկեգույն մետաքսաթելով կամարաձև ասեղնագործված են «ՀԱՆՈՒՆ ՀԱՅՐԵՆԻՔԻ»բառերը. տառերի բարձրությունը 60 մմ է, լայնությունը` 40 մմ:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՓՐԿԱՐԱՐ ԾԱՌԱՅՈՒԹՅԱՆ ԴՐՈՇ

ԿԱՆՈՆԱԴՐՈՒԹՅՈՒՆ ԵՎ ՆԿԱՐԱԳՐՈՒԹՅՈՒՆ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՓՐԿԱՐԱՐ ԾԱՌԱՅՈՒԹՅԱՆ ԽՈՐՀՐԴԱՆԻՇԻ

1. Լեռնային Ղարաբաղի Հանրապետության կառավարությանն առընթեր փրկարար ծառայության խորհրդանիշը (այսուհետ` խորհրդանիշ) այն նշանն է, որը ցույց է տալիս ծառայողների, ինչպես նաև նյութատեխնիկական և այլ գույքի պատկանելությունը Լեռնային Ղարաբաղի Հանրապետության կառավարությանն առընթեր փրկարար ծառայությանը:

2. Խորհրդանիշը դրվում է Լեռնային Ղարաբաղի Հանրապետության կառավարությանն առընթեր փրկարար ծառայության տնօրենի աշխատասենյակում, ինչպես նաև պատկերվում է Լեռնային Ղարաբաղի Հանրապետության կառավարությանն առընթեր փրկարար ծառայության դրոշի (դրոշակի) վրա:

3. Խորհրդանիշի պատկերը զետեղվում է Լեռնային Ղարաբաղի Հանրապետության կառավարությանն առընթեր փրկարար ծառայության կենտրոնական ապարատի անմիջական ենթակայության ստորաբաժանումների, կառուցվածքային և այլ ստորաբաժանումների անկյունադրոշմակների կամ անկյունադրոշմակով դրոշմաթղթերի վրա:

4. Խորհրդանիշը դրվում է Լեռնային Ղարաբաղի Հանրապետության կառավարությանն առընթեր փրկարար ծառայության ծառայողների համազգեստի, ավտոմեքենաների և այլ հատուկ տեխնիկայի վրա:

5. Թույլատրվում է խորհրդանիշի պատկերի կիրառումը տպագրական, գովազդային-տեղեկատվական և հուշանվերային արտադրանքի (ծրագրեր, օրացույցներ, կրծքանշաններ, ժամացույցներ, թղթապանակներ և այլն), տեսաժապավենների վրա` համաձայնեցնելով Լեռնային Ղարաբաղի Հանրապետության կառավարությանն առընթեր փրկարար ծառայության հետ:

6. Խորհրդանիշի պատկերի կիրառման այլ դեպքերը սահմանվում են Լեռնային Ղարաբաղի Հանրապետության կառավարությանն առընթեր փրկարար ծառայության տնօրենի կողմից:

7. Խորհրդանիշը պահպանվում է օրենքով սահմանված կարգով:

8. Խորհրդանիշը վահանաձև շերտ է, որի երկարությունը 120 մմ է, միջնամասի լայնությունը` 80 մմ: Վահանից դուրս են գալիս կապույտ և նարնջագույն երկու ուղղանկյուն երիզներ` 20 մմ լայնությամբ և 105 մմ երկարությամբ` համաձայն ձևի:

9. Վահանի միջնամասում պատկերված է նարնջագույն շրջան, որի կենտրոնում քաղաքացիական պաշտպանությունը և փրկարարությունը խորհրդանշող հավասարակողմ եռանկյունաձև կապույտ տարբերանշանն է` կողմի 20 մմ երկարությամբ: Շրջանը երիզում է 15 մմ լայնությամբ արծաթագույն փրկարար օղակը` բաժանված 12 թերթիկների, որոնք իրարից բաժանված են ճառագայթաձև, 2 մմ լայնությամբ, բաց նարնջագույն գծերով, որոնց լծորդումը կատարված է շրջանի կենտրոնից և խորհրդանշում է արև ու հավերժություն: Հաջորդ շերտը Լեռնային Ղարաբաղի Հանրապետության դրոշի եռագույն օղակն է` 5 մմ լայնությամբ իրարից բաժանված գծերով: Խորհրդանիշը երիզված է 2 մմ լայնությամբ սպիտակ փրկարար պարանով և 10 մմ լայնությամբ, կապույտ երկինքը խորհրդանշող, շրջանաձև երիզով, որի վրա N 7 տառատեսակով, հայերենով գրված է «ԼՂՀ ՓՐԿԱՐԱՐ ԾԱՌԱՅՈՒԹՅՈՒՆ», իսկ ներքևի մասում անգլերենով գրված է «RESCUE SERVICE OF NKR»:

10. Լեռնային Ղարաբաղի Հանրապետության կառավարությանն առընթեր փրկարար ծառայության անձնակազմը համազգեստի վրա խորհրդանշանը, որպես տարբերանշան, կրում է ուսաեզրից 80 մմ ներքև, ձախ բազկի կենտրոնում:

Խ Ո Ր Հ Ր Դ Ա Ն Ի Շ