ք.Ստեփանակերտ

«Գնումների մասին» Լեռնային Ղարաբաղի Հանրապետության օրենքի կիրարկումն ապահովելու նպատակով Լեռնային Ղարաբաղի Հանրապետության կառավարությունը ո ր ո շ ո ւ մ է.

1. Ստեղծել Լեռնային Ղարաբաղի Հանրապետության պետական գնումների գործակալություն ` պետական հիմնարկ:

2. «Գնումների մասին» Լեռնային Ղարաբաղի Հանրապետության օրենքի 5-րդ,17-րդ, և 19-րդ հոդվածների համաձայն`

ա) լիազոր մարմնի իրավասությունը վերապահել Լեռնային Ղարաբաղի Հանրապետության ֆինանսների և էկոնոմիկայի նախարարությանը.

բ) կենտրոնացված գնումներ կատարելու իրավասությունը վերապահել Լեռնային Ղարաբաղի Հանրապետության պետական գնումների գործակալությանը:

3. Պետական գաղտնիք պարունակող` Լեռնային Ղարաբաղի Հանրապետության պաշտպանության, ազգային անվտանգության կարիքների համար գնումները կատարվում են լիազոր պետական մարմինների կողմից փակ մրցույթով, ապակենտրոնացված:

4. Լեռնային Ղարաբաղի Հանրապետության ֆինանսների և էկոնոմիկայի նախարարությանը, Լեռնային Ղարաբաղի Հանրապետության պետական գնումների գործակալությանը`

ա) մեկամսյա ժամկետում Լեռնային Ղարաբաղի Հանրապետության կառավարության հաստատմանը ներկայացնել Լեռնային Ղարաբաղի Հանրապետության պետական գնումների գործակալության կանոնադրությունը, կենտրոնական ապարատի կառուցվածքը և աշխատողների թիվը:

բ) «Գնումների մասին» Լեռնային Ղարաբաղի Հանրապետության օրենքով սահմանված ժամկետում Լեռնային Ղարաբաղի Հանրապետության կառավարություն ներկայացնել օրենքի կիրարկումն ապահովող իրավական ակտերի նախագծերը:

5. Լեռնային Ղարաբաղի Հանրապետության ֆինանսների և էկոնոմիկայի նախարարությանը` լիազոր մարմնի վերապահված իրավասությունների սահմաններում մեկամսյա ժամկետում ընդունել օրենքի կիրարկումն ապահովող գերատեսչական նորմատիվ ակտեր:

6. Առաջարկել Լեռնային Ղարաբաղի Հանրապետության տեղական ինքնակառավարման մարմիններին` քննության առնել համայնքների կարիքների համար կենտրոնացված գնումներ կատարելու լիազորությունը, օրենքով սահմանված ժամկետում Լեռնային Ղարաբաղի Հանրապետության պետական գնումների գործակալությանը վերապահելու նպատակահարմարության հարցը և դրա մասին տեղեկացնել վերջինիս:

7. Լեռնային Ղարաբաղի Հանրապետության կառավարության 1998թ. դեկտեմբերի 29-ի «Լեռնային Ղարաբաղի Հանրապետության բյուջետային հիմնարկների աշխատողների պաշտոնային դրույքաչափերը սահմանելու մասին» թիվ 292 որոշման թիվ 1 հավելվածը լրացնել նոր բաժնով` համաձայն հավելվածի:

ԼՂՀ պետական գնումների գործակալություն