ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետությունում օտարերկյա պետությունների դիվանագիտական ներկայացուցչություններից և հյուպատոսական հիմնարկներից ու միջազգային միջպետական (միջկառավարական) կազմակերպություններից ‎ֆիզիկական անձանց ստացած եկամուտներից եկամտահարկի վճարման և եկամուտների հայտարարագրման կարգը հաստատելու մասին

«Եկամտահարկի մասին» Լեռնային Ղարաբաղի Հանրապետության օրենքի 31-րդ հոդվածի 7-րդ կետին համապատասխան` Լեռնային Ղարաբաղի Հանրապետության կառավարությունը որոշում է.

1. Հաստատել`

ա/ Լեռնային Ղարաբաղի Հանրապետությունում օտարերկրյա պետությունների դիվանագիտական ներկայացուցչություններից և հյուպատոսական հիմնարկներից ու միջազգային միջպետական (միջկառավարական) կազմակերպություններից ‎ֆիզիկական անձանց ստացած եկամուտներից եկամտահարկի վճարման և հայտարարագրման կարգը (կցվում է).

բ/ Լեռնային Ղարաբաղի Հանրապետությունում օտարերկրյա պետությունների դիվանագիտական ներկայացուցչություններից և հյուպատոսական հիմնարկներից ու միջազգային միջպետական (միջկառավարական) կազմակերպություններից ‎ֆիզիկական անձի ստացած եռամսյակային եկամուտների մասին հայտարարագրի ձևը (կցվում է):

2. Լեռնային Ղարաբաղի Հանրապետության արտաքին գործերի նախարարությանը`

ա/ ձեռնարկել համապատասխան միջոցներ` Լեռնային Ղարաբաղի Հանրապետությունում օտարեկրյա պետությունների դիվանագիտական ներկայացուցչություններին և հյուպատոսական հիմնարկներին ու միջազգային միջպետական (միջկառավարական) կազմակերպություններին` նախորդ տարվա ընթացքում եկամուտներ ստացած‎ ֆիզիկական անձանց մասին մինչև յուրաքանչյուր տարվա փետրվարի 1-ը Լեռնային Ղարաբաղի Հանրապետության կառավարությանն առընթեր հարկային պետական ծառայությանը տեղեկություններ (անուն, ազգանուն, մշտական բնակության վայր) տրամադրելու անհրաժեշտության մասին տեղեկացնելու համար.

բ/ ‎ Լեռնային Ղարաբաղի Հանրապետությունում օտարերկրյա պետությունների դիվանագիտական ներկայացուցչություններից և հյուպատոսական հիմնարկներից ու միջազգային միջպետական (միջկառավարական) կազմակերպություններից ‎ստացված տեղեկությունները 5 աշխատանքային օրվա ընթացքում տրամադրել Լեռնային Ղարաբաղի Հանրապետության կառավարությանն առընթեր հարկային պետական ծառայությանը:

1. Սույն կարգով սահմանվում է Լեռնային Ղարաբաղի Հանրապետությունում օտարերկրյա պետությունների դիվանագիտական ներկայացուցչություններից և հյուպատոսական հիմնարկներից, ինչպես նաև Լեռնային Ղարաբաղի Հանրապետությունում գործող միջազգային միջպետական (միջկառավարական) կազմակերպություններից (այսուհետև` դիվանագիտական և միջազգային կազմակերպություններ) ‎ ֆիզիկական անձանց ստացած եկամուտներից եկամտահարկի վճարման և հայտարարագրման կարգը:

2. Սույն կարգի գործողությունը չի տարածվում.

ա) դիվանագիտական և միջազգային կազմակերպություններից եկամուտներ ստացող օտարերկրյա քաղաքացիների ու քաղաքացիություն չունեցող անձանց վրա, եթե նրանք կամ նրանց ստացած եկամուտները միջազգային պայմանագրերի համաձայն ազատված են եկամտահարկից.

բ) ՄԱԿ-ում և դրա մասնագիտացված գործակալություններում աշխատող (բացառությամբ` ժամավճարով և հատուկ ծառայությունների մատուցման պայմանագրերով աշխատող) Լեռնային Ղարաբաղի Հանրապետության քաղաքացիների վրա` այդ կազմակերպություններից ստացված եկամուտների մասով.

գ) դիվանագիտական և միջազգային կազմակերպություններից ‎ֆիզիկական անձանց ստացած` «Եկամտահարկի մասին» Լեռնային Ղարաբաղի Հանրապետության օրենքի 20-րդ հոդվածի 2-րդ կետով սահմանված, եկամտի վճարման աղբյուրի մոտ չհարկվող եկամուտների վրա, որոնց հարկումը կատարվում է Լեռնային Ղարաբաղի Հանրապետության օրենսդրությամբ սահմանված ընդհանուր կարգով:

3. Դիվանագիտական և միջազգային կազմակերպություններից ստացած եկամուտներից ‎ֆիզիկական անձինք եկամտահարկը հաշվարկում և վճարում են ինքնուրույն` «Եկամտահարկի մասին» Լեռնային Ղարաբաղի Հանրապետության օրենքի 18-րդ հոդվածով հարկային գործակալի համար սահմանված դրույքաչափերով նույն օրենքով սահմանված կարգով հաշվարկված ամսական հարկվող եկամտից:

4. Դիվանագիտական և միջազգային կազմակերպություններից եկամուտներ ստանալու դեպքում ‎ֆիզիկական անձինք մինչև նշված եկամուտների ստացման եռամսյակին հաջորդող երկրորդ ամսվա 1-ը իրենց բնակության վայրի հարկային մարմին են ներկայացնում սույն որոշման 1-ին կետով հաստատված եռամսյակային եկամուտների մասին հայտարարագիրը (այսուհետև` հայտարարագիր):

Հայտարարագրին կից ներկայացվում է դիվանագիտական և միջազգային կազմակերպության կողմից տրված` տվյալ քաղաքացուն հաշվետու եռամսյակում եկամուտների վճարման ամսաթվի, ամսվա, տարեթվի, վճարված եկամտի տեսակի, գումարի և արժույթի մասին տեղեկանք` «Եկամտահարկի մասին» Լեռնային Ղարաբաղի Հանրապետության օրենքի 24-րդ հոդվածով սահմանված կարգով:

Հարկային մարմինը նշված տեղեկանքի բացակայության դեպքում հայտարարագրի պատճենը տրամադրում է Լեռնային Ղարաբաղի Հանրապետության արտաքին գործերի նախարարությանը` համապատասխան դիվանագիտական և միջազգային կազմակերպությանը հավաստելու նպատակով ներկայացնելու համար: Լեռնային Ղարաբաղի Հանրապետության արտաքին գործերի նախարարությունը նշված կազմակերպությունից ստացված լրացուցիչ տեղեկությունները (հավաստումը) 5 աշխատանքային օրվա ընթացքում տրամադրում է Լեռնային Ղարաբաղի Հանրապետության կառավարությանն առընթեր հարկային պետական ծառայությանը:

5. Սույն կարգին համապատասխան հայտարարագրման ենթակա եկամուտներից հաշվարկված եկամտահարկը ‎ ֆիզիկական անձանց համար համարվում է եկամտահարկի վերջնական գումար և այդ եկամուտները չեն ներառվում Լեռնային Ղարաբաղի Հանրապետության քաղաքացիների կողմից ներկայացվող տարեկան եկամուտների հայտարարագրում:

6. Դիվանագիտական և միջազգային կազմակերպություններից եկամուտներ ստանալու դեպքում ‎ֆիզիկական անձինք պարտավոր են տվյալ ամսում ստացված եկամուտներից հաշվարկված եկամտահարկի գումարը վճարել Լեռնային Ղարաբաղի Հանրապետության պետական բյուջե` ոչ ուշ, քան նշված եկամուտներն ստանալու ամսվան հաջորդող ամսվա 5-ը:

7. Հաշվետու եռամսյակում դիվանագիտական և միջազգային կազմակերպություններից եկամուտներ ստանալու և մինչև այդ եռամսյակին հաջորդող երկրորդ ամսվա 1-ը Լեռնային Ղարաբաղի Հանրապետությունից մեկնելու դեպքում ‎ֆիզիկական անձը պարտավոր է հայտարարագիրը և դրան կից տեղեկանքները ներկայացնել ոչ ուշ, քան մեկնելուց 5 օր առաջ:

8. Ֆիզիկական անձինք սույն կարգի պահանջները խախտելու համար (այդ թվում` հայտարարագիրը սահմանված ժամկետներում չներկայացնելու, հայտարարագրում հարկվող օբյեկտը թաքցնելու կամ այն պակաս ցույց տալու, եկամտահարկի վճարումը սահմանված ժամկետներից ուշացնելու համար) կրում են պատասխանատվություն՝ Լեռնային Ղարաբաղի Հանրապետության օրենսդրությամբ սահմանված կարգով:

Հետևյալ կետերում նշվում են`

● 1,2-ում` հաշվետու ժամանակաշրջանը (եռամսյակը) և հարկային տարին,

● 3-ում` ‎ֆիզիկական անձի անձնական հաշվի համարը,

● 4-ում` ֆիզիկական անձի անունը, հայրանունը, ազգանունը,

● 5-ում` ֆիզիկական անձի անձնագրում գրանցված մշտական բնակության վայրը (հասցեն),

● 6-ում` ‎ֆիզիկական անձի Լեռնային Ղարաբաղի Հանրապետությունում ժամանակավոր բնակության վայրը (հասցեն),

● 7,8-ում` ‎ֆիզիկական անձի տան և աշխատանքային հեռախոսահամարները,

●  9-ում` ֆիզիկական անձի գործունեության իրականացման վայրը (հասցեն),

● 10-ում` ‎ֆիզիկական անձի անձնագրի սերիան և համարը,

● 11-ում` անձնագրի տված լիազորված մարմնի անվանումը (կոդը),

● 12-ում` հարկային մարմին հայտարարագիրը ներկայացնելու ամսաթիվը, ամիսը, տարեթիվը,

● 13-ում` ‎ֆիզիկական անձի բանկային հաշիվների համարները (պարտադիր նշելով բանկի կամ բանկի մասնաճյուղի անվանումը):

Բաժին II. Աշխատանքների կատարումից, քաղաքացիաիրավական պայմանագրերով նախատեսվող և նվիրատվության կարգով ստացված եկամուտներ

● [14], [15] և [16] սյունակներում նշվում են հաշվետու եռամսյակի (ըստ ամիսների) ցուցանիշները, իսկ հետևյալ տողերում`

● [17], [18] և [19]-ում` աշխատանքի կատարումից, քաղաքացիաիրավական պայմանագրերով նախատեսվող և նվիրատվության կարգով ստացված եկամուտները, որոնք հարկային գործակալի կողմից հարկվում են «Եկամտահարկի մասին» Լեռնային Ղարաբաղի Հանրապետության օրենքի 18-րդ հոդվածի 1-ին կետով սահմանված դրույքաչափով,

● [20]-ում` ստացված եկամուտների համար հաշվարկված պարտադիր սոցիալական ապահովագրության վճարները,

● [21]-ում` անձնական նվազեցումները,

● [22]-ում` ստացված եկամուտների գծով արդյունքները (տող [17] + տող[18]+ տող[19]-տող [20]+տող [21]),

● [23]-ում` ամսվա ընթացքում կատարված բարեգործական և այլ անհատույց հատկացումների նվազեցվող գումարները (տող [22]-տող[22]/1.05),

● [24]-ում` ստացված եկամուտների մասով ամսական հարկվող եկամուտը (տող[22]-տող[23]),

● [25]-ում` հարկվող եկամտից հաշվարկված ամսական եկամտահարկի գումարները:

Բաժին III. Քաղաքացիաիրավական այլ պայմանագրերով նախատեսվող եկամուտներ

● [26], [27] և [28] սյունակներում նշվում են հաշվետու եռամսյակում ըստ հերթական ամիսների համապատասխան ցուցանիշները, իսկ հետևյալ տողերում`

● [29]-ում` ռոյալթիները,

● [30]-ում` վարձակալության դիմաց ստացված վճարները (վարձավճարները),

● [31]-ում` ռոյալթիներից և վարձավճարներից ստացված եկամուտներից հաշվարկված ամսական եկամտահարկի գումարները:

Բաժին IV. Լեռնային Ղարաբաղի Հանրապետության պետական բյուջե վճարման կամ Լեռնային Ղարաբաղի Հանրապետության պետական բյուջեից վերադարձման (հաշվանցման) ենթակա եկամտահարկի հաշվարկ

● [32]-ում` եռամսյակի համար հաշվարկված եկամտահարկի հանրագումարը (տող [25]+տող[31]),

● [33]-ում` հաշվետու եռամսյակի ընթացքում վճարված եկամտահարկը,

● [34]-ում` Լեռնային Ղարաբաղի Հանրապետության պետական բյուջե վճարման ենթակա եկամտահարկի գումարը ((տող[32]-տող [33]) >  > 0),

● [35]-ում` Լեռնային Ղարաբաղի Հանրապետության պետական բյուջեից վերադարձման (հաշվանցման) ենթակա եկամտահարկի գումարը ((տող [32]-տող[33]) < 0):

Հայտարարագիրը ներկայացնողի                             Հայտարարագրի ընդունման ամսաթիվը,

ամիսը,

ստորագրությունը____________________                տարեթիվը ______________________

Հայտարարագիրն ընդունողի

անուն, ազգանուն ___________________                Ստորագրությունը_________________

 ________________

Հայտարարագիրը լրացվում է 2 օրինակից, որոնք ներկայացվում են հարկային մարմին: Հարկային մարմնի կողմից գրանցելուց հետո մեկ օրինակը հանձնվում է ֆիզիկական անձին: