Ղեկավարվելով Լեռնային Ղարաբաղի Հանրապետության ընտրական օրենսգրքի 42-րդ հոդվածի 1-ին կետի 7-րդ ենթակետով, Լեռնային Ղարաբաղի Հանրապետության կենտրոնական ընտրական հանձնաժողովը ո ր ո շ ո ւ մ  է.

1. Տեղամասային ընտրական հանձնաժողովի անդամի` իր լիազորությունների վաղաժամկետ դադարեցման մասին դիմումը պետք է ուղղված լինի վերադաս ընտրական հանձնաժողովի նախագահին:

2. Դիմումը պետք է պարունակի դիմումատուի անունը, հայրանունը, ազգանունը, տեղամասային ընտրական հանձնաժողովի համարը, դիմում ներկայացնելու տարին, ամիսը, ամսաթիվը, դիմողի ստորագրությունը և իրեն նշանակած ընտրատարածքային ընտրական հանձնաժողովի անդամի մակագրությունը:

3. Դիմումում կարող է չնշվել հիմնավորում լիազորությունների վաղաժամկետ դադարեցնելու խնդրանքի պատճառների մասին:

4. Հանձնաժողովի անդամի լիազորությունների վաղաժամկետ դադարեցման մասին դիմումը դիմումատուն ներկայացնում է անձամբ, դիմումին կցելով հանձնաժողովի անդամի իր վկայականը /վկայականի կորստյան դեպքում այդ մասին նշում է կատարվում դիմումում/:

5. Տեղամասային ընտրական հանձնաժողովի անդամի լիազորությունների վաղաժամկետ դադարեցման դեպքում թափուր տեղերը համալրվում են Լեռնային Ղարաբաղի Հանրապետության ընտրական օրենսգրքով սահմանված կարգով: