ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ
Ո Ր Ո Շ Ո Ւ Մ
П О С Т А Н О В Л Е Н И Е
|
''6'' ՓԵՏՐՎԱՐԻ 1996թ. |
N 17 |
ք.Ստեփանակերտ
г.Степанакерт
Պետական ձեռնարկությունների, հիմնարկների և կազմակերպությունների գույքն առանց գնման իրավունքի վարձակալության տրման և վարձակալական վճարի որոշման կարգի մասին
ԼՂՀ կառավարությունը որոշում է`
1. Սահմանել, որ մինչև ձեռնարկությունների ապապետականացման ծրագրի ընդունումը պետական ձեռնարկությունների, հիմնարկների և կազմակերպությունների գույքն առանց գնման իրավունքի վարձակալության է տրվում ԼՂՀ էկոնոմիկայի և ֆինանսների նախարարության հետ համաձայնեցմամբ:
2. Հաստատել պետական ձեռնարկությունների, հիմնարկների և կազմակերպությունների գույքն առանց գնման իրավունքի վարձակալության տրամադրելիս վարձակալական վճարի որոշման կարգը (կցվում է):
3. ԼՂՀ նախարարություններին, պետական վարչություններին, գերատեսչություններին` մինչև 1996 թվականի մարտի 15-ը ավարտել սույն որոշմամբ հաստատված կարգին համապատասխան, նախկինում կնքված վարձակալության պայմանագրերով նախատեսված վարձակալական վճարների (այդ թվում` պետական մասնակցությամբ ձեռնարկություններում) վերահաշվարկման գործընթացը:
4. Սույն որոշումը ուժի մեջ է մտնում 1996 թվականի հունվարի 1-ից:
| ԼՂՀ վարչապետ |
Լ.ՊԵՏՐՈՍՅԱՆ |
|
ԼՂՀ կառավարության
գործերի կառավարիչ |
Ս.ԳՐԻԳՈՐՅԱՆ |
| |
Հաստատված է
ԼՂՀ կառավարության
1996 թ. փետրվարի 6-ի
թիվ 17 որոշմամբ |
Կ Ա Ր Գ
Պետական ձեռնարկությունների, հիմնարկների և կազմակերպությունների գույքն առանց գնման իրավունքի վարձակալության տրամադրելիս վարձակալական վճարի որոշման
1. Վարձակալի կողմից մուծվող վարձավճարի չափը որոշվում է հետևյալ կարգով`
Վ= (Ա+ԳՀ) x ՎԳ, որտեղ`
Վ-ն վարձակալական վճարն է եռամսյակային կտրվածքով (եթե վարձակալական պայմանագիրը կնքվել է ոչ եռամսյակի սկզբին, ապա վարձակալական վճարը վերահաշվարկվում է պայմանագրի կնքման պահից մինչև եռամսյակի վերջն ընկած ժամանակահատվածի համար):
Ա-ն վարձակալության տրամադրված հիմնական միջոցների ամորտիզացիոն մասհանումներն են` վարձակալական պայմանագրի կնքմանը նախորդող եռամսյակում:
ԳՀ-ն վարձակալության տրամադրված հիմնական միջոցների գույքահարկն է` վարձակալական պայմանագրի կնքմանը նախորդող եռամսյակում:
Գույքահարկի հաշվարկը չի տարածվում վարձակալության տրամադրված ձեռնարկությունների, հիմնարկների, կազմակերպությունների` գույքահարկով հարկման օբյեկտ չհանդիսացող այն գույքի վրա, որի կազմը սահմանված է Լեռնային Ղարաբաղի Հանրապետության կառավարության 1995թ. հոկտեմբերի 17-ի «Լեռնային Ղարաբաղի Հանրապետության տարածքում գույքահարկ մտցնելու մասին» թիվ 260 որոշման 3-րդ կետով:
ՎԳ-ն վարձակալման գործակիցն է, որը որոշում է.
ա) պետական ձեռնարկություններում`
- մինչև 1993թ. հուլիսի 1-ը ձեռք բերված (ԼՂՀ պաշտպանության պետական կոմիտեի 1993թ. օգոստոսի 3-ի «Լեռնային Ղարաբաղի Հանրապետության հիմնական ֆոնդերի վերագնահատման մասին» թիվ 260 որոշմամբ վերագնահատված) հիմնական միջոցների վարձակալության տրման ժամանակ.
|
Վարձակալման
գործակիցը = 3x |
վարձակալության տրման պահին ԱՄՆ-ի 1 դոլարի
նկատմամբ դրամի հաշվարկային փոխարժեքը |
x 1 |
| |
1993թ. հուլիսի 1-ին ԱՄՆ-ի 1 դոլարի նկատմամբ
դրամի հաշվարկային փոխարժեքը |
Գլ |
որտեղ Գլ-ը 1995թ. մարտի 14-ի Լեռնային Ղարաբաղի Հանրապետության կառավարության թիվ 31 որոշմամբ հաստատված կարգով 1994թ. կտրվածքով մեկ միավոր հիմնական միջոցի արժեքի շահութաբերության և ճյուղային սահմանային շահութաբերության հարաբերությամբ հաշվարկված վերագնահատման գործակիցն է.
- 1993թ. հուլիսի 1-ից հետո ձեռք բերված և 1995 թվականի մարտի 14-ի Լեռնային Ղարաբաղի Հանրապետության կառավարության թիվ 31 որոշման համաձայն վերագնահատված հիմնական միջոցների վարձակալության տրման ժամանակ.
|
Վարձակալման
գործակիցը = |
վարձակալության տրման պահին ԱՄՆ-ի 1 դոլարի
նկատմամբ դրամի հաշվարկային փոխարժեքը |
| |
1995թ. հուլիսի 1-ին ԱՄՆ-ի 1 դոլարի նկատմամբ
դրամի հաշվարկային փոխարժեքը |
- 1995թ. հունվարի 1-ից հետո ձեռք բերված հիմնական միջոցների վարձակալության տրման ժամանակ.
|
Վարձակալման
գործակիցը = |
վարձակալության տրման պահին ԱՄՆ-ի 1 դոլարի
նկատմամբ դրամի հաշվարկային փոխարժեքը |
| |
ձեռք բերված ամսվա 1-ին ԱՄՆ-ի 1 դոլարի նկատմամբ
դրամի հաշվարկային փոխարժեքը |
բ) բյուջետային հիմնարկներում.
- մինչև 1993թ. հուլիսի 1-ը ձեռք բերված 1993թ. օգոստոսի 3-ի թիվ 260 և 1995թ. հունիսի 19-ի թիվ 110 որոշումներով վերագնահատված հիմնական միջոցների վարձակալության տրման ժամանակ.
|
Վարձակալման
գործակիցը = 3x |
վարձակալության տրման պահին ԱՄՆ-ի 1 դոլարի
նկատմամբ դրամի հաշվարկային փոխարժեքը |
| |
1995թ. հունիսի 1-ին ԱՄՆ-ի 1 դոլարի նկատմամբ
դրամի հաշվարկային փոխարժեքը |
- 1993թ. հուլիսի 1-ից հետո ձեռք բերված և 1995թ. հունիսի 19-ի թիվ 110 որոշմամբ վերագնահատված հիմնական միջոցների վարձակալության տրման ժամանակ.
|
Վարձակալման
գործակիցը = |
վարձակալության տրման պահին ԱՄՆ-ի 1 դոլարի
նկատմամբ դրամի հաշվարկային փոխարժեքը |
| |
1995թ. հունիսի 1-ին ԱՄՆ-ի 1 դոլարի նկատմամբ
դրամի հաշվարկային փոխարժեքը |
- 1995թ. հունիսի 1-ից հետո ձեռք բերված հիմնական միջոցների վարձակալության տրման ժամանակ.
|
Վարձակալման
գործակիցը = |
վարձակալության տրման պահին ԱՄՆ-ի 1 դոլարի
նկատմամբ դրամի հաշվարկային փոխարժեքը |
| |
ձեռք բերված ամսվա 1-ին ԱՄՆ-ի 1 դոլարի նկատմամբ
դրամի հաշվարկային փոխարժեքը |
Հաշվարկված վարձակալման գործակիցը մեկից փոքր լինելու դեպքում պետք է կիրառել մեկ գործակիցը, բացի «ա» կետի առաջին ենթակետով նախատեսված դեպքերի:
(1-ին կետը խմբ. 19.11.1996 N 227)
2. Վարձակալական վճարի չափը կարող է փոփոխվել կողմերի համաձայնությամբ, սակայն ոչ շուտ, քան` տարին մեկ անգամ:
(2-րդ կետը փոփ. 19.11.1996 N 227)
3. Սույն կարգով հաշվարկված վարձակալական վճարի մեծությունը հանդիսանում է`
ա) մեկնարկային գին` աճուրդով կամ մրցույթով վարձակալության տրամադրելիս.
բ) վերջնական գին` աշխատավորական կոլեկտիվների հայտով վարձակալական ձեռնարկությունների ստեղծման դեպքում:
4. Նախկինում կնքված վարձակալական պայմանագրերով նախատեսված վարձակալական վճարները վերահաշվարկվում են սույն կարգին համապատասխան:
Օ Ր Ի Ն Ա Կ Ն Ե Ր
Վարձակալական վճարի հաշվարկման
Օրինակ 1. Վարձակալական պայմանագրի` եռամսյակի սկզբին կնքման դեպքում
Դիցուկ կողմերի միջև վարձակալական պայմանագիրը կնքվել է 1995 թվականի հոկտեմբերի 1-ին:
Ձեռնարկության` վարձակալության տրամադրված հիմնական միջոցների ամորտիզացիոն մասհանումները 1995 թվականի 3-րդ եռամսյակում կազմել են 1,0 մլն դրամ: Վարձակալության տրամադրված հիմնական միջոցների հաշվեկշռային արժեքն այդ նույն ժամանակահատվածում կազմել է 60,0 մլն դրամ:
Գույքահարկի եռամսյակային դրույքաչափը (ելնելով դրա տարեկան դրույքաչափից) 0,2 տոկոս է: Այդ դեպքում 1996 թվականի 1-ին եռամսյակի համար վարձակալական վճարի չափը կկազմի`
|
Վ |
= |
1.0 +
|
60.0 x 0.2 |
|
------------- |
|
100
|
|
Վ |
= |
1.12 մլն դրամ |
Օրինակ 2. Վարձակալական պայմանագիր` ոչ եռամսյակի սկզբին կնքման դեպքում
Դիցուկ` կողմերի միջև վարձակալական պայմանագիրը կնքվել է 1995 թվականի դեկտեմբերի 10-ին:
Այդ դեպքում նախ որոշվում է վերը նշված ամսաթվից մինչև դեկտեմբերի 31-ն ընկած օրերի տարբերությունը (21 օր) և հարաբերվում եռամսյակի օրերի թվին (92)` տոկոսներով արտահայտված:
|
21 |
x100 |
= 22.8 տոկոս |
|
---- |
|
92 |
Հետևաբար, վարձակալական վճարի չափը տվյալ դեպքում կկազմի լրիվ եռամսյակի համար հաշվարկված գումարի (1,12 մլն դրամ) 22,8 տոկոս:
|
Վ
|
=
|
1.12 x |
22.8 |
|
|
------ |
= 0.25 մլն դրամ |
|
100 |
|