ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
ք.Ստեփանակերտ
Պայթեցման աշխատանքների կատարման լիցենզավորման կարգը և լիցենզիայի ձևը հաստատելու մասին
,,Լիցենզավորման մասին,, ԼՂՀ օրենքի 10-րդ հոդվածի 3-րդ կետին և 17-րդ հոդվածի 2-րդ կետին համապատասխան` Լեռնային Ղարաբաղի Հանրապետության կառավարությունը որոշում է.
Հ ա ս տ ա տ ե լ`
ա/ պայթեցման աշխատանքների կատարման լիցենզավորման կարգը /կցվում է/:
բ/ պայթեցման աշխատանքների կատարման լիցենզիայի ձևը (կցվում է):
|
ԼՂՀ վարչապետ |
Ա. Դանիելյան |
| |
Հաստատված է`
ԼՂՀ կառավարության
«11» մարտի 2003թ.
թիվ 43 որոշմամբ |
Կ Ա Ր Գ
Պայթեցման աշխատանքների կատարման լիցենզավորման
I. Ընդհանուր դրույթներ.
1. Սույն կարգով սահմանվում է Լեռնային Ղարաբաղի Հանրապետությունում պայթեցման աշխատանքների կատարման լիցենզավորման կարգը` համաձայն ,,Լիցենզավորման մասին,, Լեռնային Ղարաբաղի Հանրապետության օրենքի պահանջների:
2. Լեռնային Ղարաբաղի Հանրապետության տարածքում պայթեցման աշխատանքների կատարման լիցենզավորումն իրականացվում է ,,Լիցենզավորման մասին,, Լեռնային Ղարաբաղի Հանրապետության օրենքի համաձայն:
3. Պայթեցման աշխատանքների կատարման լիցենզավորումն իրականացնում է Լեռնային Ղարաբաղի Հանրապետության տարածքային կառավարման և ենթակառուցվածքների զարգացման նախարարությունը /այսուհետ` լիցենզավորող մարմին/:
(3-րդ կետը փոփ. 27.04.2007 N 159)
4. Պայթեցման աշխատանքների կատարման լիցենզավորումն իրականացվում է ,,Լիցենզավորման մասին,, Լեռնային Ղարաբաղի Հանրապետության օրենքով սահմանված բարդ ընթացակարգերով տրվող լիցենզիաների պահանջներին համապատասխան:
5. Լեռնային Ղարաբաղի Հանրապետության տարածքում պայթեցման աշխատանքների կատարման համար լիցենզավորման ենթակա գործունեության տեսակներով զբաղվելու իրավունք ունեցող սուբյեկտ են համարվում իրավաբանական անձինք և անհատ ձեռնարկատերերը:
6. Լիցենզավորող մարմինը լիցենզիա տալու, լիցենզիայի գործողությունը կասեցնելու կամ դադարեցնելու մասին եզրակացություններ տալու նպատակով ստեղծում է լիցենզավորող հանձնաժողով:
7. Լիցենզիա տալու համար գանձվում է պետական տուրք` ,,Պետական տուրքի մասին,, ԼՂՀ օրենքով սահմանված կարգով և չափով:
8. Լիցենզիան տրվում է սույն կարգով նախատեսված բոլոր փաստաթղթերը ներկայացնելուց հետո` 30 օրվա ընթացքում:
9. Լիցենզիա տալու համար կատարվում է պայթեցման աշխատանքների կատարմամբ զբաղվող մասնագետների մասնագիտական որակավորման ստուգում` օրենքով սահմանված կարգով:
(9-րդ կետը փոփ. 27.04.2007 N 159)
I I. Լիցենզիա ստանալու համար պարտադիր պահանջները և անհրաժեշտ փաստաթղթերը
10. Լիցենզիա ստանալու ցանկություն ունեցող հայտատուն հասարակական անվտանգության ապահովման նպատակով և Լեռնային Ղարաբաղի Հանրապետությունում գործող կանոնների պահանջների համաձայն պարտադիր պետք է ունենա`
ա/ սեփականության կամ օգտագործման իրավունքով պահեստներ` պայթուցիկ նյութերը կամ պայթեցման սարքավորումները պահելու համար.
բ/ սեփականության կամ օգտագործման իրավունքով փոխադրամիջոցներ` պայթուցիկ նյութերը կամ պայթեցման սարքավորումները փոխադրելու համար.
