| |
Գրանցված է
Լեռնային Ղարաբաղի Հանրապետության
արդարադատության նախարարության կողմից
«3» մարտի 2005թ.
Պետական գրանցման թիվ 351
ԼՂՀ արդարադատության նախարար
_______________ Ռ. Հայրապետյան |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
Ո Ր Ո Շ ՈՒ Մ
|
«25» փետրվարի 2005թ. |
Թիվ 3/19 |
ք.Ստեփանակերտ
ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՆԵՐՈՒՄ ՎԻՃԱԿԱՀԱՆՈՒԹՅՈՒՆՆԵՐ ԱՆՑԿԱՑՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով Լեռնային Ղարաբաղի Հանրապետության ընտրական օրենսգրքի 42-րդ հոդվածի 27-րդ ենթակետով և 54-րդ հոդվածով՝ Լեռնային Ղարաբաղի Հանրապետության կենտրոնական ընտրական հանձնաժողովը ո ր ո շ ո ւ մ է.
1. Սահմանել տեղամասային ընտրական հանձնաժողովներում վիճակահանություններ անցկացնելու կարգը՝ համաձայն հավելածի:
2. Սույն որոշումն ուժի մեջ մտնելու պահից ուժը կորցրած ճանաչել ԼՂՀ ԿԸՀ-ի 04 հուլիսի 2001թ. թիվ 29/111 «Ընտրական հանձնաժողովներում վիճակահանություն անցկացնելու կարգի մասին» որոշումը:
|
ԼՂՀ կենտրոնական ընտրական
հանձնաժողովի նախագահ՝ |
Ս. Նասիբյան |
| |
Հավելված
ԼՂՀ ԿԸՀ 2005թ.
փետրվարի 25-ի
թիվ 3/19 որոշման |
Կ Ա Ր Գ
Տեղամասային ընտրական հանձնաժողովներում վիճակահանություններ անցկացնելու
1. Քվեարկության նախորդ օրը տեղամասային ընտրական հանձնաժողովն իր նիստում կատարում է վիճակահանություն և որոշում քվեաթերթիկներն ստորագրող հանձնաժողովի 3 անդամներին: Հանձնաժողովի նախագահը վիճակահանությանը մասնակցող հանձնաժողովի անդամների թվին համապատասխան պատրաստում է վիճակահանության թերթիկներ՝ 3-ի վրա կատարելով որևիցե նշում, դրանք քառապատիկ ծալում և գցում է վիճակահանության համար նախատեսված արկղի մեջ: Հանձնաժողովի անդամների կողմից թերթիկները հանելուց հետո վիճակահանության արդյունքների մասին գործավարության մատյանում կազմվում է արձանագրություն:
2. Քվեարկության օրը ժամը 7.00-ին տեղամասային ընտրական հանձնաժողովի նիստում կատարվում են վիճահանություններ և որոշվում են քաղաքացիների գրանցումն իրականացնող (յուրաքանչյուր 1000 ընտրողին մեկական անդամ), քվեաթերթիկներ հատկացնող (յուրաքանչյուր 1000 ընտրողին մեկական անդամ), քվեաթերթիկները կնքող և քվեատուփի համար պատասխանատու հանձնաժողովի անդամներին:
Հանձնաժողովի նախագահը վիճակահանությանը մասնակցող հանձնաժողովի անդամների թվին համապատասխան պատրաստում է վիճակահանության թերթիկներ, որոնցում նշվում է՝
ա) «քաղաքացիների գրանցումն իրականացնող» /1 հատ/
բ) «քվեաթերթիկներ հատկացնող» /1 հատ/
գ) «քվեաթերթիկներ կնքող» /1 հատ/
դ) «քվեատուփի համար պատասխանատու» /1 հատ/:
Վիճակահանության թերթիկները քառապատիկ ծալվում և գցվում են վիճակահանության համար նախատեսված արկղի մեջ: Հանձնաժողովի անդամների կողմից թերթիկները հանելուց հետո վիճակահանության արդյունքների մասին գործավարության մատյանում կազմվում է արձանագրություն:
3. Քվեարկության օրը տեղամասային ընտրական հանձնաժողովների անդամների աշխատանքային հերթափոխը կատարվում է երեքժամյա հաճախականությամբ՝ հանձնաժողովի նախագահի կողմից:
4. Հանձնաժողովի նախագահը, նախագահի տեղակալը և քարտուղարը վիճակահանության չեն մասնակցում: Նրանք կարող են փոխարինել հանձնաժողովի մյուս անդամներին՝ նրանց ժամանակավոր բացակայության ընթացքում:
|
ԼՂՀ կենտրոնական ընտրական
հանձնաժողովի քարտուղար՝ |
Ռ. Նազարյան |