ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ
Ո Ր Ո Շ ՈՒ Մ
П О С Т А Н О В Л Е Н И Е
|
,,25,, ՀՈՒԼԻՍԻ 1995թ. |
N 145 |
ք. Ստեփանակերտ
г. Степанакерт
ԼՂՀ կառավարության նախագահության 1995թ. փետրվարի 2-ի թիվ 4 որոշմամբ և մի շարք այլ որոշումներով հաստատված` նախարարությունների և գերատեսչությունների կանոնադրությունների մեջ լրացումներ կատարելու մասին
Լեռնային Ղարաբաղի Հանրապետության Կառավարությունը որոշում է`
1. Լրացնել ԼՂՀ Կառավարության Նախագահության 1995թ. փետրվարի 2-ի «ԼՂՀ Ստեփանակերտ քաղաքի և շրջանների վարչակազմերի մասին ժամանակավոր կանոնակարգի հաստատման մասին» թիվ 4 որոշմամբ հաստատված` ԼՂՀ Ստեփանակերտ քաղաքի և շրջանների վարչակազմերի մասին ժամանակավոր կանոնակարգի 3.6.3. կետը հետևյալ երկրորդ պարաբերությամբ.
«Համաձայնություն է տալիս և առաջարկություն ներկայացնում համապատասխան նախարարության պետական վարչության, հանրապետական գերատեսչության` իր տարածքում գտնվող պետական ձեռնարկությունների, կազմակերպությունների և հիմնարկների ղեկավարներին պաշտոնում նշանակման և պաշտոնից ազատման համար»:
2. Նշված լրացման հիման վրա ԼՂՀ կառավարության 1995թ. մարտի 14-ի թիվ 28, 1995թ. ապրիլի 4-ի թիվ 57, թիվ 58, 1995թ. մայիսի 27-ի թիվ 96, թիվ 97 և թիվ 102 որոշումներով հաստատված` ԼՂՀ առևտրի և մթերումների միավորման, ԼՂՀ շինարարության նախարարության, ԼՂՀ գյուղատնտեսության և պարենամթերքների նախարարության, ԼՂՀ «Արցախավտոտրանս» և «Արցախկենցաղսպասարկում» արտադրական միավորումների և ԼՂՀ կենսաթոշակային և զբաղվածության ֆոնդի կանոնադրությունների համապատասխան կետերը շարադրել նոր խմբագրությամբ, համաձայն հավելվածի:
3. ԼՂՀ կառավարության 1995 թվականի մարտի 2-ի «ԼՂՀ կառավարության աշխատակազմի կառուցվածքային ստորաբաժանումների ղեկավարների, ԼՂՀ նախարարների և ԼՂՀ պետական վարչությունների պետերի տեղակալների, ԼՂՀ գերատեսչությունների և հանրապետական ենթակայության ձեռնարկությունների, հիմնարկների և կազմակերպությունների ղեկավարների պաշտոնում նշանակման և պաշտոնից ազատման կարգի մասին» թիվ 6 որոշման 1-ին կետից հանել
«ԼՂՀ ներքին գործերի շրջանային (քաղաքային) բաժինների պետեր` ԼՂՀ նախագահի հետ համաձայնեցումով` ԼՂՀ ներքին գործերի նախարարի ներկայացմամբ` համաձայնեցված Ստեփանակերտ քաղաքի կամ շրջանների վարչակազմի ղեկավարի հետ» նախադասությունը, մնացածը` ինչպես տեքստում:
4. Ուժը կորցրած ճանաչել ԼՂՀ կառավարության 1995 թվականի ապրիլի 4-ի
«ԼՂՀ կառավարության 1995 թվականի մարտի 2-ի թիվ 6 որոշման մեջ լրացում կատարելու մասին» թիվ 53 որոշումը:
| ԼՂՀ վարչապետ |
Լ. ՊԵՏՐՈՍՅԱՆ |
|
ԼՂՀ կառավարության
գործերի կառավարիչ |
Ս. ԳՐԻԳՈՐՅԱՆ |
| |
ՀԱՎԵԼՎԱԾ
ԼՂՀ կառավարության
«25» ՀՈՒԼԻՍԻ 1995թ.
145 որոշման |
Լ Ր Ա Ց ՈՒ Մ Ն Ե Ր
ԼՂՀ կառավարության մի շարք որոշումներով հաստատված` նախարարությունների և գերատեսչությունների կանոնադրությունների մեջ
1. ԼՂՀ կառավարության 1995թ. մարտի 14-ի թիվ 28 որոշմամբ հաստատված` ԼՂՀ առևտրի և մթերումների միավորման կանոնակարգ.
«20. բ) սահմանում է իր տեղակալների, ձեռնարկությունների և կազմակերպությունների տնօրենների, բաժնի պետերի պատասխանատվության աստիճանը` միավորման համակարգի օղակների գործունեության համար: Ստեփանակերտ քաղաքի և շրջանների վարչակազմերի հետ համաձայնեցմամբ պաշտոնին նշանակում և պաշտոնից ազատում է համակարգի ձեռնարկությունների և կազմակերպությունների ղեկավարներին»:
2. ԼՂՀ կառավարության 1995թ. ապրիլի 4-ի թիվ 57 որոշմամբ հաստատված` ԼՂՀ շինարարության նախարարության կանոնադրություն.
«4.4. Ստեփանակերտ քաղաքի և շրջանների վարչակազմերի հետ համաձայնեցմամբ նշանակել պաշտոնին և ազատել պաշտոնից նախարարության կառուցվածքի բոլոր կազմակերպությունների ղեկավարներին»:
(2-րդ կետի գործողությունը դադարեցվել է 27.01.1998 N 5)
3. ԼՂՀ կառավարության 1995թ. ապրիլի 4-ի թիվ 58 որոշմամբ հաստատված` ԼՂՀ գյուղատնտեսության և պարենամթերքների նախարարության կանոնադրություն.
«3.11. Աշխատանքային օրենսդրության համապատասխան` նշանակում, տեղաբաշխում, ազատում, ինչպես նաև կարգապահական պատասխանատվության է ենթարկում նախարարության կենտրոնական ապարատի աշխատողներին, Սետփանակերտ քաղաքի և շրջանների վարչակազմերի հետ համաձայնեցմամբ պաշտոնի է նշանակում և պաշտոնից ազատում համակարգի ենթակա միավորումների, ձեռնարկությունների և կազմակերպությունների ղեկավարներին»:
4. ԼՂՀ կառավարության 1995թ. մայիսի 27 թիվ 96 որոշմամբ հաստատված` ԼՂՀ «Արցախավտոտրանս» արտադրական միավորման կանոնադրություն.
«9. ը) Ստեփանակերտ քաղաքի և շրջանների վարչակազմերի հետ համաձայնեցմամբ պայմանագրային (կոնտրակտային) եղանակով աշխատանքային պայմանագիր է կնքում միավորման կազմի մեջ մտնող ձեռնարկությունների ղեկավարների հետ»:
5. ԼՂՀ կառավարության 1995թ. մայիսի 27-ի թիվ 97 որոշմամբ հաստատված` ԼՂՀ «Արցախկենցաղսպասարկում» հանրապետական արտադրական միավորման կանոնադրություն.
«4.3. 6-րդ պարբերություն.
-Ստեփանակերտ քաղաքի և շրջանների վարչակազմերի հետ համաձայնեցմամբ նշանակում է պաշտոնի և պաշտոնից ազատում տնտհաշվարկային ձեռնարկությունների ղեկավարներին»:
6. ԼՂՀ կառավարության 1995թ. մայիսի 27-ի թիվ 102 որոշմամբ հաստատված` ԼՂՀ կենսաթոշակային և զբաղվածության ֆոնդի կանոնադրություն.
«11. ա) Ֆոնդի նախագահի ներկայացմամբ պաշտոնի է նշանակում և պաշտոնից ազատում ֆոնդի նախագահի տեղակալներին և ֆոնդի կենտրոնական ապարատի կառուցվածքային ստորաբաժանումների ղեկավարներին, իսկ Ստեփանակերտ քաղաքի և շրջանների վարչակազմերի հետ համաձայնեցմամբ` ֆոնդի քաղաքային և շրջանային բաժանմունքների ղեկավարներին»:
|
ԼՂՀ կառավարության
գործերի կառավարիչ |
Ս. ԳՐԻԳՈՐՅԱՆ |