ք.Ստեփանակերտ

Ղեկավարվելով «Լեռնային Ղարաբաղի Հանրապետության արտակարգ իրավիճակների պետական ծառայության մասին» ԼՂՀ օրենքի 75-րդ հոդվածով` Լեռնային Ղարաբաղի Հանրապետության կառավարությունը ո ր ո շ ու մ է.

(նախաբանը փոփ. 10.02.2015 N 39-Ն)

1. Հաստատել ծառայության ժամանակ զոհված (մահացած) փրկարարական ծառայողների հուղարկավորության, գերեզմանների բարեկարգման, տապանաքարերի պատրաստման և տեղադրման հետ կապված ծախսերի փոխհատուցման կարգը` համաձայն հավելվածի:

2. Լեռնային Ղարաբաղի Հանրապետության կառավարության 2000 թվականի դեկտեմբերի 26-ի «Զինծառայության ընթացքում զոհված (մահացած) զինծառայողների հուղարկավորության, գերեզմանների բարեկարգման, տապանաքարերի պատրաստման և տեղադրման հետ կապված ծախսերը փոխհատուցելու մասին» թիվ 256 որոշման մեջ կատարել հետևյալ փոփոխությունները`

որոշման 3-րդ կետից հանել «ԼՂՀ կառավարությանն առընթեր արտակարգ իրավիճակների վարչությունը», իuկ 6-րդ կետից` «ԼՂՀ կառավարությանն առընթեր արտակարգ իրավիճակների վարչությանը» բառերը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

1. Սույն կարգով սահմանվում են փրկարարական ծառայության ընթացքում զոհված (մահացած), օրենքով սահմանված կարգով մահացած ճանաչված փրկարարական ծառայողների (այսուհետ` զոհված փրկարարական ծառայողներ) հուղարկավորության, գերեզմանների բարեկարգման, տապանաքարերի պատրաստման և տեղադրման հետ կապված` ԼՂՀ պետական բյուջեի միջոցների հաշվին կատարվող ծախսերի չափն ու վճարման կարգը:

2. Փրկարարական ծառայության ընթացքում զոհված (մահացած) փրկարարական ծառայողների հուղարկավորության հետ կապված ծախսերը հատուցվում են Լեռնային Ղարաբաղի Հանրապետության պետական բյուջեի հաշվին` 700.000 դրամի չափով (բյուջետային տարում նախատեսված միջին ծրագրային ցուցանիշի հաշվարկով):

3. Փրկարարական ծառայության ընթացքում զոհված ծառայողների (բացառությամբ եղբայրական գերեզմանոցներում և այլ քաղաքների եղբայրական գերեզմանոցներում հուղարկավորվածների) գերեզմանների բարեկարգման, տապանաքարերի պատրաստման և տեղադրման համար նրանց ընտանիքների անդամներին ԼՂՀ պետական բյուջեից հատկացվում է 1.400.000 դրամ (բյուջետային տարում նախատեսված միջին ծրագրային ցուցանիշի հաշվարկով):

4. Զոհված փրկարարական ծառայողների հուղարկավորության, գերեզմանների բարեկարգման, տապանաքարերի պատրաստման և տեղադրման հետ կապված ծախսերի փոխհատուցման նպատակով Լեռնային Ղարաբաղի Հանրապետության կառավարությանն առընթեր արտակարգ իրավիճակների պետական ծառայությունը կազմում ու Լեռնային Ղարաբաղի Հանրապետության ֆինանսների նախարարություն է ներկայացնում զոհված փրկարարական ծառայողների ցուցակը, որոնց ընտանիքներին նախատեսվում է ԼՂՀ պետական բյուջեից փոխհատուցել զոհված փրկարարական ծառայողների հուղարկավորության, գերեզմանների բարեկարգման, տապանաքարերի պատրաստման և տեղադրման հետ կապված ծախսերը: Ցուցակում նշվում են զոհված փրկարարական ծառայողի անունը, ազգանունը, մահվան տարեթիվը, մահվան վկայականի համարը, զոհված փրկարարական ծառայողի ընտանիքի` փոխհատուցման գումար ստացող անդամի անունը, ազգանունը, անձնագրի տվյալները, յուրաքանչյուր զոհված փրկարարական ծառայողի մասով փոխհատուցման ենթակա գումարի չափը, ինչպես նաև զոհված փրկարարական ծառայողի ընտանիքի բնակության վայրի` ԼՂՀ ֆինանսների նախարարության այն տեղական գանձապետական բաժնի անվանումը, որի միջոցով նախատեսվում է ստանալ նշված փոխհատուցումները:

(4-րդ կետը փոփ. 10.02.2015 N 39-Ն)

5. Լեռնային Ղարաբաղի Հանրապետության ֆինանսների նախարարությունը սույն կարգի 4-րդ կետի համաձայն ներկայացված տեղեկատվության հիման վրա Լեռնային Ղարաբաղի Հանրապետության օրենսդրությամբ սահմանված կարգով փոխհատուցման ենթակա գումարները փոխանցում է տեղական գանձապետական ստորաբաժանումներում նշված գումարների հատկացման նպատակով Լեռնային Ղարաբաղի Հանրապետության ֆինանսների նախարարության անվանմամբ բացված գանձապետական հաշիվներին` միաժամանակ համապատասխան տեղական գանձապետական բաժնի տրամադրելով այդ հաշիվներից ծախսերի կատարման համար ճշտված նախահաշիվներն ու համապատասխան ցուցակները:

6. Փոխհատուցման գումարներն ստանալու նպատակով սույն կարգի 4-րդ կետով նախատեսված ցուցակում նշված զոհված փրկարարական ծառայողի ընտանիքի անդամը Լեռնային Ղարաբաղի Հանրապետության ֆինանսների նախարարության համապատասխան տեղական գանձապետական բաժին է ներկայացնում տեղական գանձապետական բաժնի պետին ուղղված` վճարումները կատարելու մասին դիմում` միաժամանակ ներկայացնելով անձնագիրը և զոհված փրկարարական ծառայողի մահվան վկայականը: Երկօրյա ժամկետում տեղական գանձապետական բաժնում ստուգվում է ներկայացված փաստաթղթերի համապատասխանությունը Լեռնային Ղարաբաղի Հանրապետության ֆինանսների նախարարության կողմից ներկայացված տեղեկատվությանը:

Համապատասխանության դեպքում Լեռնային Ղարաբաղի Հանրապետության օրենսդրությամբ սահմանված կարգով (առանց ծախսը հիմնավորող լրացուցիչ փաստաթղթեր ներկայացնելու) կատարվում են պահանջվող վճարումները: Այդ անձանց պահանջով` նշված գումարները փոխանցվում են նրանց կողմից ներկայացված բանկային հաշիվներին կամ կանխիկ ձևով` Լեռնային Ղարաբաղի Հանրապետության պետական բյուջեից պետական հիմնարկներին կանխիկ ձևով դրամական միջոցների տրամադրման ընթացակարգին համապատասխան` այդ անձանց անվամբ դուրս գրված գանձապետական չեկերի միջոցով:

Անհամապատասխանությունների հայտնաբերման դեպքում տեղական գանձապետական ստորաբաժանումը մերժում է պահանջվող վճարումը` փրկարարական ծառայողի ընտանիքի անդամի կողմից ներկայացված դիմումի դարձերեսին նշելով մերժման պատճառները:

7. Լեռնային Ղարաբաղի Հանրապետության ֆինանսների նախարարությունը եռամսյակային կտրվածքով Լեռնային Ղարաբաղի Հանրապետության կառավարությանն առընթեր արտակարգ իրավիճակների պետական ծառայությանը տրամադրում է տեղեկատվություն տվյալ եռամսյակի ընթացքում սույն կարգի համաձայն վճարված փոխհատուցումների մասին:

(7-րդ կետը փոփ. 10.02.2015 N 39-Ն)

8. Եթե զոհված փրկարարական ծառայողների գերեզմանները բարեկարգված են նրանց ընտանիքների անդամների ուժերով, ապա համապատասխան փաստաթղթեր ներկայացվելու դեպքում փոխհատուցվում է գերեզմանների կառուցապատման աշխատանքների փաստացի արժեքը, բայց հաստատված ծախսերի նորմատիվներից ոչ ավելի:

9. Լեռնային Ղարաբաղի Հանրապետությունից դուրս այլ վայրերում փրկարարական ծառայողների հուղարկավորության, գերեզմանների բարեկարգման, տապանաքարերի պատրաստման և տեղադրման ծախսերը փոխհատուցվում են զոհվածների ընտանիքների բնակության վայրում:

Ծառայողական պարտականությունները կատարելիս անհայտ կորած և օրենքով սահմանված կարգով մահացած ճանաչված փրկարարական ծառայողների ընտանիքներին փոխհատուցումը կատարվում է սույն կարգի 3-րդ կետով նախատեսված գումարի չափով: