ք.Ստեփանակերտ

ԼՂՀ անշարժ գույքի կադաստրի պետական կոմիտեի նախագահի 2002 թվականի հունիսի 13-ի թիվ 31-01/01 և 2003 թվականի մարտի 17-ի թիվ 58-Կ հրամաններում փոփոխություն և լրացումներ կատարելու մասին

Հիմք ընդունելով «Ինքնակամ կառուցված շենքերի, շինությունների և ինքնակամ զբաղեցված հողամասերի իրավական կարգավիճակի մասին» ԼՂՀ օրենքի 8-րդ հոդվածի 1-ին կետի պահանջները

1. ԼՂՀ անշարժ գույքի կադաստրի պետական կոմիտեի նախագահի 2002 թվականի հունիսի 13-ի թիվ 31-01/01 հրամանով հաստատված «ԼՂՀ անշարժ գույքի կադաստրի պետական կոմիտեի տարածքային ստորաբաժանումներում գործավարության կազմակերպման հրահանգ»-ի մեջ կատարել հետևյալ փոփոխությունը և լրացումը.

հրահանգի 13-րդ կետում «երկու» բառը փոխարինել «երեք» բառով և կետը լրացնել հետևյալ բովանդակությամբ.

«- ինքնակամ կառուցված շենքերի, շինությունների և ինքնակամ զբաղեցված հողամասերի նկատմամբ իրավունքների ճանաչման նպատակով դիմումների հաշվառման մատյան /ձև 4/»:

2. ԼՂՀ անշարժ գույքի կադաստրի պետական կոմիտեի նախագահի 2003 թվականի մարտի 17-ի թիվ 58-Կ հրամանով հաստատված «Ինքնակամ կառույց շենքների, շինությունների, ինքնակամ հողամասերի դասակարգման կարգ»-ի 4-րդ կետից հետո լրացնել հետևյալ բովանդակությամբ 4.1. կետով.

«4.1. Ինքնակամ կառուցված շենքերի, շինությունների, ինքնակամ զբաղեցված հողամասերի հաշվառման մատյանի «Ծանոթություն» սյունակում լրացվում է տվյալ անշարժ գույքի օրինականացման կամ օրինականացումը մերժելու վերաբերյալ իրավասու մարմնի որոշման համարը, թվագրումը»:

2. Հրամանը սահմանված կարգով ներկայացնել ԼՂՀ արդարադատության նախարարություն գրանցման:

3. Սույն հրամանի կատարման հսկողությունը դնել կոմիտեի աշխատակազմի ղեկավար Բ. Հարությունյանի վրա:

Ընդամենը գանձվող գումարի չափը էջում