ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

«06» մայիսի 2008թ.

N 322

 ք.Ստեփանակերտ

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆՈՒՄ ՄԱՐԴԱՏԱՐ-ՏԱՔՍԻ ԱՎՏՈՄՈԲԻԼՆԵՐՈՎ ՈՒՂԵՎՈՐԱՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ ԼԻՑԵՆԶԱՎՈՐՄԱՆ ԿԱՐԳԸ ԵՎ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ

 

«Լիցենզավորման մասին» Լեռնային Ղարաբաղի Հանրապետության օրենքի 10-րդ հոդվածի 3-րդ, 17-րդ հոդվածի 2-րդ և 43-րդ հոդվածի 2-րդ մասերին համապատասխան` Լեռնային Ղարաբաղի Հանրապետության կառավարությունը որոշում է.

1. Հաստատել Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումների կազմակերպման լիցենզավորման կարգը` համաձայն թիվ 1 հավելվածի:

2. Հաստատել Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումների կազմակերպման լիցենզիայի ձևը` համաձայն թիվ 2 հավելվածի:

3. Սույն որոշումն ուժի մեջ է մտնում 2009 թվականի հունվարի 1-ից:

 

 

ԼՂՀ ՎԱՐՉԱՊԵՏ

Ա. ՀԱՐՈՒԹՅՈՒՆՅԱՆ

 

 

Հավելված 1 ԼՂՀ կառավարության  «06» մայիսի 2008թ.  թիվ 322 որոշման

 

Կ Ա Ր Գ

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆՈՒՄ ՄԱՐԴԱՏԱՐ-ՏԱՔՍԻ ԱՎՏՈՄՈԲԻԼՆԵՐՈՎ ՈՒՂԵՎՈՐԱՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ ԼԻՑԵՆԶԱՎՈՐՄԱՆ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգով սահմանվում են Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումների կազմակերպման լիցենզավորման պայմանները և կարգավորվում են դրա հետ կապված հարաբերությունները:

2. Սույն կարգի գործողությունը տարածվում է Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումներ իրականացնող բոլոր կազմակերպությունների (անկախ կազմակերպական-իրավական ձևից) և անհատ ձեռնարկատերերի (այսուհետ` կազմակերպություն) վրա:

3. Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումներ կարող են իրականացնել Լեռնային Ղարաբաղի Հանրապետությունում օրենքով սահմանված կարգով գրանցված, մարդատար-տաքսի ավտոմոբիլներով ուղևորափոխադրումների կազմակերպման լիցենզիա ունեցող կազմակերպությունները` Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության ճանապարհային ոստիկանությունում (այսուհետ` ոստիկանություն) հաշվառված սեփականության կամ Լեռնային Ղարաբաղի Հանրապետության օրենսդրությամբ սահմանված կարգով օգտագործման իրավունքով ձեռք բերված թեթև մարդատար ավտոմոբիլներով:

Մարդատար-տաքսի ավտոմեքենաներով ուղևորափոխադրումներ իրականացնող կազմակերպություններին, որոնք գործում էին մինչև սույն կարգի ուժի մեջ մտնելը, թույլատրվում է շարունակել գործունեությունը` մինչև համապատասխան լիցենզիա ստանալը` մինչև 2009 թվականի մարտի 15-ը:

(3-րդ կետը լրաց. 27.12.2008 N 967)

4. Սույն կարգում օգտագործված հասկացությունները սահմանված են Լեռնային Ղարաբաղի Հանրապետության օրենքներով և այլ իրավական ակտերով:

5. Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումների կազմակերպման լիցենզավորումն իրականացնում է տրանսպորտային համակարգի պետական լիազորված մարմինը (այսուհետ` լիազոր մարմին)` «Լիցենզավորման մասին» Լեռնային Ղարաբաղի Հանրապետության օրենքի և սույն կարգի պահանջներին համապատասխան:

6. Լիցենզավորող հանձնաժողովն ուսումնասիրում է ներկայացված փաստաթղթերի փաթեթը, որոշում դրանց համապատասխանությունը սույն կարգի պահանջներին և արդյունքների հիման վրա եզրակացություն ներկայացնում լիազոր մարմնի ղեկավարին:

 

II. ԼԻՑԵՆԶԻԱՅԻ ԵՎ ԼԻՑԵՆԶԻԱՅԻ ՆԵՐԴԻՐՆԵՐԻ ՀԱՏԿԱՑՄԱՆ ԿԱՐԳԸ

 

7. Մարդատար-տաքսի ավտոմոբիլներով ուղևորափոխադրումների կազմակերպման լիցենզիա ստանալու համար կազմակերպությունը լիազոր մարմին է ներկայացնում հայտով (N1 ձև) պահանջվող փաստաթղթերը:

8. Կազմակերպությունների կողմից ներկայացվում են բոլոր փաստաթղթերի պատճենները:

9. Հայտով պահանջվող բոլոր փաստաթղթերը (բացառությամբ մասնագետների աշխատանքային գրքույկների և դիպլոմների պատճենների, ավտոտրանսպորտային միջոցների փաստաթղթերի, վարորդական վկայականների, որոնք տրամադրվել են խորհրդային ժամանակաշրջանում կամ հետխորհրդային ժամանակաշրջանում` Լեռնային Ղարաբաղի Հանրապետության պետական մարմինների կողմից և կարող են կազմված լինել ռուսաց լեզվով) պետք է լինեն հայերենով:

10. Մարդատար-տաքսի ավտոմոբիլներով ուղևորափոխադրումներում ընդգրկված ավտոմոբիլների համար հատկացվում է լիցենզիայի ներդիր (այսուհետ` ներդիր):

11. Ներդիր ստանալու համար կազմակերպությունը լիազոր մարմին է ներկայացնում`

1) հայտ (N 2 ձև),

2) կազմակերպության լիցենզիայի պատճենը,

3) մարդատար-տաքսի ավտոմոբիլներով ուղևորափոխադրումներում ներգրավվող ավտոմոբիլների ցանկը (N 3 ձև),

4) մարդատար-տաքսի ավտոմոբիլներով ուղևորափոխադրումներում ներգրավվող ավտոմոբիլների և ավտովարորդների համար պահանջվող փաստաթղթերը (N 4 ձև):

12. Ներդիրների հատկացման պարտադիր պայման է սեփականության կամ օգտագործման իրավունքով կազմակերպությանը պատկանող հավաքակայանի անհրաժեշտ պայմանները բավարարող տարածք, բացառությամբ 1-3 մարդատար-տաքսի ավտոմոբիլ ունեցող կազմակերպությունների, որտեղ հավաքակայանին ներկայացվող անհրաժեշտ պայմանները կարող են ապահովվել պայմանագրային հիմունքներով (բացառությամբ անհատ ձեռնարկատերերի կողմից մարդատար-տաքսի մեկ ավտոմոբիլով ուղևորափոխադրումների կազմակերպման դեպքից, որոնց ավտոմոբիլների կայանման ապահովման պարտականությունները կարող են դրվել դրանց վարորդների վրա): Հավաքակայանի անհրաժեշտ պայմաններն են`

1) ավտոմոբիլների կայանատեղի նվազագույն մակերեսը` մեկ ավտոմոբիլի համար 20մ² հաշվարկով.

2) ավտոմոբիլների` գիծ դուրս գալուց առաջ տեխնիկական վիճակի վերահսկման կետի (դիտափոս կամ էստակադա) առկայությունը.

3) վարորդների ամենօրյա բուժզննման կետի առկայությունը:

(12-րդ կետը փոփ., լրաց. 26.01.2010 N 34-Ն)

13. Լիցենզավորող հանձնաժողովի տեղեկանքի հիման վրա (N 5 ձև) ոստիկանության կողմից լիցենզավորող հանձնաժողովին տրամադրվում է տեղեկանք (N 6 ձև) ավտոմոբիլին հատկացվելիք դեղին հիմնագույնի համարանիշի մասին` ներդիրում (N 7 ձև) նշելու համար:

13.1. Լիցենզավորված կազմակերպությունը ներդիրի ստացման պահից 5 աշխատանքային օրվա ընթացքում դիմում է ոստիկանության համապատասխան ստորաբաժանում, սահմանված կարգով ստանում է ավտոմոբիլի դեղին հիմնագույնի համարանիշ:

(13.1-ին կետը լրաց. 26.01.2010 N 34-Ն)

14. Դեղին հիմնագույնի համարանիշը հատկացվում է ներդիրի առկայության դեպքում:

Սահմանված ժամկետում ներդիրը ոստիկանության համապատասխան ստորաբաժանում չներկայացնելու դեպքում տվյալ ներդիրը համարվում է անվավեր:

(14-րդ կետը լրաց. 26.01.2010 N 34-Ն)

15. Ներդիրի գործողության ժամկետը սահմանվում է սույն կարգի 22-րդ կետով սահմանված ավտոմոբիլների տարիքին համապատասխան:

(15-րդ կետը խմբ. 26.01.2010 N 34-Ն)

16. Ներդիրն ուժի մեջ է սահմանված գործողության ժամկետում, եթե դրա և (կամ) համապատասխան լիցենզիայի գործողությունը չի դադարեցվել (կասեցվել), ինչպես նաև օրենքով սահմանված այլ դեպքերում:

17. Լիցենզավորող հանձնաժողովը հայտն ստանալուց հետո 15 աշխատանքային օրվա ընթացքում ուսումնասիրում է ներկայացված փաստաթղթերը և ավտոմոբիլների համապատասխանությունը սույն կարգի պահանջներին (համապատասխանության թերթիկ` N 8 ձև):

18. Պարտադիր պայմաններից որևէ մեկի բացակայության կամ անհամապատասխանության դեպքում ավտոմոբիլի համար ներդիր չի հատկացվում:

19. Լիցենզիա և ներդիր (ներդիրներ) միաժամանակ ստանալու համար կազմակերպությունը ներկայացնում է սույն կարգով պահանջվող բոլոր փաստաթղթերը:

20. Արգելվում է ներդիրների փոխանցումն այլ մարդատար-տաքսի ավտոմոբիլների:

20.1. Մարդատար տաքսի-ավտոմոբիլի սեփականատիրոջ փոփոխության, ինչպես նաև տվյալ ավտոմոբիլով ուղևորափոխադրումներ այլևս չիրականացնելու կամ լիցենզիայի ներդիրի ժամկետը լրանալու կապակցությամբ կազմակերպությունը դիմում է լիցենզավորող մարմին` ներկայացնելով փոփոխության հիմքերը և ավտոմոբիլին հատկացված լիցենզիայի ներդիրի բնօրինակը: Լիցենզավորող հանձնաժողովը 5 աշխատանքային օրվա ընթացքում կազմակերպությանը տրամադրում է տեղեկանք` համաձայն NN 9 և 10 ձևերի, 5 աշխատանքային օրվա ընթացքում դեղին հիմնագույնի համարանիշը ճանապարհային ոստիկանությանը հանձնելու համար:

(20.1-ին կետը լրաց. 26.01.2010 N 34-Ն)

20.2. Լիցենզավորված կազմակերպության ավտոմոբիլի փոխարինումը և ներդիրի հատկացումն իրականացվում է սույն կարգի պահանջներին համապատասխան` տրամադրելով տեղեկանք` համաձայն N 11 ձևի:

(20.2-րդ կետը լրաց. 26.01.2010 N 34-Ն)

20.3. Լիցենզավորված կազմակերպության կողմից ճանապարհային ոստիկանության համապատասխան ստորաբաժանմանը հանձնված դեղին հիմնագույնի համարանիշերը (եթե դրանք պիտանի են օգտագործման համար) հանձնելու պահից 2 ամսվա ընթացքում ավտոմոբիլի փոխարինման կամ համալրման դեպքում տվյալ կազմակերպությանը հատկացվում են անվճար:

(20.3-րդ կետը լրաց. 26.01.2010 N 34-Ն)

20.4. Ավտոմոբիլով ուղևորափոխադրումներ այլևս չիրականացնելու դեպքում դեղին հիմնագույնի համարանիշերը հանձնելու և հիմնական համարանիշերն ստանալու համար ավտոմոբիլը ներկայացնելը ճանապարհային ոստիկանության համապատասխան ստորաբաժանում չի պահանջվում:

(20.4-րդ կետը լրաց. 26.01.2010 N 34-Ն)

 

III. ՏԱՔՍԱՄՈՏՈՐԱՅԻՆ ՓՈԽԱԴՐՈՒՄՆԵՐՈՒՄ ՆԵՐԳՐԱՎՎՈՂ ԱՎՏՈՄՈԲԻԼՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ

 

21. Մարդատար-տաքսի ավտոմոբիլներով ուղևորափոխադրումներում ներգրավվող ավտոմոբիլները պետք է համապատասխանեն անվտանգության, աշխատանքի և շրջակա միջավայրի պահպանության ու տեխնիկական կանոնակարգերի պահանջներին:

22. (22-րդ կետը խմբ. 27.12.2008 N 967, խմբ. 29.12.2011 N 1039-Ն, լրաց. 20.03.2012 N 134-Ն, ուժը կորցրել է 04.03.2014 N 114-Ն)

23. Մարդատար-տաքսի ավտոմոբիլը պետք է ունենա`

1) ուղեսրահում` ուղևորին տեսանելի մասում տեղադրված տաքսամետր (սակաչափիչ).

2) թափքի կողերում շախմատաձև տարբերանշմամբ գծանշում.

3) ուղեսրահում զբաղված լինելը (չլինելը) արտահայտող լուսացուցիչ, իսկ տանիքին` հուսալի ամրացված, «ՏԱՔՍԻ» գրառմամբ դեղին գույնի տարբերանշան.

4) տաքսի-ծառայություն մատուցող կազմակերպության և տվյալ ավտոմոբիլի վարորդի մասին տեղեկատվություն:

 

IV. ԼԻՑԵՆԶԻԱՅԻ ՎԵՐԱՁԵՎԱԿԵՐՊՈՒՄԸ, ԳՈՐԾՈՂՈՒԹՅԱՆ ԿԱՍԵՑՈՒՄԸ, ԴԱԴԱՐԵՑՈՒՄԸ ԵՎ ԿՐԿՆOՐԻՆԱԿԻ ՏՐԱՄԱԴՐՈՒՄԸ

 

24. Լիցենզիան վերաձևակերպվում է, գործողությունը կասեցվում, դադարեցվում է և կրկնօրինակը տրամադրվում է օրենքով սահմանված կարգով:

 

V. ԱՆՑՈՒՄԱՅԻՆ ԴՐՈՒՅԹՆԵՐ

(գլուխը լրաց. 21.04.2009 N 232-Ն)

 

25. Սույն կարգի 22-րդ կետի պահանջները մարդատար-տաքսի ավտոմոբիլների վրա տարածվում են 2010 թվականի հունվարի 1-ից:

(25-րդ կետը լրաց. 21.04.2009 N 232-Ն)

 

 

ԼՂՀ կառավարության աշխատակազմի              ղեկավար-նախարար

Ս.Գրիգորյան

 

 

Ձև N 1

 

Լեռնային Ղարաբաղի Հանրապետության արտադրական ենթակառուցվածքների նախարարություն

(վերնագիրը փոփ. 27.12.2008 N 967, փոփ. 26.04.2011 N 241-Ն)

 

Հ Ա Յ Տ

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆՈՒՄ ՄԱՐԴԱՏԱՐ-ՏԱՔՍԻ

ԱՎՏՈՄՈԲԻԼՆԵՐՈՎ ՈՒՂԵՎՈՐԱՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ

ԼԻՑԵՆԶԻԱՅԻ ՍՏԱՑՄԱՆ ՄԱՍԻՆ

Հայտատու _____________________________________________________________________

                  ^{(կազմակերպության անվանումը կամ անհատ ձեռնարկատիրոջ անունը, հայրանունը, ազգանունը)}

Գտնվելու վայրը _________________________________________________________________

                                ^{(կազմակերպության գտնվելու վայրը կամ անհատ ձեռնարկատիրոջ բնակության վայրը)}

Փոխադրումների կազմակերպման վայրը ___________________________________

Խնդրում եմ տրամադրել լիցենզիա` մարդատար-տաքսի ավտոմոբիլներով փոխադրումներ իրականացնելու համար:

Կից ներկայացվող փաստաթղթերն են`

1) պետական գրանցման վկայականի պատճենը (բոլոր ներդիրներով)` _______ էջ,

2) կանոնադրության պատճենը (իրավաբանական անձինք)` _______ էջ,

3) հարկ վճարողի հաշվառման համարի (ՀՎՀՀ) պատճենը` _______ էջ,

4) սոցիալական ապահովության քարտի պատճենը կամ սոցիալական ապահովության քարտ չունենալու մասին տեղեկանք (անհատ ձեռնարկատերերը)` _______ էջ,

5) պետական տուրքի անդորրագիրը:

 

Հայտնում եմ, որ ներկայացված փաստաթղթերում առկա տվյալներն ամբողջական են և հավաստի:

 

Հայտատու ______________________________________________________________

                                                                         ^{(պաշտոնը)}

_____________________________________	____________________________________
(անունը, ազգանունը)	(ստորագրությունը)
Կ.Տ. _____ _____________ 200 թ.

 

 

Ձև N 2

 

Լեռնային Ղարաբաղի Հանրապետության արտադրական ենթակառուցվածքների նախարարություն

(վերնագիրը փոփ. 27.12.2008 N 967, փոփ. 26.04.2011 N 241-Ն)

 

Հ Ա Յ Տ

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆՈՒՄ ՄԱՐԴԱՏԱՐ-ՏԱՔՍԻ ԱՎՏՈՄՈԲԻԼՆԵՐՈՎ ՈՒՂԵՎՈՐԱՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԵՐԴԻՐԻ (ՆԵՐԴԻՐՆԵՐԻ) ՍՏԱՑՄԱՆ ՄԱՍԻՆ

 

Խնդրում եմ տրամադրել _______________ լիցենզիայի ներդիր (ներդիրներ)` կից ցանկով ներկայացված ավտոմոբիլների համար` Լեռնային Ղարաբաղի Հանրապետությունում մարդատար-տաքսի ավտոմոբիլներով փոխադրումներ իրականացնելու համար:

Հայտատու ____________________________________________________________________

                            ^{(կազմակերպության գտնվելու վայրը կամ անհատ ձեռնարկատիրոջ բնակության վայրը)}

______________________________________________________________________________

 

Լրացուցիչ տեղեկություններ ______________________________________________________

 

______________________________________________________________________________

 

Նախապես ծանոթացել եմ տրանսպորտի ոլորտին առնչվող ԼՂՀ օրենքների և այլ իրավական ակտերի պահանջներին ու պարտավորվում եմ ապահովել դրանց կատարումը:

Կից ներկայացնում եմ գործող կարգի պահանջներով նախատեսված անհրաժեշտ փաստաթղթերը, որոնց իսկությունը հավաստում եմ:

 

Հայտատու _________________________	_____________________________
(ստորագրությունը)	(անունը, ազգանունը)
Կ.Տ. _____ _____________ 200 թ.

 

 

Ձև N 3

 

Ց Ա Ն Կ

__________________________________________________________________________ ի

     ^{(կազմակերպության անվանումը կամ անհատ ձեռնարկատիրոջ անունը, հայրանունը, ազգանունը)}

 

ԿՈՂՄԻՑ ՆԵՐԿԱՅԱՑՎԱԾ ԱՎՏՈՄՈԲԻԼՆԵՐԻ

 

NN ը/կ	Ավտոմոբիլի
	վարորդի (վարորդների) անունը, ազգանունը	մակնիշը	հաշվառման համարանիշը	դեղին հիմնագույնի համարանիշը	թողարկման տարեթիվը	ինչ իրավունքով է պատկանում կազմակերպությանը (սեփականության, վարձակալման)	համապատասխա-նությունը կարգի պահանջներին
1	2	3	4	5*	6	7	8
1
2

 

Լրացվում է միայն լիցենզիայի ներդիրի փոխարինման ժամանակ:

 

Հայտատու _________________________	_____________________________
(ստորագրությունը)	(անունը, ազգանունը)
Կ.Տ. _____ _____________ 200 թ.

 

 

Ձև N 4

 

Ց Ա Ն Կ

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆՈՒՄ ՄԱՐԴԱՏԱՐ-ՏԱՔՍԻ ԱՎՏՈՄՈԲԻԼՆԵՐՈՎ ՈՒՂԵՎՈՐԱՓՈԽԱԴՐՈՒՄՆԵՐԻ ԿԱԶՄԱԿԵՐՊՄԱՆ ԼԻՑԵՆԶԻԱՅԻ ՆԵՐԴԻՐԻ (ՆԵՐԴԻՐՆԵՐԻ) ՍՏԱՑՄԱՆ ՀԱՄԱՐ ՊԱՀԱՆՋՎՈՂ ՓԱՍՏԱԹՂԹԵՐԻ

 

1. Հայտ:

2. Լիցենզիա:

3. Ավտոմոբիլին ամրակցված ավտովարորդի վկայական, պարտադիր բժշկական հավատարմագրման տեղեկանք և ավտոմոբիլների տեխնիկական անձնագիր (գրանցման վկայագիր), վարորդի աշխատանքային ստաժը հաստատող փաստաթուղթ, 3x4 լուսանկար:

(3-րդ կետը լրաց. 27.12.2008 N 967)

4. Ավտոմոբիլի վարձակալման դեպքում` վարձակալության պայմանագիր:

5. Ավտոմոբիլն այլ տեսակի վառելիքով շահագործման համար վերասարքավորելու (կահավորելու) դեպքում` օրինականությունը հաստատող փաստաթուղթ:

6. (կետը հանվել է 21.04.2009 N 232-Ն)

7. Կազմակերպության կամ անհատ ձեռնարկատիրոջ շարժական կազմի հավաքակայանի անհրաժեշտ պայմանները բավարարող տարածքի սեփականության (օգտագործման) իրավունքի պետական գրանցման վկայական, իսկ 1-3 ավտոմոբիլ ունեցող կազմակերպության կամ անհատ ձեռնարկատիրոջ համար` հավաքակայանին ներկայացվող անհրաժեշտ պայմանների ապահովման պայմանագիր, բացառությամբ մեկ մարդատար-տաքսի ավտոմոբիլով ուղևորափոխադրումներ իրականացնող անհատ ձեռնարկատերերի, որոնք ներկայացնում են ավտոմոբիլի տեխնիկական և ավտովարորդի առողջական վիճակի ամենօրյա նախաուղերթային զննման աշխատանքների ապահովումը հավաստող փաստաթղթեր:

(7-րդ կետը լրաց. 26.01.2010 N 34-Ն)

 

 

Ձև N 5

Տ Ե Ղ Ե Կ Ա Ն Ք N _____

 

_____ ____________ 20__ Թ. ԼԻՑԵՆԶԱՎՈՐՄԱՆ ՊԱՐՏԱԴԻՐ ՊԱՅՄԱՆՆԵՐԻՆ ԱՎՏՈՄՈԲԻԼԻ (ԱՎՏՈՄՈԲԻԼՆԵՐԻ) ՀԱՄԱՊԱՏԱՍԽԱՆՈՒԹՅԱՆ ՄԱՍԻՆ

 

Կազմակերպության կամ (անհատ ձեռնարկատիրոջ) անվանումը ______________________________

                                                                                                             (Ազգանուն, անուն, հայրանուն)

________________________________________________________________________________

Կազմակերպության (անհատ ձեռնարկատիրոջ) գտնվելու

(բնակության) վայրը________________________________________________________________

Լիցենզավորող մարմնի համապատասխան որոշման

համարը, ամսաթիվը _______________________________________________________________

 

NN ը/կ	Ավտոմոբիլի			Ինչ հիմունքով է շահագործվում (սեփականության, վարձակալման)
	մակնիշը	հաշվառման համարանիշը	թողարկման տարեթիվը
1	2	3	4	5

 

Լիցենզավորող հանձնաժողովի նախագահ	______________	________________
	(ստորագրությունը)	(անունը, ազգանունը)

 

___ ________________________ 20 թ.

(տեղեկանքը տալու ամսաթիվը)

(Ձև N 5 խմբ. 26.01.2010 N 34-Ն)

 

 

Ձև N 6

 

Տ Ե Ղ Ե Կ Ա Ն Ք

 

ԼԻՑԵՆԶԱՎՈՐՈՂ ՄԱՐՄՆԻ ___ _________ 200 Թ. N ______ ՏԵՂԵԿԱՆՔԻ ՀԱՄԱՁԱՅՆ ___________________________ ԿԱԶՄԱԿԵՐՊՈՒԹՅԱՆ ԿԱՄ ԱՆՀԱՏ ՁԵՌՆԱՐԿԱՏԻՐՈՋ ԱՎՏՈՄՈԲԻԼԻ (ԱՎՏՈՄՈԲԻԼՆԵՐԻ) ԴԵՂԻՆ ՀԻՄՆԱԳՈՒՅՆԻ ՀԱՄԱՐԱՆԻՇԵՐԻ ՄԱՍԻՆ (ԼԻՑԵՆԶԻԱՅԻ ՆԵՐԴԻՐՈՒՄ ՆՇԵԼՈՒ ՀԱՄԱՐ)

 

NN ը/կ	Ավտոմոբիլի
	մակնիշը	հաշվառման համարանիշը	դեղին հիմնագույնի համարանիշը
1.
2.
3.

 

_______________________	__________________________
(ստորագրությունը)	(անունը, ազգանունը)

 

 

 

Կ.Տ.

 

 

Ձև N 7

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ ԱՐՏԱԴՐԱԿԱՆ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅՈՒՆ

(վերնագիրը փոփ. 26.04.2011 N 241-Ն)

 

ՏԾ N 00000 ԼԻՑԵՆԶԻԱՅԻ

ՆԵՐԴԻՐ N 00000

 

Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումների կազմակերպման

 

_______________________________________________________________________________

       ^{(նշվում է` մեկ կամ մեկից ավելի ավտոմոբիլներով ուղևորափոխադրումների կազմակերպման տեսակը)}

Կազմակերպության անվանումը կամ անհատ

ձեռնարկատիրոջ անունը, հայրանունը, ազգանունը________________________________________

_______________________________________________________________________________

                                      ^{Կազմակերպության (անհատ ձեռնարկատիրոջ) գտնվելու (բնակության) վայրը}

_______________________________________________________________________________

_______________________________________________________________________________

Ավտոմոբիլի մակնիշը______________________________________________________________

Ավտոմոբիլի հաշվառման համարանիշը________________________________________________

Դեղին հիմնագույնի համարանիշը_____________________________________________________

Ավտոմոբիլի նույնացման համարը (VIN)________________________________________________

Ներդիրը տալու ամսաթիվը__________________________________________________________

Ներդիրի գործողության ժամկետը_____________________________________________________

Լիցենզավորող հանձնաժողովի նախագահ	__________________	________________________
	(ստորագրությունը)	(անունը, ազգանունը)

(Ձև N 7 խմբ. 26.01.2010 N 34-Ն, փոփ. 26.04.2011 N 241-Ն)

 

 

Ձև N 8

 

Հ Ա Մ Ա Պ Ա Տ Ա Ս Խ Ա Ն ՈՒ Թ Յ Ա Ն  Թ Ե Ր Թ Ի Կ

 

_____ ____________ 200 թ.

 

NN ը/կ	Ավտոմոբիլը ներկայացնողի (ներկայացնող- ների) անունը, ազգանունը	Ավտոմոբիլի								Պարտադիր պայմանների առկայությունը
		մակ-նիշը	հաշվառ-ման համա-րանիշը	դեղին հիմնա-գույնի համա-րանիշը		թո-ղար-կման տա-րե-թիվը		ինչ իրավուն-քով է պատ-կանում կազմա-կերպու-թյանը		ուղեսրա-հում ուղևորին տեսանելի մասում տեղադր-ված տաքսա-մետր (սակա-չափիչ)		թափքի կողային մասում շախմա-տաձև տարբե-րանշմամբ գծանշում	ուղեսրա-հում զբաղված լինելը (չլինելը) արտահայ-տող լու-սացուցիչ	տանիքին հուսալի ամրացված "ՏԱՔՍԻ" գրառմամբ դեղին գույնի տարբերա-նշան	տաքսի-ծառա-յություն մատուցող կազմակերպության (անհատ ձեռ-նարկատիրոջ) և տվյալ ավտոմոբիլի վարորդի մասին տեղեկատվություն
1	2	3	4	5*		6		7		8		9	10	11	12
Կազմակերպության անվանումը կամ անհատ ձեռնարկատիրոջ անունը, հայրանունը, ազգանունը
1.
2.

 

Լրացվում են 8-12 սյունակները` այո (ոչ) նշմամբ:

* Լրացվում է միայն լիցենզիայի ներդիրի փոխարինման ժամանակ:

Լիցենզավորող հանձնաժողով`	____________________	___________________________
	(ստորագրությունը)	(անունը, ազգանունը)
	____________________	___________________________
	(ստորագրությունը)	(անունը, ազգանունը)
	_____________________	___________________________
	(ստորագրությունը)	(անունը, ազգանունը)
	_____________________	___________________________
	(ստորագրությունը)	(անունը, ազգանունը)
	_____________________	___________________________
	(ստորագրությունը)	(անունը, ազգանունը)

 

 

Ձև N 9

 

Տ Ե Ղ Ե Կ Ա Ն Ք N _____

 

_______________________________________________________________ կողմից մարդատար-տաքսի

              (կազմակերպության անվանումը կամ անհատ ձեռնարկատիրոջ անունը, ազգանունը)

 

ավտոմոբիլի (ավտոմոբիլների) սեփականատիրոջ փոփոխության մասին

 

N/N ը/կ	Ավտոմոբիլի (ավտոմոբիլների)
	մակնիշը	հաշվառման համարանիշը	թողարկման տարեթիվը	դեղին հիմնագույնի համարանիշը	նախկին սեփականա- տերը	նոր սեփականա- տերը
1	2	3	4	5	6	7

 

Տրվում է նշված ավտոմոբիլը Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության մարմիններում վերագրանցելու և հատկացված դեղին հիմնագույնի համարանիշը նույնը թողնելու համար:

 

Լիցենզավորող հանձնաժողովի նախագահ	_________________	________________________
	(ստորագրությունը)	(անունը, ազգանունը)
Լիցենզավորող հանձնաժողովի քարտուղար	_________________	_______________________
	(ստորագրությունը)	(անունը, ազգանունը)

 

 

 

 

 

(Ձև N 9-ը լրաց. 26.01.2010 N 34-Ն)

 

 

Ձև N 10

 

Տ Ե Ղ Ե Կ Ա Ն Ք N _____

 

_________________________________________________________կողմից մարդատար-տաքսի

(կազմակերպության անվանումը կամ անհատ ձեռնարկատիրոջ անունը, ազգանունը)

 

 

 

 

ուղևորափոխադրումներ այլևս չիրականացնելու կամ լիցենզիայի ներդիրի ժամկետը լրանալու մասին

 

NN ը/կ	Հանվող ավտոմոբիլի (ավտոմոբիլների)
	մակնիշը	հաշվառման համարանիշը	դեղին հիմնագույնի համարանիշը	թողարկման տարեթիվը
1	2	3	4	5

 

Տրվում է նշված ավտոմոբիլին հատկացված դեղին հիմնագույնի համարանիշը հանձնելու համար:

 

Լիցենզավորող հանձնաժողովի նախագահ	_________________	________________________
	(ստորագրությունը)	(անունը, ազգանունը)
Լիցենզավորող հանձնաժողովի քարտուղար	_________________	_______________________
	(ստորագրությունը)	(անունը, ազգանունը)

(Ձև N 10-ը լրաց. 26.01.2010 N 34-Ն)

 

 

Ձև N 11

 

Տ Ե Ղ Ե Կ Ա Ն Ք N _____

 

__________________________________________________________կողմից մարդատար-տաքսի

(կազմակերպության անվանումը կամ անհատ ձեռնարկատիրոջ անունը, ազգանունը)

 

դրան հատկացված լիցենզիայի ներդիրի փոխարինման մասին

 

Լիցենզավորող մարմնի ներդիրը տրամադրելու որոշման համարը, ամսաթիվը ____

 

NN ը/կ	Հանվող ավտոմոբիլի (ավտոմոբիլների)			Փոխարինվող ավտոմոբիլի (ավտոմոբիլների)			Ավտոմոբիլի (ավտոմոբիլների) դեղին հիմնագույնի համարանիշը
	մակ-նիշը	հաշվառման համարանիշը	թողարկման տարեթիվը	մակ-նիշը	հաշվառման համարանիշը	թողարկման տարեթիվը
1	2	3	4	5	6	7	8

 

Տրվում է նշված ավտոմոբիլը Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության մարմիններում վերագրանցելու և հատկացված դեղին հիմնագույնի համարանիշը նույնը թողնելու համար:

 

Լիցենզավորող հանձնաժողովի նախագահ	_________________	_______________________
	(ստորագրությունը)	(անունը, ազգանունը)

 

___ ___________________________ 20 թ.

(տեղեկանքը տալու ամսաթիվը)

(Ձև N 11-ը լրաց. 26.01.2010 N 34-Ն)

 

 

Հավելված 2 ԼՂՀ կառավարության «06» մայիսի 2008թ.   թիվ 322 որոշման

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

 ԱՐՏԱԴՐԱԿԱՆ ԵՆԹԱԿԱՌՈՒՑՎԱԾՔՆԵՐԻ

ՆԱԽԱՐԱՐՈՒԹՅՈՒՆ

(վերնագիրը փոփ. 26.04.2011 N 241-Ն)

 

ԼԻՑԵՆԶԻԱՅԻ

ՏԾ N 00000

 

Լեռնային Ղարաբաղի Հանրապետությունում մարդատար-տաքսի ավտոմոբիլներով ուղևորափոխադրումների կազմակերպման

________________________________________________________________________         

                ^{(նշվում է` մեկ կամ մեկից ավելի ավտոմոբիլներով ուղևորափոխադրումների կազմակերպման տեսակը)}

Տրվում է__________________________________________________________________________

                      ^{(կազմակերպության անվանումը կամ անհատ ձեռնարկատիրոջ անունը, հայրանունը, ազգանունը)}

Կազմակերպության (անհատ ձեռնարկատիրոջ) ____________________________________________

                                                                                                 ^{(գտնվելու (բնակության) վայրը)}

Լիցենզիայի գործողության ժամկետը`                 անժամկետ

Լիցենզիան տալու ամսաթիվը`      ___ ________ 20 թ.

 

 

 

ԼՂՀ արտադրական ենթակառուցվածքների նախարար	_____________	__________________
	(ստորագրությունը)	(անունը, ազգանունը)

(Հավելված 2-ը փոփ. 27.12.2008 N 967, խմբ. 26.01.2010 N 34-Ն, փոփ. 26.04.2011 N 241-Ն)

 

 

ԼՂՀ կառավարության աշխատակազմի ղեկավար-նախարար

Ս. Գրիգորյան