ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
ք.Ստեփանակերտ
«Հայրենական մեծ պատերազմի վետերանների մասին» Լեռնային Ղարաբաղի Հանրապետության օրենքի կիարկումն ապահովող միջոցառումների մասին
«Հայրենական մեծ պատերազմի վետերանների մասին» ԼՂՀ օրենքի 4 և 5 հոդվածներին համապատասխան Լեռնային Ղարաբաղի Հանրապետության կառավարությունը որոշում է.
1. Վետերաններին տրվող ամենամսյա պատվովճարի չափը սահմանել 10000 դրամ:
(1-ին կետը խմբ. 28.10.2003 N 285, փոփ. 23.12.2005 N 582)
2. Սահմանել, որ վետերանների և նրանց ընտանիքների անդամների համար «Հայրենական մեծ պատերազմի վետերանների մասին» օրենքով և այլ նորմատիվ իրավական ակտերով սահմանված սոցիալ-տնտեսական արտոնությունների իրագործման երաշխիքներն ապահովող` Լեռնային Ղարաբաղի Հանրապետության կառավարության լիազորած մարմինը Լեռնային Ղարաբաղի Հանրապետության սոցիալական ապահովության նախարարությունն է:
3. Հաստատել Հայրենական մեծ պատերազմի վետերանների պատվովճար տալու կարգը (կցվում է):
4. Սույն որոշումը ուժի մեջ է մտնում 2000 թվականի հունվարի 1-ից:
|
ԼՂՀ վարչապետ |
Ա. ԴԱՆԻԵԼՅԱՆ |
| |
Հաստատված է
ԼՂՀ կառավարության
2000թ. մարտի «21»-ի
թիվ 45 որոշմամբ |
Կ Ա Ր Գ
Հայրենական մեծ պատերազմի վետերաններին պատվովճար տալու
|
1. |
Պատվովճարը տրվում է միայն Հայրենական մեծ պատերազմի (1941-1945թթ.) մարտական գործողությունների մասնակիցներին: |
|
2. |
Պատվովճարը վճարվում է կենսաթոշակի վճարմանը զուգահեռ: |
|
3. |
Պատվովճարը տրվում է դրա ստանալու իրավունքն առաջանալու ամսվանից, եթե վետերանը անհրաժեշտ փաստաթղթերը ներկայացրել է պատվովճարը ստանալու իրավունքն առաջանալուց հետո` 6-ամսյա ժամկետում: Նշված ժամկետը լրանալուց հետո պատվովճարը տրվում է դիմումն անհրաժեշտ փաստաթղթերի հետ միասին ներկայացնելու ամսվանից: |
|
4. |
Պատվովճարի իրավունքն ունեցողներն իրենց կենսաթոշակ նշանակող մարմնին ներկայացնում են դիմում, վետերանների կարգավիճակը հաստատող փաստաթուղթ և տեղեկանք բնակության վայրից: |
|
5. |
Պատվովճարը վետերանին տալիս է կենսաթոշակ վճարող մարմինը` ըստ նրա փաստացի բնակության վայրի: |
|
6. |
Ժամանակին չստացած պատվովճարի գումարը վետերանին միանվագ վճարվում է անցած 3 տարուց ոչ ավելի ժամանակաշրջանի համար:
Պատվովճարը նշանակող և վճարող մարմնի մեղքով չվճարված պատվովճարի գումարները վճարում են առանց ժամկետի սահմանափակման: |
|
7. |
Սահմանված կարգով տրված լիազորագրի հիման վրա պատվովճարը կարող է վճարել միայն 3 ամսվա համար: |
|
8. |
Վետերանի մահվան դեպքում չստացված պատվովճարի գումարները ենթակա են ժառանգման` ԼՂՀ օրենսդրությամբ սահմանված կարգով: |
|
9. |
Պատվովճարի վճարումը դադարեցվում է հետևյալ դեպքերում.
ա) պետության լրիվ խնամքի տակ անցնելու,
բ) վետերանի մահվան:
Նշված դեպքերում պատվովճարի վճարումը դադարեցվում է այդ հանգամանքներն առաջանալու հաջորդ ամսվանից: |