ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

"20" հոկտեմբերի 1998թ.

N 221

 ք.Ստեփանակերտ

 

Քաղաքաշինական փաստաթղթերի մշակման և հաստատման կարգերը հաստատելու մասին

 

Լեռնային Ղարաբաղի Հանրապետության կառավարությունը որոշում է.

1. Հաստատել`

ա) տարածքային հատակագծման ուրվագծի մշակման, փորձաքննության, համաձայնեցման, հաստատման և փոփոխման կարգը (կցվում է).

բ) տարածքային հատակագծման նախագծի մշակման, փորձաքննության, համաձայնեցման, հաստատման և փոփոխման կարգը (կցվում է).

գ) բնակավայրի գլխավոր հատակագծի նախագծի մշակման, փորձաքննության, համաձայնեցման, հաստատման և փոփոխման կարգը (կցվում է).

դ) բնակավայրի կամ դրա առանձին հատվածի մանրամասն հատակագծման նախագծի մշակման, փորձաքննության, համաձայնեցման, հաստատման և փոփոխման կարգը (կցվում է).

ե) (ենթակետն ուժը կորցրել է 26.04.2005 N 220)

2. Սույն որոշումն ուժի մեջ է մտնում 1998թ. նոյեմբերի 1-ից:

 

 

ԼՂՀ վարչապետ

Ժ.ՊՈՂՈՍՅԱՆ

 

 

Հաստատված է ԼՂՀ կառավարության 1998 թ. հոկտեմբերի 20-ի թիվ 221 որոշմամբ

 

Կ Ա Ր Գ

 

տարածքային հատակագծման ուրվագծի մշակման, փորձաքննության, համաձայնեցման, հաստատման և փոփոխման

 

1. Ընդհանուր դրույթներ

1. Տարածքային հատակագծման ուրվագիծը (սխեման) քաղաքաշինական ծրագրային փաստաթուղթ է, որը մշակվում է Լեռնային Ղարաբաղի Հանրապետության, շրջանների վարչատարածքների և Ստեփանակերտ քաղաքի համար:

Լեռնային Ղարաբաղի Հանրապետության տարածքային հատակագծման ուրվագծի պատվիրատուի պարտականությունները կատարում է Լեռնային Ղարաբաղի Հանրապետության քաղաքաշինության նախարարությունը:

 

2. Տարածքային հատակագծման ուրվագծի մշակումը

2. Պատվիրատուն`

- սահմանված կարգով ընտրված քաղաքաշինական փաստաթղթեր մշակողին (այսուհետև` կատարող) է հանձնում նախագծման առաջադրանքը

- կատարողին է տրամադրում նախագծման համար անհրաժեշտ ծավալի ելակետային նյութեր

- կատարողի հետ սահմանված կարգով կնքում է պայմանագիր:

Պատվիրատուի և կատարողի համաձայնությամբ` կատարողը կարող է իրականացնել ելակետային նյութերի կամ դրանց մի մասի հավաքումը, ուրվագծի համաձայնեցումը:

 

3. Տարածքային հատակագծման ուրվագծի փորձաքննությունը

3. Պատվիրատուն նախագծային աշխատանքների ավարտից հետո տարածքային հատակագծման ուրվագիծը ներկայացնում է համալիր փորձաքննության:

Փորձաքննությունն իրականացվում է պատվիրատուի և փորձաքննություն կատարողի միջև կնքվող պայմանագրով:

 

4. Տարածքային հատակագծման ուրվագծի համաձայնեցումը

4. Պատվիրատուն փորձաքննության դրական եզրակացությունն ստանալուց հետո տարածքային հատակագծման ուրվագծի մասին սահմանված կարգով իրազեկում է հասարակայնությանը և այն սահմանված կարգով ներկայացնում պետական կառավարման հանրապետական մարմինների համաձայնեցմանը:

5. Պատվիրատուն տարածքային հատակագծման ուրվագիծն ու դրա վերաբերյալ պետական կառավարման համապատասխան մարմինների և իր համաձայնությունները ներկայացնում է Լեռնային Ղարաբաղի Հանրապետության կառավարություն:

 

5. Տարածքային հատակագծման ուրվագծի հաստատումը

6. Տարածքային հատակագծման ուրվագիծը հաստատում է Լեռնային Ղարաբաղի Հանրապետության կառավարությունը` հետևյալ մասերով.

- տարածքի հեռանկարային զարգացման ուրվագիծ

- տարածքի գոտևորման ուրվագիծ

- ինժեներատրանսպորտային ենթակառուցվածքների ուրվագիծ

- բնական և տեխնածին վտանգավոր ազդեցություններից տարածքի պաշտպանության ուրվագիծ

- ուրվագծի իրականացման առաջնահերթ միջոցառումների ցանկ:

 

6. Տարածքային հատակագծման հաստատված ուրվագծի փոփոխությունները

7. Տարածքային հատակագծման հաստատված ուրվագծի փոփոխությունները կատարվում են սույն կարգին համապատասխան:

 

 

Հաստատված է ԼՂՀ կառավարության 1998 թ. հոկտեմբերի 20-ի թիվ 221 որոշմամբ

 

Կ Ա Ր Գ

 

տարածքային հատակագծման նախագծի մշակման, փորձաքննության, համաձայնեցման, հաստատման և փոփոխման

 

 

1. Ընդհանուր դրույթներ

1. Տարածքային հատակագծման նախագիծը քաղաքաշինական ծրագրային փաստաթուղթ է, որը մշակում է Լեռնային Ղարաբաղի Հանրապետության շրջանների վարչատարածքների, Ստեփանակերտ քաղաքի կամ դրանց առանձին հատվածների արդյունաբերական հանգույցների, բնության հատուկ պահպանվող, առողջարանային, ռեկրեացիոն, պատմամշակութային և այլ նշանակության տարածքների համար:

Լեռնային Ղարաբաղի Հանրապետության տարածքային հատակագծման նախագծի պատվիրատուի պարտականությունները կատարում է Լեռնային Ղարաբաղի Հանրապետության քաղաքաշինության նախարարությունը:

 

2. Տարածքային հատակագծման նախագծի մշակումը

2. Պատվիրատուն`

- սահմանված կարգով ընտրված քաղաքաշինական փաստաթղթեր մշակողին (այսուհետև կատարող) է հանձնում նախագծման առաջադրանքը

- կատարողին է տրամադրում նախագծման համար անհրաժեշտ ծավալի ելակետային նյութեր

- կատարողի հետ սահմանված կարգով կնքում է պայմանագիր:

Պատվիրատուի և կատարողի համաձայնությամբ` կատարողը կարող է իրականացնել ելակետային նյութերի կամ դրանց մի մասի հավաքումը, նախագծի համաձայնեցումը:

 

3. Տարածքային հատակագծման նախագծի փորձաքննությունը

3. Պատվիրատուն նախագծային աշխատանքների ավարտից հետո տարածքային հատակագծման նախագիծը ներկայացնում է համալիր փորձաքննության:

Փորձաքննությունն իրականացվում է պատվիրատուի և փորձաքննություն կատարողի միջև կնքվող պայմանագրով:

 

4. Տարածքային հատակագծման նախագծի համաձայնեցումը

4. Պատվիրատուն տարածքային հատակագծման նախագծի վերաբերյալ փորձաքննության դրական եզրակացությունն ստանալուց հետո նախագծի մասին սահմանված կարգով իրազեկում է հասարակայնությանը և այն սահմանված կարգով ներկայացնում պետական կառավարման հանրապետական մարմինների համաձայնեցմանը:

5. Պատվիրատուն տարածքային հատակագծման նախագիծն ու դրա վերաբերյալ պետական կառավարման համապատասխան մարմինների և իր համաձայնությունները ներկայացնում է Լեռնային Ղարաբաղի Հանրապետության կառավարություն:

 

5. Տարածքային հատակագծման նախագծի հաստատումը

6. Տարածքային հատակագծման նախագիծը հաստատում է Լեռնային Ղարաբաղի Հանրապետության կառավարությունը` հետևյալ մասերով.

- տարածքի հեռանկարային զարգացման նախագիծ

- տարածքի գոտևորման ուրվագիծ

- ինժեներատրանսպորտային ենթակառուցվածքների ուրվագիծ

- բնական և տեխնածին վտանգավոր ազդեցություններից տարածքի պաշտպանության նախագիծ:

 

7. Տարածքային հատակագծման հաստատված նախագծի փոփոխությունները

7. Տարածքային հատակագծման հաստատված նախագծի փոփոխությունները կատարվում են սույն կարգին համապատասխան:

 

 

Հաստատված է ԼՂՀ կառավարության 1998 թ. հոկտեմբերի 20-ի թիվ 221 որոշմամբ

 

ԿԱՐԳ

 

բնակավայրի գլխավոր հատակագծի նախագծի մշակման, փորձաքննության, համաձայնեցման, հաստատման և փոփոխման

 

1. Ընդհանուր դրույթներ

1. Բնակավայրի գլխավոր հատակագծի նախագիծը հիմնական քաղաքաշինական ծրագրային փաստաթուղթ է, որը մշակվում է քաղաքի ու գյուղի համար:

Գլխավոր հատակագծի նախագիծը մշակվում է երկու փուլով.

ա) գլխավոր հատակագծի հայեցակարգ (մինչև 10000 մարդ բնակչությամբ քաղաքի և գյուղի համար կարող է համատեղվել գլխավոր հատակագծի հետ),

բ) գլխավոր հատակագիծ, ներառյալ` բնակավայրի սահմանների նկարագիրը:

Մինչև 10000 մարդ բնակչությամբ քաղաքի և գյուղի գլխավոր հատակագծի նախագիծը կարող է համատեղվել մանրամասն հատակագծման նախագծի հետ:

2. Բնակավայրի գլխավոր հատակագծի նախագիծը մշակվում է համայնքի ղեկավարի պատվերով: Շրջկենտրոնների և Ստեփանակերտ քաղաքի գլխավոր հատակագիծը մշակվում է Լեռնային Ղարաբաղի Հանրապետության քաղաքաշինության նախարարության պատվերով:

 

2. Բնակավայրի գլխավոր հատակագծի նախագծի մշակումը

3. Պատվիրատուն`

- սահմանված կարգով ընտրված` քաղաքաշինական փաստաթղթեր մշակողին (այսուհետև` կատարող) է հանձնում շրջանի վարչակազմի ղեկավարի (Ստեփանակերտի քաղաքապետի)` Լեռնային Ղարաբաղի Հանրապետության քաղաքաշինության նախարարության հետ համաձայնեցված նախագծման առաջադրանքը

- կատարողին է տրամադրում նախագծման համար անհրաժեշտ ծավալի ելակետային նյութեր

- կատարողի հետ սահմանված կարգով կնքում է պայմանագիր:

Պատվիրատուի և կատարողի համաձայնությամբ` կատարողը կարող է իրականացնել ելակետային նյութերի կամ դրանց մի մասին հավաքումը, նախագծի համաձայնեցումը:

 

3. Բնակավայրի գլխավոր հատակագծի նախագծի ‹‹Գլխավոր հատակագծի հայեցակարգ›› փուլի հաստատումը

4. Պատվիրատուն ‹‹Գլխավոր հատակագծի հայեցակարգ›› փուլի ավարտից հետո այն ներկայացնում է համայնքի ավագանուն և այնուհետև` շրջանի վարչակազմի ղեկավարին (Ստեփանակերտի քաղաքապետին)` հավանության:

5. Շրջանի վարչակազմի ղեկավարը (Ստեփանակերտի քաղաքապետը) գլխավոր հատակագծի հայեցակարգը համաձայնեցման է ներկայացնում Լեռնային Ղարաբաղի Հանրապետության քաղաքաշինության նախարարություն, որից հետո այն հաստատում է պատվիրատուն:

Շրջկենտրոնների և Ստեփանակերտ քաղաքի գլխավոր հատակագծի հայեցակարգը հաստատում է Լեռնային Ղարաբաղի Հանրապետության կառավարությունը:

6. Գլխավոր հատակագծի հայեցակարգը հիմք է հանդիսանում բնակավայրի ‹‹Գլխավոր հատակագիծ›› փուլի մշակման համար:

 

4. Բնակավայրի գլխավոր հատակագծի փորձաքննությունը

7. Պատվիրատուն նախագծային աշխատանքների ավարտից հետո նախագիծը ներկայացնում է համալիր փորձաքննության:

Փորձաքննությունն իրականացվում է պատվիրատուի և փորձաքննություն կատարողի միջև կնքված պայմանագրով:

 

5. Բնակավայրի գլխավոր հատակագծի համաձայնեցումը

8. Պատվիրատուն նախագծի առնչությամբ փորձաքննության դրական եզրակացությունը և համայնքի ավագանու հավանությունը ստանալուց հետո նախագծի մասին սահմանված կարգով իրազեկում է հասարակայնությանը և այն ներկայացնում շրջանի վարչակազմի ղեկավարին (Ստեփանակերտի քաղաքապետին):

9. Շրջանի վարչակազմի ղեկավարը (Ստեփանակերտի քաղաքապետը) նախագիծը ներկայացնում է Լեռնային Ղարաբաղի Հանրապետության քաղաքաշինության նախարարություն, Լեռնային Ղարաբաղի Հանրապետության ֆինանսների նախարարություն, Լեռնային Ղարաբաղի Հանրապետության գյուղատնտեսության նախարարություն, Լեռնային Ղարաբաղի Հանրապետության տնտեսական և կառուցվածքային բարեփոխումների նախարարին, Լեռնային Ղարաբաղի Հանրապետության բնապահպանության վարչություն, Լեռնային Ղարաբաղի Հանրապետության արտակարգ իրավիճակների վարչություն` համաձայնեցման:

 

6. Բնակավայրի գլխավոր հատակագծի հաստատումը

10. Շրջանի վարչակազմի ղեկավարը (Ստեփանակերտի քաղաքապետը) նախագիծը սույն կարգի 9-րդ կետում նշված մարմինների և իր համաձայնություններով սահմանված կարգով ներկայացնում է Լեռնային Ղարաբաղի Հանրապետության կառավարություն:

11. Լեռնային Ղարաբաղի Հանրապետության կառավարությունը բնակավայրի գլխավոր հատակագծի նախագծի ‹‹Բնակավայրի սահմանների նկարագիր›› մասը ներկայացնում է Լեռնային Ղարաբաղի Հանրապետության Ազգային Ժողով:

12. Լեռնային Ղարաբաղի Հանրապետության կառավարությունը, ‹‹Բնակավայրի սահմանների նկարագիր›› մասի` Լեռնային Ղարաբաղի Հանրապետության Ազգային Ժողովի կողմից հաստատումից հետո, հաստատում է բնակավայրի գլխավոր հատակագծի նախագիծը` ‹‹Գլխավոր հատակագիծ›› փուլի ‹‹Գլխավոր հատակագիծ. հիմնական գծագիր›› մասով:

 

7. Բնակավայրի գլխավոր հատակագծի նախագծի փոփոխությունները

13. Բնակավայրի գլխավոր հատակագծի ‹‹Բնակավայրի սահմանների նկարագիր›› և ‹‹Գլխավոր հատակագիծ. հիմնական գծագիր›› մասերում փոփոխությունները կատարվում են սույն կարգին համապատասխան:

14. Բնակավայրի գլխավոր հատակագծի նախագծի մյուս մասերում փոփոխությունները կատարվում են Լեռնային Ղարաբաղի Հանրապետության քաղաքաշինության նախարարության համաձայնությամբ:

 

 

Հաստատված է ԼՂՀ կառավարության 1998 թ. հոկտեմբերի 20-ի թիվ 221 որոշմամբ

 

ԿԱՐԳ

 

բնակավայրի կամ դրա առանձին հատվածի մանրամասն հատակագծման նախագծի մշակման, փորձաքննության, համաձայնեցման, հաստատման և փոփոխման

 

1. Ընդհանուր դրույթներ

1. Մանրամասն հատակագծման նախագիծը (ՄՀՆ) քաղաքաշինական ծրագրային փաստաթուղթ է, որը մշակվում է բնակավայրի հաստատված գլխավոր հատակագծի նախագծի հիման վրա` բնակավայրի կամ դրա առանձին հատվածի համար:

Մինչև 10000 մարդ բնակչությամբ քաղաքի և գյուղի համար ՄՀՆ-ն կարող է համատեղվել գլխավոր հատակագծի նախագծի հետ:

2. ՄՀՆ-ն մշակվում է համայնքի ղեկավարի, շրջկենտրոնների համար` շրջանի վարչակազմի ղեկավարի, Ստեփանակերտ քաղաքի համար` Ստեփանակերտի քաղաքապետի պատվերով:

 

2. Մանրամասն հատակագծման նախագծի մշակումը

3. Պատվիրատուն`

- սահմանված կարգով ընտրված քաղաքաշինական փաստաթղթեր մշակողին (այսուհետև կատարող) է հանձնում նախագծման առաջադրանքը

- կատարողին է տրամադրում նախագծման համար անհրաժեշտ ծավալի ելակետային նյութեր

- կատարողի հետ սահմանված կարգով կնքում է պայմանագիր:

Պատվիրատուի և կատարողի համաձայնությամբ կատարողը կարող է իրականացնել ելակետային նյութերի կամ դրանց մի մասի հավաքումը, նախագծի համաձայնեցումը:

4. Գլխավոր հատակագծի նախագծի բացակայության դեպքում ՄՀՆ-ի առաջադրանքը համաձայնեցվում է շրջանի վարչակազմի ղեկավարի (Ստեփանակերտի քաղաքապետի) և Լեռնային Ղարաբաղի Հանրապետության քաղաքաշինության նախարարության հետ:

 

3. Մանրամասն հատակագծման նախագծի փորձաքննությունը

5. Պատվիրատուն նախագծային աշխատանքների ավարտից հետո ՄՀՆ-ն ներկայացնում է փորձաքննության:

Փորձաքննությունն իրականացվում է պատվիրատուի և փորձաքննություն կատարողի միջև կնքվող պայմանագրով:

 

4. Մանրամասն հատակագծման նախագծի համաձայնեցումը

6. Պատվիրատուն փորձաքննության դրական եզրակացությունն ստանալուց հետո ՄՀՆ-ի մասին սահմանված կարգով իրազեկում է հասարակայնությանը և այն սահմանված կարգով ներկայացնում շրջանի վարչակազմի ղեկավարին (Ստեփանակերտի քաղաքապետին) և Լեռնային Ղարաբաղի Հանրապետության քաղաքաշինության նախարարություն` համաձայնեցման:

 

5. Մանրամասն հատակագծման նախագծի հաստատումը

7. Պատվիրատուն ՄՀՆ-ի` համապատասխան մարմինների հետ համաձայնեցումից հետո հաստատում է այն:

 

6. Հաստատված մանրամասն հատակագծման նախագծի փոփոխությունները

8. Հաստատված ՄՀՆ-ի փոփոխությունները կատարվում են սույն կարգին համապատասխան:

 

 

Հաստատված է ԼՂՀ կառավարության 1998 թ. հոկտեմբերի 20-ի թիվ 221 որոշմամբ

 

ԿԱՐԳ

 

բնակավայրի կամ դրա առանձին հատվածի կառուցապատման նախագծի մշակման, փորձաքննության, համաձայնեցման, հաստատման և փոփոխման

(կարգն ուժը կորցրել է 26.04.2005 N 220)