ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

Ո Ր Ո Շ ՈՒ Մ

П О С Т А Н О В Л Е Н И Е

ք.Ստեփանակերտ

г.Степанакерт

Լեռնային Ղարաբաղի Հանրապետության կառավարության 1997թ. օգոստոսի 7-ի «Լեռնային Ղարաբաղի Հանրապետության առանձին խմբերի քաղաքացիների արտոնությունների մասին» թիվ 139 որոշման 4-րդ կետին համապատասխան ԼՂՀ կառավարությունը որոշում է.

1. Մինչև ընտանեկան նպաստի ներդրումը հաստատել ջրամատակարարման, ջրահեռացման, աղբահանման, կապի (հեռախոս, ռադիո) ձեռնարկությունների կողմից անվճար և զեղչ սակագներով ծառայություններ մատուցելու հետևանքով չստացված եկամուտների (առաջացած վնասների) փոխհատուցման կարգը (կցվում է):

(1-ին կետը փոփ. 28.07.1998 N 129)

2. Սույն որոշումը կիրարկվում է 1998թ. հունվարի 1-ից:

ԿԱՐԳ

1. Ջրամատակարարման, ջրահեռացման, աղբահանման, կապի (հեռախոս, ռադիո) ձեռնարկությունները ԼՂՀ կառավարության 1997թ. օգոստոսի 7-ի թիվ 139 որոշման 1-ին կետի «ա» ենթակետում և 2-րդ կետում նշված առանձին խմբերի քաղաքացիներին մատուցում են ծառայություններ` անվճար և զեղչ սակագներով:

(2-րդ կետը փոփ. 28.07.1998 N 129)

2. Անվճար և զեղչ սակագներով ծառայություններ մատուցելու հետևանքով ձեռնարկություններին հատկացվելիք չստացված եկամուտների (առաջացած վնասների) փոխհատուցման գումարները հաշվարկելիս հիմք են ընդունվում այն սակագները և նորմատիվները, որոնք ընկած են սոցիալական փոխհատուցումների հաշվարկների հիմքում:

3. Արտոնություններ ունեցող առանձին խմբերի քաղաքացիների թվի մասին տվյալները ձեռնարկությունները ներկայացնում են վերադաս կառավարման մարմին` սկզբնական փաստաթղթերի հիման վրա, որոնք գրանցվում ու հաշվառվում են յուրաքանչյուր ձեռնարկությունում:

4. Համապատասխան նախարարությունները, գերատեսչությունները յուրաքանչյուր եռամսյակի ավարտից հետո անվճար և զեղչ սակագներով ծառայություններ մատուցող ձեռնարկությունների վիճակագրական հաշվետվությունների և հաշվեկշռային տվյալների հիման վրա ԼՂՀ էկոնոմիկայի և ֆինանսների նախարարություն են ներկայացնում հաշվարկներ չստացված եկամուտների (առաջացած վնասների) փոխհատուցման համար:

5. ԼՂՀ էկոնոմիկայի և ֆինանսների նախարարությունն ուսումնասիրում է ներկայացված վիճակագրական հաշվետվությունների, հաշվեկշիռների տվյալները, հաշվարկների ճշտությունը, վնասների առաջացման պատճառները և ուսումնասիրությունների արդյունքների հիման վրա 10-օրյա ժամկետում, սահմանված կարգով, ԼՂՀ կառավարություն է ներկայացնում առաջարկություն համապատասխան ձեռնարկություններին փոխհատուցում տալու վերաբերյալ:

(կարգը փոփ. 28.07.1998 N 129)