գ/ պայթեցման աշխատանքների կատարմամբ զբաղվող, մասնագիտական որակավորում անցած մասնագետներ:
11. Պայթեցման աշխատանքների կատարման լիցենզիա ստանալու համար հայտատուն ներկայացնում է`
ա/ հայտ լիցենզիա ստանալու մասին (N 1 ձևը կցվում է) նշելով`
● իրավաբանական անձի համար` իրավաբանական անձի անվանումը և կազմակերպական – իրավական ձևը, գտնվելու և գործունեության իրականացման վայրերը, իսկ անհատ ձեռնարկատիրոջ համար` անունը, ազգանունը, բնակության և գործունեության իրականացման վայրերը,
● լիցենզավորման ենթակա գործունեության տեսակը, որը հայտատուն մտադիր է իրականացնել.
բ/ տեղեկություններ հայտատուի տրամադրության տակ գտնվող պայթուցիկ նյութերը և /կամ/ պայթեցման սարքավորումները պահելու պահեստների մասին (N 2 ձևը կցվում է).
գ/ տեղեկություններ հայտատուի տրամադրության տակ գտնվող պայթուցիկ նյութերի և /կամ/ պայթեցման սարքավորումների փոխադրման համար նախատեսված փոխադրամիջոցների մասին (N 3 ձևը կցվում է).
դ/ տեղեկություններ պայթեցման աշխատանքների կատարմամբ զբաղվող մասնագետների մասին (N 4 ձևը կցվում է).
ե/ պայթեցման աշխատանքների կատարմամբ զբաղվող մասնագետների մասնագիտական որակավորում անցնելու մասին տրված փաստաթղթի պատճենը.
զ/ իրավաբանական անձի համար կանոնադրության և պետական գրանցման վկայականի պատճենները, իսկ անհատ ձեռնարկատիրոջ համար` պետական գրանցման վկայականի պատճենը,
է/ ,,Պետական տուրքի մասին,, Լեռնային Ղարաբաղի Հանրապետության օրենքին համապատասխան վճարված պետական տուրքի վճարման անդորրագիրը,
ը/ իրավաբանական անձանց համար` հարկ վճարողի հաշվառման համարի, անհատ ձեռնարկատիրոջ համար` հարկ վճարողի հաշվառման համարի կամ սոցիալական քարտի համարի մասին տեղեկություններ:
(11-րդ կետը լրաց. 27.04.2007 N 159)
III. Լիցենզիա ստանալու մասին հայտի մերժումը, գործողության կասեցումը և դադարեցումը
12. Լիցենզիա ստանալու մասին հայտը մերժվում է, եթե`
ա/ դիմողի ներկայացրած փաստաթղթերը թերի, ակնհայտ կեղծ կամ խեղաթյուրված են.
բ/ ներկայացված փաստաթղթերը չեն համապատասխանում ԼՂՀ օրենսդրության, այլ իրավական ակտերի պահանջներին.
գ/ իրավաբանական անձն օրենքի կամ իր կանոնադրության համաձայն իրավունք չունի զբաղվելու հայցվող լիցենզավորման ենթակա գործունեության տեսակով.
դ/ անհատ ձեռնարկատերն օրենքի համաձայն իրավունք չունի զբաղվելու հայցվող լիցենզավորման ենթակա գործունեության տեսակով.
ե/ ֆիզիկական անձն իրավունք չունի զբաղվելու հայցվող լիցենզավորման ենթակա գործունեության տեսակով:
13. Լիցենզիայի գործողությունը կարող է կասեցվել կամ դադարեցվել օրենքով սահմանված կարգով:
14. Լիցենզիա ստանալու մասին հայտերի մերժման, լիցենզիայի գործողության կասեցման կամ լիցենզիայի վերաձևակերպման մասին հայտերի մերժման վերաբերյալ որոշումները կարող են բողոքարկվել դատական կամ վերադասության կարգով:
Վերադասության կարգով բողոքարկման ընթացակարգը և ժամկետները սահմանվում են ,,Լիցենզավորման մասին,, Լեռնային Ղարաբաղի Հանրապետության օրենքով:
IV. Հսկողության իրականացումը և հաշվետվությունը
15. Պայթեցման աշխատանքների կատարման համար պարտադիր պահանջների կատարման նկատմամբ հսկողությունն իրականացվում է օրենքով սահմանված կարգով:
16. Պայթեցման աշխատանքների կատարմամբ զբաղվող իրավաբանական անձինք և անհատ ձեռնարկատերերը լիցենզավորող մարմնին ներկայացնում են հաշվետվություն օրենքով սահմանված կարգով:
Ձև N 1
ԼՂՀ տարածքային կառավարման և
ենթակառուցվածքների զարգացման նախարար
_______________________
պրն ____________________________________
____________________________________
/հայտատուի անվանումը /անունը, ազգանունը/ և
____________________________________
կազմակերպական – իրավական ձևը/
____________________________________
/գտնվելու և գործունեության իրականացման
վայրը, հասցեն/
______________________
/հեռախոսահամարը/
Հ Ա Յ Տ
Լիցենզիա ստանալու մասին
Խնդրում եմ տալ լիցենզիա_____________________________________________________________
/գործունեության տեսակի անվանումը/
___________________________________________________________________________________
Լիցենզավորման պայմաններին ու պահանջներին ծանոթացել եմ և պարտավորվում եմ պահպանել դրանք:
Կից ներկայացնում եմ հետևյալ փաստաթղթերը`
1. _________________________________________________________________________________
2.__________________________________________________________________________________
3.__________________________________________________________________________________
4.__________________________________________________________________________________
5.__________________________________________________________________________________
____________________________________________________________________________________
____________________________________________________________________________________
____________________________________________________________________________________
Հայտատու_______________________ _________________________________
/ստորագրությունը/ /անունը, ազգանունը/
--------- --------------------------------------------200 թ.
Կ.Տ.
(Ձև N 1-ը փոփ. 27.04.2007 N 159)
Ձև N 2
Տ Ե Ղ Ե Կ ՈՒ Թ Յ ՈՒ Ն Ն Ե Ր
Հայտատուի տրամադրության տակ գտնվող պայթուցիկ նյութերը և /կամ/ պայթեցման սարքավորումները պահելու պահեստների մասին
|
N N ը/կ |
Պահեստի անվանումը և տեսակը
|
Պահեստի տարողությունը |
Պահեստի գտնվելու վայրը |
Ծանոթագրու- թյուն |
|
1 |
2 |
3 |
4 |
5 |
|
|
|
|
|
|
Հայտատու__________________________ ________________________________
/ստորագրությունը/ /անունը, ազգանունը/
Կ. Տ.
Ձև N 3
Տ Ե Ղ Ե Կ ՈՒ Թ Յ ՈՒ Ն Ն Ե Ր
Հայտատուի տրամադրության տակ գտնվող պայթուցիկ նյութերի և /կամ/ պայթեցման սարքավորումների փոխադրման համար նախատեսված փոխադրամիջոցների մասին
|
N N
|
Փոխադրամիջոցի անվանումը
և տեսակը |
Փոխադրամիջոցի
տարողությունը |
Ծանոթագրություն |
|
1 |
2 |
3 |
4 |
|
|
|
|
|
Հայտատու__________________________ ________________________________
/ստորագրությունը/ /անուն, ազգանուն/
Կ. Տ.
Ձև N 4
Տ Ե Ղ Ե Կ ՈՒ Թ Յ ՈՒ Ն Ն Ե Ր
Պայթեցման աշխատանքների կատարմամբ զբաղվող մասնագետների մասին
|
N N |
Անունը, ազգանունը |
Զբաղեցրած պաշտոնը |
Կրթությունը, մասնագիտությունը |
Տվյալ բնա -
գավառում աշխատանքի
ստաժը |
Ծանոթագրու- թյուն |
|
1 |
2 |
3 |
4 |
5 |
6 |
|
|
|
|
|
|
|
Հայտատու__________________________ ________________________________
/ստորագրությունը/ /անունը, ազգանունը/
| |
Հաստատված է
ԼՂՀ կառավարության
2003թ. մարտի 11-ի
թիվ 43 որոշմամբ |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ
Լ Ի Ց Ե Ն Զ Ի Ա
ՊԱՅԹԵՑՄԱՆ ԱՇԽԱՏԱՆՔՆԵՐԻ ԿԱՏԱՐԱՄԱՆ
ՊԱ N -----
Իրավաբանական անձի անվանումը կամ անհատ
ձեռնարկատիրոջ անունը, ազգանունը ______________________________________________________
Գտնվելու կամ բնակության վայրը /հասցեն/ __________________________________________________
Գործողության ժամկետը` անժամկետ
Նախարար ____________________________ _________________________
/ստորագրությունը/ /անունը, ազգանունը/
Տրված է „------„------------------200 թ.
Կ. Տ.
(Ձև N 4-ը փոփ. 27.04.2007 N 159)