Գրանցված է ԼՂՀ արդարադատության նախարարությունում 15-ին սեպտեմբերի 2005թ. Պետական գրանցման թիվ 470

 

ԼՂՀ ՔԱՂԱՔԱՇԻՆՈՒԹՅԱՆ ՆԱԽԱՐԱՐՈՒԹՅԱՆ

 

Հ Ր Ա Մ Ա Ն N 65-Ա

 

ք. Ստեփանակերտ

26 օգոստոսի 2005թ.

 

«Քաղաքաշինության մասին» ԼՂՀ օրենքի 10¹  հոդվածի «գ» կետի համաձայն

 

հ ր ա մ ա յ ու մ ե մ`

 

1. Հաստատել «Գործող գներով շինարարական աշխատանքների արժեքի հաշվարկման կարգը»:

2. Անձնակազմի կառավարման և կազմակերպատնտեսական բաժնի պետ Ն. Ավանեսյանին`

ապահովել սույն կարգի գրանցումը ԼՂՀ արդարադատության նախարարությունում:

3. Ուժը կորցրած ճանաչել ԼՂՀ քաղաքաշինության նախարարության 2002թ. փետրվարի 11-ի թիվ 03-Ա հրամանով հաստատված «Գործող գներով շինարարական աշխատանքների արժեքի հաշվարկման կարգը»:

4. Սույն հրամանի կատարման հսկողությունը դնել շինարարության քաղաքականության և ծրագրերի բաժնի պետ` Վ. Թամրազյանի վրա:

5. «Գործող գներով շինարարական աշխատանքների արժեքի հաշվարկման կարգը» ուժի մեջ է մտնում 2006թ. հունվարի 1-ից:

 

 

Նախարար

Բ. Ալավերդյան

 

 

Համաձայնեցված է ԼՂՀ ֆինանսների և էկոնոմիկայի նախարար ____________ Ս. Թևոսյան ,,____,, _____________2005թ.

Հաստատված է ԼՂՀ քաղաքաշինության նախարար __________Բ. Ալավերդյան ,,____,, _____________ 2005թ.

 

Կ Ա Ր Գ

 

գործող գներով շինարարական աշխատանքների արժեքի հաշվարկման

 

1. Կիրառման բնագավառը

 

Սույն կարգը մշակված է կիրառելու շինարարության մասնակիցների կողմից, որոնք ընդունված կարգով ունեն իրավունք ԼՂՀ տարածքում իրականացնելու նոր կառույցների շինարարություն, գոյություն ունեցող շենքերի և շինությունների վերակառուցում, վերականգնում, ընդլայնում, արդիականացում, վերանորոգում (հետագայում շինարարություն):

 

2. Ընդհանուր դրույթները

 

2.1 Սույն կարգը մշակված է շինարարության մասնակիցների նորմատիվային փաստաթղթով ապահովելու նպատակով, որի հիման վրա պետական բյուջեով ֆինանսավորող օբյեկտներում կատարվում է գործող գներով շինարարական (շինմոնտաժային, նորոգման, թողարկման կարգաբերման) աշխատանքների արժեքի հաշվարկը հետևյալ դեպքերում՝

● կապալառու կազմակերպության հետ բանակցությունների հիման վրա պատվերի տեղադրման,

● կատարված աշխատանքների ամենամսյա գործող գներով հաշվարկման պայմանով պատվերի տեղադրման,

● արտակարգ իրավիճակների դեպքում աշխատանքների կատարման:

2.2 Կատարվող աշխատանքների արժեքի կառուցվածքը ներկայացվում է հետևյալ բանաձևով՝

Ա = Ծ + Շ + Հ

որտեղ՝ Ա - արժեքն է

Ծ - ծախսերն են

Շ - շահույթն է

Հ - հարկերն է

2.3 Շինարարական աշխատանքների արժեքի մեջ մտնող ծախսերը՝ ելնելով շինարարական նորմաներից, խմբավորվում են հետևյալ կառուցվածքով՝

Ծ = ՈՒ + Վ + Ա

որտեղ՝ Ծ - շինարարական աշխատանքների արժեքի մեջ մտնող ծախսերն են,

     ՈՒ - ուղղակի ծախսերն են

Ուղղակի ծախսերին են վերաբերվում անմիջապես աշխատանքի կատարման համար ծախսերը, այսինքն՝

ՈՒ = Ա + Ն + Մ

որտեղ՝

                                  Ա - հիմնական բանվորների աշխատավարձն է և հատկացումներն են

                                        աշխատավարձի ֆոնդին սոցիալական ապահովագրության բոլոր տեսակներով,

                                  Ն - նյութերի, կառուցվածքների և պատրաստվածքների արժեքն է,

                                  Մ - շին. մեքենաների և մեխանիզմների շահագործման ծախսերն են,

                                  Վ - վերադիր ծախսերն են

Վերադիր ծախսերին են վերաբերվում արտադրության կազմակերպման հետ կապված ծախսերը (կառավարման ապարատի և գծային անձնակազմի (աշղեկ, վարպետ, տեղամասերի պետեր և այլն) պահպանումը, ցածրարժեք գույքի մաշվածությունը, շենքերի և կառուցվածքների (ժամանակավոր և մշտական) ամորտիզացիան, վարձավճարը, պահպանման ծախսերը (ընթացիկ և կապիտալ վերանորոգման, ջրի, էլեկտրաէներգիայի, ջեռուցման, կապի և այլն), օժանդակ (հիմնական կազմի մեջ չմտած) բանվորների աշխատավարձը, սոցապահովման հատկացումները և այլ ծախսերը, որոնք հաշվի չեն առնված ուղղակի ծախսերի մեջ):

Ա - այլ ծախսեր են, որոնք հաշվի են առնում շինարարության վրա ազդող յուրահատուկ (շինհրապարակի վայրը, շինարարական աշխատանքների կազմակերպման հետ կապված ծախսերը, կլիմայական պայմանները, շինարարական կազմակերպության յուրահատկությունները) պայմանները:

3. Գների հաշվարկումը

3.1 Շինարարական աշխատանքների արժեքի հաշվարկման համար, համաձայն գործող ՇՆ և Կ և արտադրական նորմաների, կատարվում է ծախսերի ընտրանք՝ աշխատաժամանակի, մեքենաների և մեխանիզմների տեսակների և ժամանակի (հաշվի առնելով աշխատանքի պայմանների ազդեցությունը), նյութերի, պատրաստվածքների և կառուցվածքների պահանջարկը բնական արտահայտությամբ:

3.2 Շինարարական աշխատանքների արժեքի հաշվարկներն իրականացվում են ընդգրկելով հետևյալ հոդվածները՝

● աշխատավարձ

● նյութերի արժեքը

● մեքենաների և մեխանիզմների շահագործման արժեքը

● վերադիր ծախսեր

● շահույթ

● այլ ծախսեր

● ավելացված արժեքի հարկ

 

3.2.1 Աշխատավարձի հաշվարկը

 

Աշխատավարձը հաշվարկվում է՝

Ա = S x Դ x Գ

որտեղ՝            Ա - աշխատավարձի չափն է (դրամ),

                       S - աշխատատարությունն է մարդ. ժամերով /որոշվում է ելնելով կատարված աշխատանքների ծավալից և միավոր աշխատաժամի նորմայից/

                       Դ - 1 ժամվա դրույքն է /որոշվում է միջին ամսական աշխատավարձը բաժանելով 173.1, միջին ամսական աշխատավարձի չափը ընդունվում է ԼՂՀ ֆինանսների և էկոնոմիկայի նախարարության  որոշմամբ/

                       Գ - սոցապահովության հատկացումների գործակիցն է:

Աշխատատարության նորմաների բացակայության դեպքում աշխատավարձի չափը որոշվում է ԼՂՀ քաղաքաշինության նախարարության կողմից սահմանվող այլ մեթոդով:

 

3.2.2 Նյութերի արժեքի հաշվարկը

 

Նյութերի արժեքը հաշվարկվում է՝

Ն=(Ն₁ X Ա₁+ + Նշ X Աշ… + Ն_ո X Ա_ո ) X 1.05 x 1.05 X 1.02

որտեղ` Ն - նյութերի արժեքն է,

Ն₁, Ն_շ, Ն_ո - նյութերի ծախսն է ըստ նորմերի

Ա - նյութերի, պատրաստվածքների և կառուցվածքների գներն են, ընդունվում է համաձայն գինը հիմնավորող փաստաթղթերի (հաշիվների, գների մասին ինֆորմացիոն տեղեկագրերի և այլն), ընդ որում կոմերցիոն կազմակերպությունների, անհատ անձանց կողմից ձեռք բերված և հաշվարկներում ներառված նյութերի, պատրաստվածքների և կառուցվածքների գները չպետք է գերազանցեն ԼՂՀ քաղաքաշինության նախարարության կողմից հաստատվող ինֆորմացիոն տեղեկագրում բերված գներին,

1.5 - այլ նյութերի չափը հաշվի առնող գործակիցն է,

1.5 - տրանսպորտային ծախսերը հաշվի առնող գործակիցն է,

Գյուղական բնակավայրերի համար նշված ծախսերն ավելացնել շրջկենտրոններից յուրաքանչյուր 1 կմ հեռավորության դիմաց նյութերի արժեքի 0.21%-ի չափով: Շահումյանի շրջանի բնակավայրերի համար նշված ծախսերն ավելացնել նյութերի արժեքի 10%-ի չափով,

1.02 - պահեստավորման-փաթեթավորման ծախսերը հաշվի առնվող գործակիցն է:

(3.2.2 կետը խմբ. 24.11.2006 N 103-Ա)

 

3.2.3 Մեքենաների և մեխանիզմների շահագործման արժեքի հաշվարկը

 

Մեքենաների և մեխանիզմների շահագործման արժեքը հաշվարկվում է՝

                               Մ = (Ժ₁ x Ա₁ + Ժ₂ x Ա₂ ... + Ժ_n  x Ա_n ) x 1.03

որտեղ՝                   Մ - մեքենաների և մեխանիզմների շահագործման արժեքն է,

                              Ժ₁  Ժ₂  Ժ_n  - մեքենաների աշխատանքի ժամանակն է,

                              Ա₁ Ա₂  Ա_n - 1 մեք /ժամ-ի արժեքն է (շահագործող կազմակերպության

                              հետ պայմանագրով կամ շինարարական կազմակերպությունների

                              պլանահաշվարկային գներով),

                             1.03 - այլ մեքենաների շահագործման արժեքը հաշվի առնող գործակից է:

Մեքենաների և մեխանիզմների շահագործման արժեքը թույլատրվում է որոշել նաև ԼՂՀ քաղաքաշինության նախարարության կողմից սահմանվող այլ մեթոդով:

 

3.2.4 Վերադիր ծախսերի հաշվարկը

 

Վերադիր ծախսերը հաշվարկվում են ուղղակի ծախսերի ընդհանուր արժեքի 5.3 տոկոսի չափով՝

 

       ՈՒ x 5.3

Վ =  ----------

       100

 

3.2.5 Շահույթի չափի հաշվարկը

 

Շահույթը հաշվարկվում է կազմակերպության բոլոր ծախսերի հանրագումարի 10 տոկոսի չափով՝

 

      (ՈՒ+Վ) x 10

Շ =  ---------------

      100

 

3.2.6 Այլ ծախսերի հաշվարկը

 

Այլ ծախսերը հաշվարկվում են

 

Ա = Ժ + Ձ + Լ

 

որտեղ՝ Ա - այլ ծախսերն են,

            Ժ - Ժամանակավոր պահեստային և կենցաղային շենքերի շինարարության (շարժական կամ հավաքովի-քանդովի շենքերի օգտագործման), ժամանակավոր ինժեներական ցանցերի մոտեցման (էլեկտրաէներգիայի, ջրի, օբյեկտի մոտեցման ճանապարհների, հրապարակների և այլն) ծախսերն են, ընդունվում են ԼՂՀ քաղաքաշինության նախարարության նորմաներով:

            Ձ - ձմեռային պայմաններում կատարվող աշխատանքների համար լրացուցիչ ծախսերն են, ընդունվում են ԼՂՀ քաղաքաշինության նախարարության նորմաներով:

            Լ - ԼՂՀ կառավարության /սահմանված կարգով ԼՂՀ կառավարման մարմնի/ կողմից սահմանված այլ արտոնություններ և լրացուցիչ ծախսեր

 

3.2.7 Հարկեր

 

ԼՂՀ օրենսդրությամբ սահմանված հարկերը հաշվարկվում են շինարարական աշխատանքների արժեքից ԼՂՀ օրենսդրությամբ սահմանված կարգով:

3.3 Պատվիրատուի (նախագծային ինստիտուտի) կողմից կատարված նախնական հաշվարկները ձևակերպվում են համաձայն N 1 հավելվածի (ձև 1, 2): Կատարված աշխատանքների հաշվարկները ձևակերպվում են համաձայն N 2 հավելվածի (ձև 1, 2):

 

 

Հավելված N 1        Ձև N 1

 

Պատվիրատու ----------------------------------------------

Շինարարության անվանումը և նրա

հասցեն ------------------------------------------------------

Օբյեկտի անվանումը -------------------------------------

 

Հ Ա Շ Վ Ա Ր Կ

 

շինարարական աշխատանքների արժեքի

 

«------» ---------------------------- 20  թ.

 

Հ/հ	Հիմնավորում	Աշխատանքների և ծախսերի անվանումը	Չափման միավորը	Ծավալը	Արժեքը հազ. դրամ
					Միավորի	Ընդհանուր
1	2	3	4	5	6	7

Ընդամենը
------------------------------------------------		նախագծային ինստիտուտի
(ԱԱՀ, պաշտոն, ստորագրություն)		պատասխանատու ներկայացուցիչ

                  

                       

Հավելված N 1        Ձև N 2

 

 

 

Պատվիրատու ----------------------------------------------

Շինարարության անվանումը և նրա

հասցեն -------------------------------------------------------

Օբյեկտի անվանումը --------------------------------------

Հոդվածների ամփոփում

 

«------» ------------------------- 20  թ.

 

Հ/հ	Հոդվածների անվանումը	Արժեքը հազ. դրամ
1	2	3

 

Ընդամենը
------------------------------------------------		նախագծային ինստիտուտի
(ԱԱՀ, պաշտոն, ստորագրություն)		պատասխանատու ներկայացուցիչ

 

 

Հավելված N 2        Ձև N 1

 

Պատվիրատու ----------------------------------------------

Աշխատանք կատարողը ---------------------------------

Պայմանագիր թիվ ----------------- 20  թ.

Շինարարության անվանումը և նրա

հասցեն -------------------------------------------------------

Օբյեկտի անվանումը --------------------------------------

 

Հ Ա Շ Վ Ա Ր Կ

 

կատարված շինարարական աշխատանքների

 

«------» ----------------------- 20  թ.

 

Հ/հ	Աշխատանքների և ծախսերի անվանումը	Աշխատանքների և ծախսերի արժեքը	Կ Ա Տ Ա Ր Վ Ա Ծ    Է
			Շինարարության սկզբից		Հաշվետու ժամանակ
			%	կատ. աշխ. արժեքը	%	կատ. աշխ. արժեքը
1	2	3	4	5	6	7

                 

Ընդամենը

Կ.Տ. -----------------------------------------------------  հաշվարկ կատարող

(ԱԱՀ, պաշտոն, ստորագրություն)

Կ.Տ. ------------------------------------------------------  հաշվարկ կատարող

(Պատվիրատուի ԱԱՀ, պաշտոն, ստորագրություն)

           

 

Հավելված N 2        Ձև N 2

 

Պատվիրատու ----------------------------------------------

Աշխատանք կատարողը ---------------------------------

Պայմանագիր թիվ ----------------- 20  թ.

Շինարարության անվանումը և նրա

հասցեն -------------------------------------------------------

Օբյեկտի անվանումը --------------------------------------

 

Հ Ա Շ Վ Ա Ր Կ

 

կատարված շինարարական աշխատանքների

 

«------» ------------------------- 20  թ.

 

 

  

Ընդամենը

Կ.Տ. -----------------------------------------------------  հաշվարկ կատարող

(ԱԱՀ, պաշտոն, ստորագրություն)

Կ.Տ. ------------------------------------------------------  հաշվարկ կատարող

(Պատվիրատուի ԱԱՀ, պաշտոն, ստորագրություն)

 

 

Հ Ա Շ Վ Ա Ր Կ

 

աշխատավարձի և մեքենա - մեխանիզմների շահագործման գործակցի,

1984թ. նախահաշվային արժեքից, առ 1.07.2005թ.

 

1. Աշխատավարձի գործակցի հաշվարկ

 

 

2. Մեքենա - մեխանիզմների շահագործման գործակցի հաշվարկ