ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2002 թվականի սեպտեմբերի 18-ի «Չկատարված հարկային և (կամ) պարտադիր սոցիալական ապահովության վճարների գծով պարտավորության դիմաց հարկային մարմնի կողմից հարկ վճարողի և (կամ) ապահովադրի գույքի վրա արգելանք դնելու և դատարանի վճռից հետո բռնագանձված գույքն իրացնելու կարգը հաստատելու մասին» N 232 որոշման մեջ կատարել հետևյալ փոփոխությունները և լրացումը.

1) որոշման վերնագրում «Չկատարված հարկային և (կամ) պարտադիր սոցիալական ապահովության վճարների գծով» բառերը փոխարինել «Հարկային մարմնի կողմից վերահսկվող եկամուտների գծով չկատարված» բառերով և հանել «և (կամ) ապահովադրի» բառերը.

2) որոշման հիմքում «և «Պարտադիր սոցիալական ապահովության վճարների մասին» ԼՂՀ օրենքի 6-րդ հոդվածներին» բառերը փոխարինել «հոդվածին» բառով.

3) որոշման 1-ին կետում «չկատարված հարկային և (կամ) պարտադիր սոցիալական ապահովության վճարների գծով» բառերը փոխարինել «հարկային մարմնի կողմից վերահսկվող եկամուտների գծով չկատարված» բառերով և հանել «և (կամ) ապահովադրի» բառերը.

4) որոշմամբ հաստատված կարգում`

ա. վերնագրում «չկատարված հարկային և (կամ) պարտադիր սոցիալական ապահովության վճարների գծով» բառերը փոխարինել «հարկային մարմնի կողմից վերահսկվող եկամուտների գծով չկատարված» բառերով և հանել «և (կամ) ապահովադրի» բառերը,

բ. 1-ին և 2-րդ կետերը շարադրել հետևյալ խմբագրությամբ`

«1. Սույն կարգով կանոնակարգվում է «Հարկերի մասին» Լեռնային Ղարաբաղի Հանրապետության օրենքի 30-րդ հոդվածին համապատասխան հարկային մարմնի կողմից վերահսկվող եկամուտների գծով չկատարված պարտավորության չափը 500 000 ՀՀ դրամ և ավելի կազմելու դեպքում հարկային մարմնի կողմից հարկ վճարողի պարտավորությանը համարժեք գույքի վրա արգելանք դնելու և դատարանի վճռից հետո բռնագանձված գույքն իրացնելու կարգը:

2. Սույն կարգի իմաստով գույքի արգելանքը հարկային մարմնի կողմից վերահսկվող եկամուտների գծով պարտավորության կատարումն ապահովելու նպատակով հարկ վճարողի գույքային իրավունքների սահմանափակման միջոցով հարկային մարմնի կողմից իրականացվող գործողություն է: Արգելադրումն իրականացվում է բանկային հաշիվների արգելադրման, ինչպես նաև գույքի տնօրինման, տիրապետման կամ օգտագործման իրավունքի սահմանափակման միջոցով` հարկային մարմնի կողմից վերահսկվող եկամուտների գծով պարտավորությունների չափով:»,

գ.  4-րդ կետի 1-ին պարբերությունը շարադրել հետևյալ խմբագրությամբ`

«4. Արգելանք չի կարող դրվել օրենքով սահմանված այն գույքի վրա, որի նկատմամբ բռնագանձում չի կարող տարածվել կամ որի պահպանման ժամկետը արգելադրման պահին պակաս է մեկ տարուց: Արգելանք չի կարող դրվել բանկերի, վճարահաշվարկային կազմակերպությունների, ներդրումային ֆոնդերի, այդ թվում` կենսաթոշակային հիմնադրամների և ապահովագրական (վերաապահովագրական) ընկերությունների բանկային, դեպո կամ կենսաթոշակային հաշիվների և դրամական միջոցների վրա:»,

դ. 1-ին բաժնի 4-րդ և 6-րդ կետերից, 2-րդ, 3-րդ և 5-8-րդ բաժիններից հանել «և (կամ) ապահովադրի» բառերը և դրա հոլովաձևերը,

ե.  ուժը կորցրած ճանաչել 5-րդ կետը,

զ. 7-րդ կետից հանել «(ապահովադրի կոդը)» բառերը, իսկ «չկատարած հարկային և (կամ) պարտադիր սոցիալական ապահովության վճարների գծով» բառերը փոխարինել «հարկային մարմնի կողմից վերահսկվող եկամուտների գծով չկատարած» բառերով,

է.  9-րդ կետում «չկատարած հարկային և (կամ) պարտադիր սոցիալական ապահովության վճարների գծով» բառերը փոխարինել «հարկային մարմնի կողմից վերահսկվող եկամուտների գծով չկատարած» բառերով,

ը. 10-րդ կետում 1-ին նախադասությունից հետո լրացնել հետևյալ բովանդակությամբ նոր նախադասություններ՝ «Արգելանք դնելիս այն իրականացնող պաշտոնատար անձը յուրաքանչյուր դեպքի համար որոշում է սահմանափակման տեսակները, ծավալները` հաշվի առնելով գույքի հատկանիշները, սեփականատիրոջ կամ տիրապետողի համար դրա նշանակությունը և պարտավորության չափը: Որպես գույքի արժեք ընդունվում է գույքի հաշվեկշռային արժեքը:», և հանել 2-րդ պարբերությունը,

թ. ուժը կորցրած ճանաչել 4-րդ բաժինը և 24-րդ կետը:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: