ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

Ո Ր Ո Շ ՈՒ Մ

П О С Т А Н О В Л Е Н И Е

 ք. Ստեփանակերտ

г. Степанакерт

Լեռնային Ղարաբաղի Հանրապետության կառավարությունը որոշում է`

1. Սահմանել, որ Լեռնային Ղարաբաղի Հանրապետության կառավարության որոշմամբ պաշտոնում նշանակվում և պաշտոնից ազատվում են

- ԼՂՀ կառավարության գործերի կառավարչի տեղակալը` ԼՂՀ կառավարության գործերի կառավարչի ներկայացմամբ,

- ԼՂՀ կառավարության աշխատակազմի հիմնական բաժնի վարիչը, տեսչության պետը` ԼՂՀ վարչապետի, ԼՂՀ վարչապետի տեղակալների ներկայացմամբ,

- ԼՂՀ նախարարի և ԼՂՀ պետական վարչության պետի տեղակալը` ԼՂՀ նախարարի, ԼՂՀ պետական վարչության պետի ներկայացմամբ,

- ԼՂՀ էկոնոմիկայի և ֆինանսների նախարարության պետական հարկային տեսչության պետը` ԼՂՀ նախագահի հետ համաձայնեցումով` ԼՂՀ էկոնոմիկայի և ֆինանսների նախարարի ներկայացմամբ:

- ԼՂՀ գերատեսչության, հանրապետական ենթակայության ձեռնարկության, հիմնարկի և կազմակերպական ղեկավարը` ԼՂՀ վարչապետի, ԼՂՀ վարչապետի տեղակալների ներկայացմամբ,

- ԼՂՀ մաքսային վարչության պետը` ԼՂՀ նախագահի հետ համաձայնեցումով` ԼՂՀ վարչապետի ներկայացմամբ,

-(նախադասությունը հանվել է 25.07.1995 N 145)

- ԼՂՀ գերատեսչության ղեկավարի տեղակալը` ԼՂՀ գերատեսչության ղեկավարի ներկայացմամբ:

(1-ին կետը խմբ. 04.04.1995 N 53, փոփ., խմբ. 20.06.1995 N 115, փոփ. 25.07.1995 N 145)

2. Պաշտոնում նշանակման ներկայացնելիս համապատասխան գրությանը կցվում է թեկնածուի կենսագրական հիմնական տեղեկությունները, իսկ նշանակումից հետո` նրա անձնական գործը:

3. ԼՂՀ նախարարություններին, ԼՂՀ պետական վարչություններին, գերատեսչություններին, Ստեփանակերտ քաղաքի և հանրապետության շրջանների վարչակազմերին` մեկամսյա ժամկետում մշակել և հաստատել նախարարությունների, պետական վարչությունների, գերատեսչությունների, քաղաքի և շրջանների վարչակազմերի իրավասության տակ գտնվող կադրերի անվանացուցակները և նրանց պաշտոնում նշանակման և պաշտոնից ազատման կարգը: