ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

''30'' հուլիսի 2004թ.

N 284

ք.Ստեփանակերտ

 

ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏԻ ՆԿԱՐԱԳԻՐԸ ԵՎ ԱՅՆ ԿՐԵԼՈՒ ԺԱՄԿԵՏՆԵՐԸ ՍԱՀՄԱՆԵԼՈՒ ՄԱՍԻՆ

 

Համաձայն «Ոստիկանությունում ծառայության մասին» Լեռնային Ղարաբաղի Հանրապետության օրենքի 27-րդ հոդվածի առաջին և երկրորդ մասերի` Լեռնային Ղարաբաղի Հանրապետության կառավարությունը որոշում է.

1. Սահմանել ոստիկանության ծառայողի համազգեստի նկարագիրը և այն կրելու ժամկետները` համաձայն թիվ 1 և թիվ 2 հավելվածների:

2. Լեռնային Ղարաբաղի Հանրապետության ոստիկանության պետին` մինչև 2004թ. սեպտեմբերի 1-ը սահմանել ոստիկանության ծառայողին համազգեստ տրամադրելու, այն կրելու կարգն ու պայմանները:

 

 

ԼՂՀ ՎԱՐՉԱՊԵՏ

Ա.ԴԱՆԻԵԼՅԱՆ

 

 

Հավելված 1 ԼՂՀ կառավարության 2004թ. հուլիսի 30-ի թիվ 284 որոշման

 

ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏԻ ՁԵՎԸ ԵՎ ՆԿԱՐԱԳԻՐԸ

 

Ոստիկանության բարձրագույն, գլխավոր, ավագ, միջին և կրտսեր խմբերի պաշտոններ զբաղեցնող ոստիկանության ծառայողները համազգեստը կրում են ըստ շնորհված ոստիկանության կոչումների:

(նախաբանը լրաց, 26.06.2007 N 285)

 

1. Ոստիկանության բարձրագույն կոչում ունեցող ոստիկանության ծառայողի համազգեստը

 

1.1 Գլխարկ` ականջակալներով, կարակուլե

Մահուդից բաղկացած` թասակից, ականջակալներից և ճակատային մասից (հովհար): Ականջակալները և հովհարը մշակված են մոխրագույն բնական կարակուլից: Թասակը չորստապականի է, հովհարի առջևի կենտրոնական մասում ամրացվում է գլխարկանշան:

1.2. Գլխարկ` բրդյա, ամենօրյա

Մուգ մոխրագույն կտորից, կարմիր կանտով և գլխարկաբոլորքով: Կազմված է սև, լաքապատ գլխարկահովարից և գլխարկաբոլորքից, որի վրա 2 ոսկեգույն կոճակով ամրացվում է ոսկեզօծ զարդապարան (գոտի): Գլխարկաբոլորքի վերևի և գագաթի միացման տեղերով անցնում է 2 մմ լայնքով` կարմիր մահուդից պատրաստված կանտ: Գագաթնամասում ամրացվում է Լեռնային Ղարաբաղի Հանրապետության զինանշանը: Գլխարկաբոլորքի վրա առջևի կենտրոնական մասում ամրացվում են ոսկեզօծ թելերով ասեղնագործված դափնեճյուղեր և գլխարկանշան:

(1.2-րդ կետը փոփ. 26.06.2007 N 285)

1.3. Գլխարկ` բրդյա, տոնական

Կռուցվածքով և ձևով նման է 1.2-րդ կետում նկարագրված ամենօրյա բրդյա գլխարկին: Կարվում է նույն կտորից, ինչ որ տոնական կիտելը: Գլխարկահովհարի արտաքին մակերեսի վրա, առջևի մասում, 2 կողմից ոսկեզօծ թելերով ասեղնագործվում են դափնե ճյուղեր:

(1.3-րդ կետը փոփ.. լրաց. 26.06.2007 N 285)

1.4. Պիլոտկա` բրդյա

Մուգ մոխրագույն կտորից: Կազմված է երկարացված հատակի 2 մասից, 2 պատից և 2 փեշերից:

Վերծալված եզրակարերն ավարտվում են կարմիր կանտով: Ձախ կողմում ունի օդանցքի 3 անցք: Առջևի կենտրոնական մասում ամրացվում է գլխարկանշան:

1.5. Վերարկու` ձմեռային, բրդյա, կարակուլե օձիքով, ուսադիրներով

Մուգ մոխրագույն կտորից է, հանովի բնական կարակուլե օձիքով: Ձևվածքն ունի կիպ նստած ուրվագիծ: Երկու լանջափեշերը կոճկվում են 3 զույգ ոսկեգույն կոճակով, 2 գրպանը` ներկարովի, կափույրներով: Օձիքը ծալովի է, ծայրերը կարմիր եզրակարերով: Մեջքամասը` մեջտեղի կարով, հետևամասում` 2 կոճակով իրանաձիգ գոտի: Թևքերը երկկարանի, ներկարված: Աստառը մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն:

1.6. Կիսավերարկու` գարնանային – աշնանային, ուսադիրներով

Մուգ մոխրագույն կտորից, անջատվող մորթե օձիքով, ուղիղ ուրվագծով և տաք ներդիրով, կոճկվում է կափույրով ծածկվող շղթայով: Թիկունքը` վերին կտրվածքով: Լանջափեշերի ներքևի մասերում` մեծ, վրադիր կափույրներով գրպաններ, իսկ վերևի մասում` թեք ներկարված փոքր գրպաններ: Աստառը մետաքսյա, ձախ կողմում ունի ծոցագրպան: Ուսադիրները` հանովի, մուգ մոխրագույն:

1.7. Վերարկու` գարնանային – աշնանային, ուսադիրներով

Մուգ մոխրագույն բրդյա կտորից, ուղիղ ուրվագծով, ձախ լանջափեշը 4 կոճակով կոճկվող գաղտնակար հանգույցով: Հանովի տաք ներդիրով, պլաստմասսայե ճարմանդով կոճկվող գոտիով: Օձիքը` ծալովի, մեջքամասը` վերին կտրվածքով, մեջտեղում` կարով: Թևքերը ներկարված, երկկարանի, կոճակով ամրացված լեզվակով: Աստառը մետաքսյա, ձախ կողմում ունի ծոցագրպան: Երկու լանջափեշի վրա թեք ներկարված մեծ գրպաններ: Ուսադիրները` հանովի, մուգ մոխրագույն:

1.8. Կիտել՝ բրդյա, պողպատագույն, տոնական, ուսադիրներով

Երկփեշ, 6 ոսկեգույն կոճակը տեղադրված են երկշարք: Հետծալված, կարմիր եզրով օձիքի վրա ոսկեզօծ թելով ասեղնագործված է հատուկ պատկեր (դափնեճյուղ): 2 թևքաբերանին ոսկեզօծ թելով ասեղնագործված են դափնեճյուղեր, կարմիր կանտերին զուգահեռ ասեղնագործված են ոսկեզօծ մակաշերտեր: Կիտելի 2 փեշի ներքևի մասերում՝ ձևավոր կափույրով ներկարված գրպաններ: Աստառը՝ մետաքսյա, ձախ կողմում ունի ծոցագրպան: Ուսադիրները՝ կարովի, ոսկեզօծ:

(1.8-րդ կետը խմբ. 26.06.2007 N 285)

1.9. Կիտել՝ բրդյա, ուսադիրներով

Մուգ մոխրագույն կտորից, երկփեշ, 6 ոսկեգույն կոճակը տեղադրված են երկշարք: Հետծալված, կարմիր եզրով օձիքի վրա ոսկեզօծ թելով ասեղնագործված է հատուկ պատկեր (դափնեճյուղ): Կիտելի 2 փեշի ներքևի մասերում՝ ձևավոր կափույրով ներկարված գրպաններ: Աստառը՝ մետաքսյա, ձախ կողմում ունի ծոցագրպան: Ուսադիրները՝ կարովի, ոսկեզօծ:

(1.9-րդ կետը խմբ. 26.06.2007 N 285)

1.10. Բաճկոն` բրդյա, ուսադիրներով

Մուգ մոխրագույն կտորից, միակողմ, վրադիր օձիքով, շղթայով կոճկվող: Կրծքամասի 2 կողմում տեղադրված են վրադիր շերտակարով, ոսկեգույն կոճակով կոճվող կափույրով գրպաններ: Մեջքամասը վերին կտրվածքով, թևերը միակար թեզանիքներով և կտրվածքով: Գոտկատեղի կողամսերում` ոսկեգույն կոճակով կոճվող բացվածքներ: Թեզանիքները կոճկվում են 2 ոսկեգույն կոճակով: Աստառը մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն:

1.11. Տաբատ` բրդյա, ամենօրյա

Մուգ մոխրագույն կտորից, ուղիղ ուրվագծով: Գոտին գոտեմակօղերով, կոճկվում է 2 կոճակով և շղթայով, մետաքսյա աստառով, կողագծերը կարմիր կանտով և 2 սմ լայնությամբ 2 գունաժապավենով: Արտաքին գրպանները ուղիղ: Հետևամասի աջ կողմում` կոճակով կոճվող կափույրով գրպան:

1.12. Տաբատ` բրդյա, տոնական

Կառուցվածքով և ձևով նման է 1.11-րդ կետում նկարագրված ամենօրյա տաբատին: Կարվում է մուգ կապույտ գույնի կտորից:

(1.12-րդ կետը խմբ. 26.06.2007 N 285)

1.13. Վերնաշապիկ` կարճաթև, ուսադիրներով

Սպիտակ կամ մոխրագույն-երկնագույն կտորից, ծալովի օձիքով, կրծքամասում կոճակով կոճկվող կափույրով և շերտակարով վրադիր գրպաններ: Ուղիղ գոտիով, կարագծերին` էլաստիկ ժապավեններ: Հետևամասը վերին կտրվածքով: Կոճկվում է 8 կոճակով, ձախ կտրվածքը շերտակարով: Թևերը կարճ, ուղիղ թևքածալերով: Ուսերին` գոտեմակօղեր` ուսադիրների համար:

1.14. Վերնաշապիկ` երկարաթև, ուսադիրներով

Սպիտակ կամ մոխրագույն-երկնագույն կտորից, օձիքը կանգուն կտրվածքով, կրծքամասում, կոճակով կոճկվող կափույրով և շերտակարով վրադիր գրպաններ: Ուղիղ գոտիով, կարագծերին` էլաստիկ ժապավեններ: Հետևամասը վերին կտրվածքով: Կոճկվում է 8 կոճակով: Ձախ կտրվածքը շերտակարով: Թևերը երկար, կոճակով կոճվող թեզանիքներով: Ուսերին` գոտեմակօղեր` ուսադիրների համար:

1.15. Փողկապ` սև, մուգ մոխրագույն

Ունի լայնացած ուրվագծով ձևվածք: Պատրաստի տեսքն ավարտվում է ներքևում` սուր անկյւնով, վերևում մշտական հանգույցով: Օձիքի տակ ամրանում է էլաստիկ ժապավենով և ամրակով:

1.16. Կաշնե` սպիտակ, մուգ մոխրագույն

Սպիտակ տրիկոտաժե կաշնեն նախատեսված է տոնական, իսկ մուգ մոխրագույնը ամենօրյա հանդերձանքի համար, լայնքը` 24 սմ, երկարությունը 120 սմ:

1.17. Ներքնաշոր` ամառային

Բամբակյա կտորից, բաղկացած է ներքնաշապիկից և վարտիկից: Ձևածքն ունի ուղիղ ուրվագիծ: Ներքնաշապիկը երկարաթև, վզի բացվածքը` կլոր: Առաջամասում մշակված փոքր բացվածք, կոճկվում է մեկ կոճակով: Վարտիքի առաջամասում ունի փոքր բացվածք, իսկ հետևամասի վերին հատվածը` կտրվածքով: Գոտին առաջամասում կոճկվում է 2 կոճակով:

1.18. Ներքնաշոր` ձմեռային

Կառուցվածքով և ձևով նման է 1.17-րդ կետում նկարագրված ամառային ներքնաշորին: Կարվում է բամբակյա կտորից:

1.19. Կաշվե գոտի` սև, Լեռնային Ղարաբաղի Հանրապետության զինանշանի պատկեր ունեցող ճարմանդով:

50 մմ. լայնությամբ, երկանցք մետաղյա ճարմանդը Լեռնային Ղարաբաղի Հանրապետության զինանշանի պատկերով:

1.20. Գոտի` տոնական, Լեռնային Ղարաբաղի Հանրապետության զինանշանի պատկեր ունեցող ճարմանդով

Ծիրանագույն, սինթետիկ գործվածքից, մետաղյա ճարմանդը Լեռնային Ղարաբաղի Հանրապետության զինանշանի պատկերով:

1.21. Գոտի` տաբատի, կաշվից

35 մմ լայնությամբ, մետաղյա ճարմանդով:

1.22. Կիսաճտքավոր` կոշիկ

Սև գույնի կաշվից: Երեսամասը ամբողջական առաջամասով, ճտքերի հետևամասերն ունեն երկարացված գոտի: Լեզվակը միացված է առաջամասին և ճտքերի ստորին մասին, ներբանների եզրերը վրաքաշվող մասերի հետ կարերով, միացման մեթոդը` սոսնձով:

1.23. Կոշիկ

Սև գույնի կաշվից: Երեսամասը ամբողջական առաջամասով, կտրված հետևամասերով ամրացված գոտիով:

Հետևամասերի միացումն առաջամասերին` էլաստիկ ժապավենով: Հիմնական և միջնաստառները կտորից, կոշտ քթամասերը և հետևամասերը արհեստական կաշվից: Ներբանը ձևավորված է պոլիուրէթանից սոսնձով միացման մեթոդով:

1.24. Կիսագուլպա` կիսբրդյա, սև կամ մուգ մոխրագույն

1.25. Կիսագուլպա` բամբակյա, սև կամ մուգ մոխրագույն

1.26. Ձեռնոց` բրդյա, սև, հինգմատնյա

1.27. Ձեռնոց` սինթետիկ, սպիտակ, հինգմատնյա

1.28. Թիկնոց- ուսնոց` կրելու գոտիով

Մուգ մոխրագույն, անջրանցիկ կտորից, ուղիղ ուրվագծով, օձիքը կենտրոնական 5 կոճակով կոճկվող գաղտնի հանգույցով: Լանջափեշերի վրա թեք ներկարված միջանցիկ բացվածքներ, հանովի գլխանոցով: Օձիքը` ծալովի: Մեջքամասը դեպի դուրս բացվող վերին կարով:

1.29. Փողկապի ամրակ

Երկճյուղանի մետաղյա շերտիկ:

1.30. Ուսկապ (աքսելբանտ)

Ծիրանագույն լարահյուսքերով, 2 արույրե ծայրապանակով:

 

2. Ոստիկանության գլխավոր, ավագ, միջին և կրտսեր կոչումներ ունեցող ոստիկանության ծառայողների համզգեստ

(2-րդ կետը լրաց. 26.06.2007 N 285)

 

2.1. Գլխարկ` ականջակալներով, կարակուլե (գնդապետների համար)

Կառուցվածքով և ձևով նման է 1.1-ին կետում նկարագրված գլխարկին:

2.2. Գլխարկ` ականջակալներով

Մահուդից, բաղկացած է թասակից, ականջակալներից և ճակատային մասից (հովհար): Ականջակալները և հովհարը մշակված են ոչխարի մոխրագույն մորթուց (ոստիկանության գլխավոր և ավագ կոչումներ ունեցողների համար), արհեստական մորթուց (ոստիկանության կրտսեր կոչում ունեցողների համար): Թասակը չորստապականի է, հովհարի առջևի կենտրոնական մասում ամրացվում է գլխարկանշան:

2.3. Գլխարկ` բրդյա (կիսաբրդյա), ամենօրյա

Մուգ մոխրագույն կտորից, կարմիր կանտով և գլխարկաբոլորքով: Բաղկացած է սև լաքապատ գլխարկահովհարից և գլխարկաբոլորքից, որի վրա 2 փոքր մետաղյա կոճակով ամրացված է ոսկեզօծ զարդապարան (գոտի): Գլխարկաբոլորքի վերևի և գագաթի միացման տեղով անցնում է 2 մմ լայնքով կարմիր մահութից պտրաստված կանտ: Գագաթնամասում ամրացվում է Լեռնային Ղարաբաղի Հանրապետության զինանշանը (գնդապետների համար): Գլխարկաբոլորքի վրա առջևի կենտրոնական մասում ամրացվում է գլխարկանշան:

(2.3-րդ կետը փոփ. 26.06.2007 N 285)

2.4. Գլխարկ` բրդյա, տոնական

Կառուցվածքով և ձևով նման է 2.3-րդ կետում նկարագրված ամենօրյա բրդյա գլխարկին, կարվում է նույն կտորից, ինչ որ տոնական կիտելը և տաբատը:

2.5. Գլխարկ` սինթետիկ, ամենօրյա

Կառուցվածքով և ձևով նման է 2.3-րդ կետում նկարագրված ամենօրյա գլխարկին, կարվում է նույն կտորից, ինչ որ սինթետիկ բաճկոնը և տաբատը:

2.6. Պիլոտկա` բրդյա

Մուգ մոխրագույն կտորից: Բաղկացած է երկարացված հատակի 2 մասից, 2 պատից և 2 փեշիկից:

Վերծալված եզրակարերն ավարտվում են կարմիր կանտով: Ձախ կողմում ունի օդանցքի 3 անցք: Առջևի կենտրոնական մասում ամրացվում է գլխարկանշան:

2.7. Վերարկու` ձմեռային, բրդյա, կարակուլե օձիքով, ուսադիրներով (գնդապետների համար)

Կառուցվածքով և ձևով նման է 1.5-րդ կետում նկարագրված ձմեռային վերարկուին առանց կարմիր կանտի:

2.8. Կիսավերարկու` ձմեռային, ուսադիրներով

Մուգ մոխրագույն կտորից, անջատվող մորթե օձիքով, ուղիղ ուրվագծով և տաք ներդիրով: Կոճկվում է կափույրով ծածկվող շղթայով: Թիկունքը` վերին կտրվածքով: Լանջափեշերի ներքևի մասում` մեծ, վրադիր կափույրով գրպաններ, իսկ վերևի մասում` թեք ներկարված փոքր գրպաններ: Աստառը` մետաքսյա, ձախ կողմում` ծոցագրպան: Ուսադիրները` հանովի, մուգ մոխրագույն:

2.9. Վերարկու` բրդյա (կիսաբրդյա), գարնանային - աշնանային ուսադիրներով

Մուգ մոխրագույն բրդյա (ոստիկանության գլխավոր և ավագ կոչումներ ունեցողների համար), կիսբրդյա (ոստիկանության կրտսեր կոչում ունեցողների համար) կտորից, ուղիղ ուրվագծով, ձախ լանջափեշը 4 կոճակով կոճկվող գաղտնակար հանգույցով: Հանովի տաք ներդիրով, պլաստմասսայե ճարմանդով կոճկվող գոտիով, մինչև ներքև ձգվող տակդիրով: Օձիքը` ծալովի, մեջքամասը` վերին կտրվածքով, մեջտեղում կարով: Թևքերը երկկարանի: Երկու լանջափեշի վրա` թեք ներկարված մեծ գրպաններ: Աստառը մետաքսյա, ձախ կողմում` ծոցագրպան: Ուսդիրները` հանովի, մուգ մոխրագույն:

2.10. Կիտել բրդյա, ամենօրյա ուսադիրներով

Գլխավոր կոչում ունեցող ծառայողի համար՝ մուգ մոխրագույն կտորից, երկփեշ, 6 ոսկեգույն կոճակը տեղադրված են երկշարք, հետծալված օձիքով: Կիտելի 2 փեշի ներքևի մասերում՝ ձևավոր կափույրով ներկարված գրպաններ: Աստառը՝ մետաքսյա, ձախ կողմում ունի ծոցագրպան: Ուսադիրները՝ կարովի, մուգ մոխրագույն:

Ավագ, միջին և կրտսեր կոչումներ ունեցող ծառայողների համար՝ մուգ մոխրագույն կտորից, միափեշ, միակող, 4 ոսկեգույն կոճակով, վրադիր օձիքով: Կիտելի կրծքամասի երկու կողմում տեղա-դրված են վրադիր շերտակարով, իսկ փեշերի ներքևի մասերում՝ ներկարված գրպաններ՝ ձևավոր կափույրով: Աստառը՝ մետաքսյա, ձախ կողմում ծոցագրպան: Ուսադիրները՝ կարովի, մուգ մոխրագույն:

(2.10-րդ կետը խմբ. 26.06.2007 N 285)

2.11. Կիտել՝ բրդյա, տոնական ուսադիրներով

Գլխավոր կոչում ունեցող ծառայողների համար՝ մուգ մոխրագույն կտորից, երկփեշ, 6 ոսկեգույն կոճակը տեղադրված են երկշարք: Կիտելի 2 փեշի ներքևի մասերում՝ ձևավոր կափույրով ներկարված գրպաններ: Աստառը՝ մետաքսյա, ձախ կողմում ունի ծոցագրպան: Ուսադիրները՝ կարովի, մուգ մոխրագույն:

Ավագ, միջին և կրտսեր կոչում ունեցող ծառայողների համար՝ մուգ մոխրագույն կտորից: Կառուցվածքով և ձևով նման է 2.10-րդ կետի երկրորդ պարբերությունում նկարագրված բրդյա կիտելին՝ առանց կրծքամասի վրադիր գրպանների:

(2.11-րդ կետը խմբ. 26.06.2007 N 285)

2.12. Բաճկոն` բրդյա, ուսադիրներով

Մուգ մոխրագույն կտորից, միակողմ, վրադիր օձիքով, շղթայով կոճկվող, կրծքամասի 2 կողմում տեղադրված են վրադիր շերտակարով, ոսկեգույն կոճակով կոճկվող կափույրով գրպաններ: Մեջքամասը վերին կտրվածքով, թևքերը միակար թեզանիքներով և կտրվածքով: Գոտկատեղի կողամասերում` ոսկեգույն կոճակով կոճկվող բացվածքներ: Թեզանիքները կոճկվում են 2 ոսկեգույն կոճակով: Աստառը` մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն:

2.13. Բաճկոն` սինթետիկ, ուսադիրներով

Մուգ մոխրագույն կտորից: Կառուցվածքով և ձևով նման է 2.12-րդ կետում նկարագրված բրդյա բաճկոնին:

2.14. Տաբատ` բրդյա, ամենօրյա

Մուգ մոխրագույն կտորից, ուղիղ ուրվագծով: Մետաքսյա աստառով, կողագծերը կարմիր կատնով: Գոտին գոտեմակօղերով, կոճկվում է 2 կոճակով և շղթայով: Արտաքին գրպանները թեք են, տեղադրված կանտից առաջ: Հետևամասի աջ կողմում` կոճակով կոճկվող կափույրով գրպան:

2.15. Տաբատ` բրդյա, տոնական

Կառուցվածքով և ձևով նման է 2.14-րդ կետում նկարագրված ամենօրյա տաբատին:

2.16. Տաբատ` սինթետիկ

Կառուցվածքով և ձևով նման է 2.14-րդ կետում նկարագրված ամենօրյա տաբատին:

2.17. Վերնաշապիկ` կարճաթև և երկարաթև, ուսադիրներով

Կառուցվածքով և ձևով նման է 1.13-րդ և 1.14-րդ կետերում նկարագրված վերնաշապիկներին:

2.18. Փողկապ` սև, մուգ մոխրագույն

Կառուցվածքով և ձևով նման է 1.15-րդ կետում նկարագրված փողկապին:

2.19. Կաշնե` սպիտակ, մուգ մոխրագույն

Կառուցվածքով և ձևով նման է 1.16-րդ կետում նկարագրված կաշնեին:

2.20 Մայկա` տրիկոտաժե, սպիտակ, կարճաթև

Ուղիղ ձևվածքով, կլոր օձիքով:

2.21. Ներքնաշոր` ամառային

2.22. Ներքնաշոր` ձմեռային

2.23. Կաշվե գոտի` սև

50 մմ լայնությամբ, երկանցք մետաղյա ճարմանդով, վրան հավաքվում են արտաքին ծառայության համար անհրաժեշտ պարագաների գրպանիկներ:

2.24. Գոտի` տաբատի, կաշվից

35 մմ լայնությամբ, մետաղյա ճարմանդով:

2.25. Կիսաճտքավոր կոշիկ

Սև գույնի կաշվից: Երեսամասը` ամբողջական առաջամասով, ճտքերի հետևամասերն ունեն երկարացված գոտի: Լեզվակը միացված է առաջամասին և ճտքերի ստորին մասին: Ներբանների եզրերը` վրաքաշվող մասերի հետ կարերով, միացման մեթոդը` սոսնձով:

2.26. Կոշիկ

Սև գույնի կաշվից: Երեսամասը` ամբողջական առաջամասով, կտրված հետևամասերով, ամրացված գոտիով:

Հետևամասերի միացումն առաջամասերին էլաստիկ ժապավենով: Հիմնական և միջնաստառները կտորից, կոշտ քթամասերը և հետևամասերը արհեստական կաշվից: Ներբանը ձևավորված է պոլիուրէթանից` սոսնձող միացման մեթոդով:

2.27. Կիսագուլպա` կիսաբրդյա, սև, մուգ մոխրագույն

2.28. Կիսագուլպա` բամբակյա, սև, մուգ մոխրագույն

2.29. Ձեռնոց` բրդյա, սև, հինգմատնյա

2.30. Ձեռնոց` սինթետիկ, սպիտակ, հինգմատնյա

2.31. Թիկնոց – ուսնոց` կրելու գոտիով

Կառուցվածքով և ձևով նման է 1.28-րդ կետում նկարագրված թիկնոց- ուսնոցին:

2.32. Սուլիչ

2.33. Փողկապի ամրակ

2.34. Թաշկինակ

2.35. Զորանոցային հողաթափ

2.36. Զինվորական երկմատնյա ձեռնոց

 

3. Ոստիկանության գլխավոր, ավագ, միջին և կրտսեր կոչումներ ունեցող ոստիկանության կին ծառայողների համազգեստը

(3-րդ կետը փոփ. 26.06.2007 N 285)

 

3.1. Գլխարկ` ականջակալներով, կարակուլից (գնդապետների համար)

Կառուցվածքով և ձևով նման է 1.1-ին կետում նկարագրված գլխարկին:

3.2. Գլխարկ` ականջակալներով

Մահուդից, բաղկացած է թասակից, ականջակալներից և ճակատային մասից (հովհար): Ականջակալները և հովհարը մշակված են ոչխարի մոխրագույն մորթուց (ոստիկանության գլխավոր և ավագ կոչումներ ունեցողների համար), արհեստական մորթուց (ոստիկանության կրտսեր կոչում ունեցողների համար): Թասակը չորստապականի է, հովհարի առջևի կենտրոնական մասում ամրացվում է գլխարկանշան:

3.3. Պիլոտկա` բրդյա

Մուգ մոխրագույն կտորից: Բաղկացած է երկարացված հատակի 2 մասից, 2 պատից և կենտրոնական մասում իրար վրա ծալվող 2 փեշիկից: Վերծալված եզրակարերը կարմիր: Ձախ կողմում ունի օդանցքի 3 անցք: Առջևի կենտրոնական մասում ամրացվում է գլխարկանշան:

3.4. Գլխարկ` բրդյա, ամենօրյա

Մուգ մոխրագույն կտորից: Բաղկացած է գագաթից և ոլորաբոլորքից: Ունի զուգահեռ զարդակարված լայն եզր: Առաջամասում 2 ոսկեգույն կոճակով ամրացվում է զարդապարանը: Ոլորաբոլորքն ունի մետաղյա օղակներով 4 անցք, առջևի կենտրոնական մասում ամրացվում է գլխարկանշան:

3.5. Գլխարկ` սինթետիկ

Կառուցվածքով և ձևով նման է ամենօրյա գլխարկին:

3.6. Գլխարկ` բրդյա, տոնական

Կառուցվածքով և ձևով նման է ամենօրյա գլխարկին, կարվում է նույն կտորից, ինչ որ տոնական կիտելը և կիսաշրջազգեստը:

3.7. Վերարկու` ձմեռային, բրդյա, կարակուլե օձիքով, ուսադիրներով (գնդապետների համար)

Մուգ մոխրագույն կտորից, հանովի, բնական կարակուլե օձիքով: Ձևվածքն ունի նստած ուրվագիծ, լանջափեշերը կոճկվում են 5 ոսկեգույն կոճակով, թևքերը երկկարանի, երկու գրպանը ներկարովի ուղիղ: Հետևամասը երկու կտորից, բաց ծալվածքով, 2 ոսկեգույն կոճակով կոճկվող իրանաձիգ գոտի: Աստառը մետաքսյա, ձախ կողմում ունի ծոցագրպան: Ուսադիրները կարովի, մուգ մոխրագույն:

3.8. Կիսավերարկու` ձմեռային, ուսադիրներով

Մուգ մոխրագույն կտորից, հանովի մորթե օձիքով, ուղիղ ուրվագծով և տաք ներդիրով: Կոճկվում է կափույրով ծածկվող շղթայով: Թիկունքը` վերին կտրվածքով: Լանջափեշերի ներքևի մասերում մեծ, վրադիր գրպաններ, իսկ վերևի մասում թեք ներկարված փոքր գրպաններ: Աստառը` մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն:

3.9. Վերարկու` գարնանային - աշնանային, ուսադիրներով

Մուգ մոխրագույն բրդյա (ոստիկանության գլխավոր և ավագ կոչումներ ունեցողների համար), կիսբրդյա (ոտիկանության կրտսեր կոչում ունեցողների համար) կտորից: Ձևվածքն ունի կիսանստած ուրվագիծ: Աջ լանջափեշը 4 կոճակով կոճկվող գաղտնակար հանգույցով: Թևերը երկկարանի: Լանջափեշերն ունեն կողքի կտրվածքներ, կրծքամասը սեղմոններով: Հետևամասը ներքևում ավարտվում է բաց ծալվածքով: Աստառը սինթետիկ, ձախ կողմում ունի ծոցագրպան: Ուսադիրները հանովի, մուգ մոխրագույն:

3.10. Կիտել` բրդյա, ամենօրյա ուսադիրներով

Մուգ մոխրագույն կտորից: Միափեշ, միակողմ 3 ոսկեգույն կոճակով, վրադիր օձիքով: Կրծքամասը սեղմոններով, փեշերի ներքևի մասերում ներկարվող կափույրով թեք գրպաններ: Աստառը մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն:

3.11. Կիտել` բրդյա, տոնական, ուսադիրներով

Կառուցվածքով և ձևով նման է 3.10-րդ կետում նկարագրված ամենօրյա կիտելին:

3.12. Բաճկոն`բրդյա ուսադիրներով

Մուգ մոխրագույն կտորից, միակողմ, վրադիր օձիքով: Շղթայով կոճկվող: Կրծքամասի 2 կողմում տեղադրված են վրադիր շերտակարով, ոսկեգույն կոճակով կոճկվող կափույրով գրպաններ: Մեջքամասը վերին կտրվածքով, թևքերը միակար թեզանիքներով և կտրվածքով: Գոտկատեղի կողամասերում` ոսկեգույն կոճակով կոճկվող բացվածքներ: Թեզանիքները կոճկվում են 2 ոսկեգույն կոճակով: Աստառը` մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն:

3.13. Բաճկոն` սինթետիկ, ուսադիրներով

Կառուցվածքով և ձևով նման է 3.12-րդ կետում նկարագրված բրդյա բաճկոնին:

3.14. Կիսաշրջազգեստ` բրդյա ամենօրյա

Մուգ մոխրագույն, ուղիղ կարվածքով, երկկողմանի սեղմոններով, աստառով: Գոտին` գոտեմակօղերով, կողամասում կոճկվում է մեկ կոճակով: Հետևամասում բացվածքով, կողամասում կոճկվում է մեկ կոճակով և շղթայով:

3.15. Կիսաշրջազգեստ` սինթետիկ, ամենօրյա

Կառուցվածքով և ձևով նման է 3.14-րդ կետում նկարագրված կիսաշրջազգեստին:

3.16. Կիսաշրջազգեստ` բրդյա, տոնական

Կառուցվածքով և ձևով նման է 3.14-րդ կետում նկարագրված կիսաշրջազգեստին:

3.17. Տաբատ` բրդյա

Մուգ մոխրագույն կտորից: Առաջամասը մշակված սեղմոններով, գոտին գոտեմակօղերով, կոճկվում է ձախ կողմից մեկ կոճակով և շղթայով: Մետաքսյա աստառով, կողագծերը` կարմիր կանտով: Արտաքին գրպանները թեք: Փողքերի ծայրերը թեզանիքներով:

3.18. Վերնաշապիկ` կարճաթև, երկարաթև, ուսադիրներով

Կառուցվածքով և ձևով նման է 1.13-րդ և 1.14-րդ կետերում նկարագրված վերնաշապիկներին, ձախ շերտակարի փոխարեն կարվում է աջ շերտակար:

3.19. Փողկապ` սև, մուգ մոխրագույն

Կառուցվածքով և ձևով նման է 1.15-րդ կետում նկարագրված փողկապին:

3.20. Կաշնե` սպիտակ, մուգ մոխրագույն

Կառուցվածքով և ձևով նման է 1.16-րդ կետում նկարագրված կաշնեին:

3.21. Կաշվե գոտի` սև

Կառուցվածքով և ձևով նման է 2.23-րդ կետում նկարագրված գոտուն:

3.22. Գոտի` տաբատի, կաշվից

Կառուցվածքով և ձևով նման է 2.24-րդ կետում նկարագրված գոտուն:

3.23. Կիսաճտքավոր կոշիկ

Սև գույնի կաշվից: Երեսամասը` ամբողջական կամ կտրված քթամասով, երկարացված ձևավոր հետևամասերով, կրունկը մինչև 5.5 սմ բարձրության: Ճտքերի վերնամասերը ծալված աստառի հետ միացված են փափուկ մեջդիրով: Լեզվակը միացված է առաջամասին:

3.24. Կոշիկ

Սև գույնի կաշվից: Երեսամասը ամբողջական, հետևամասի և առաջամասի հետ ծալված եզրերով: Ներբանը ձևավորված է պոլիուրէթանից սոսնձով միացման մեթոդով: Կրունկը մինչև 5 սմ բարձրության, երեսամասի նյութով:

3.25. Ներքնազգեստ` ամառային

3.26. Ներքնազգեստ` ձմեռային

3.27. Գուլպա` տրիկոտաժե, սև, մուգ մոխրագույն

3.28. Զուգագուլպա` կիսաբրդյա, կապրոնե

3.29. Ձեռնոց` բրդյա, սև, հինգմատնյա

3.30. Ձեռնոց` սինթետիկ, սպիտակ, հինգմատնյա

3.31. Թիկնոց-ուսնոց` կրելու գոտիով

3.32. Սուլիչ

3.33. Փողկապի ամրակ

Հանդերձանքի տեսակները տրվում են ըստ հասանելիք նորմաների:

Փողկապը, ձեռնոցները, տաբատի գոտին, կաշվե սև գոտին, թիկնոց-ուսնոցը իր կրելու գոտիով, և ձեռնոցները նույնն են, ինչ որ` ոստիկանության գլխավոր, ավագ, միջին և կրտսեր կոչումներ ունեցող ոստիկանությունում ծառայող տղամարդկանց համար:

(վերջին պարբերությունը լրաց. 26.06.2007 N 285)

 

 

ԼՂՀ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Ս.ԳՐԻԳՈՐՅԱՆ

 

 

Հավելված 2 ԼՂՀ կառավարության 2004թ. հուլիսի 30-ի թիվ 284 որոշման

 

ՈՍՏԻԿԱՆՈՒԹՅԱՆ ԲԱՐՁՐԱԳՈՒՅՆ ԿՈՉՈՒՄ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏ ԿՐԵԼՈՒ ԺԱՄԿԵՏՆԵՐԸ

 

(ՆՈՐՄԱ 1)

դդ ը/կ	Անվանումը	Քանակը	Կրելու ժամկետը	Ծանո- թագրու- թյուն
1.	Գլխարկ ականջակալներով, կարակուլե	1 հատ	6 տարի
2.	Գլխարկ բրդյա, ամենօրյա	1 հատ	3 տարի
3.	Գլխարկ բրդյա, տոնական	1 հատ	5 տարի
4.	Պիլոտկա բրդյա	1 հատ	3 տարի
5.	Վերարկու ձմեռային, բրդյա, կարակուլե օձիքով, ուսադիրներով	1 հատ	5 տարի
6.	Կիսավերարկու գարնանային-աշնանային, ուսադիրներով	1 հատ	5 տարի	4
7.	Վերարկու բրդյա, գարնանային-աշնանային, ուսադիրներով	1 հատ	5 տարի
8.	Կիտել բրդյա, պողպատագույն, տոնական, ուսադիրներով	1 հատ	5 տարի
9.	Կիտել բրդյա, ուսադիրներով	1 հատ	5 տարի
10.	Բաճկոն բրդյա, ուսադիրներով	1 հատ	3 տարի
11.	Տաբատ բրդյա, ամենօրյա	2 հատ	2 տարի
12.	Տաբատ բրդյա, տոնական	1 հատ	5 տարի
13.	Վերնաշապիկ կարճաթև, սպիտակ, ուսադիրներով	1 հատ	2 տարի	1
14.	Վերնաշապիկ երկարաթև, սպիտակ, ուսադիրներով	1 հատ	2 տարի	1
15.	Վերնաշապիկ երկարաթև, մոխրագույն-երկնագույն, ուսադիրներով	2 հատ	2 տարի	1
16.	Վերնաշապիկ կարճաթև, մոխրագույն-երկնագույն, ուսադիրներով	2 հատ	2 տարի	1
17.	Փողկապ սև	1 հատ	5 տարի
18.	Փողկապ մուգ մոխրագույն	2 հատ	5 տարի
19.	Կաշնե սպիտակ (վճարումով)	2 հատ	4 տարի
20.	Կաշնե մուգ մոխրագույն (վճարումով)	2 հատ	3 տարի
21.	Ներքնաշոր ամառային	2 լրակազմ	1 տարի	2
22.	Ներքնաշոր ձմեռային	2 լրակազմ	2 տարի	2
23.	Կաշվե գոտի սև, Լեռնային Ղարաբաղի Հանրապետության զինանշանի պատկեր ունեցող ճարմանդով	1 հատ	10 տարի
24.	Գոտի տոնական, Լեռնային Ղարաբաղի Հանրապետության զինանշանի պատկեր ունեցող ճարմանդով	1 հատ	15 տարի
25.	Գոտի տաբատի, կաշվից	1 հատ	5 տարի
26.	Կիսաճտքավոր կոշիկ	1 զույգ	3 տարի	3
27.	Կոշիկ	1 զույգ	2 տարի	3
28.	Կիսագուլպա կիսաբրդյա սև, մուգ մոխրագույն	1 զույգ	1 տարի
29.	Կիսագուլպա բամբակյա սև, մուգ մոխրագույն	2 զույգ	1 տարի
30.	Ձեռնոց սպիտակ, հինգմատնյա (վճարումով)	1 զույգ	3 տարի
31.	Ձեռնոց բրդյա սև, հինգմատնյա (վճարումով)	1 զույգ	3 տարի
32.	Թիկնոց-ուսնոց կրելու գոտիով	1 հատ	2 տարի
33.	Փողկապի ամրակ	1 հատ	10 տարի
34.	Ուսկապ (աքսելբանտ) 2 արույրե ծայրապանակով	1 հատ	15 տարի

Թույլատրվում է`

1. կարճաթև վերնաշապիկը փոխարինել երկարաթև վերնաշապիկով և հակառակը,

2. ամառային ներքնաշորը փոխարինել մայկա (կարճաթև)-կիսավարտիքով,

3. կիսաճտքավոր կոշիկները փոխարինել կոշիկներով և հակառակը,

4. կարակուլե օձիքը տրվում է 6 տարի ժամկետով:

 

ՈՍՏԻԿԱՆՈՒԹՅԱՆ ԳԼԽԱՎՈՐ, ԱՎԱԳ ԵՎ ՄԻՋԻՆ ԿՈՉՈՒՄՆԵՐ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ՀԱՄԱԶԳԵՍՏ ԿՐԵԼՈՒ ԺԱՄԿԵՏՆԵՐԸ

(վերնագիրը փոփ. 26.06.2007 N 285)

 

(ՆՈՐՄԱ 2)

դդ ը/կ	Անվանումը	Քանակը	Կրելու ժամկետը	Ծանո- թագրու- թյուն
1.	Գլխարկ ականջակալներով, կարակուլե (գնդապետների համար)	1 հատ	6 տարի
2.	Գլխարկ ականջակալներով	1 հատ	3 տարի
3.	Գլխարկ բրդյա, ամենօրյա	1 հատ	2 տարի
4.	Գլխարկ բրդյա, տոնական	1 հատ	5 տարի
5.	Գլխարկ սինթետիկ, ամենօրյա	1 հատ	3 տարի	4
6.	Պիլոտկա բրդյա	1 հատ	3 տարի
7.	Վերարկու ձմեռային բրդյա, կարակուլե օձիքով, ուսադիրներով (գնդապետների համար)	1 հատ	5 տարի	5
8.	Կիսավերարկու ձմեռային, ուսադիրներով	1 հատ	2 տարի
9.	Վերարկու բրդյա, գարնանային-աշնանային, ուսադիրներով	1 հատ	5 տարի
10.	Կիտել բրդյա, ամենօրյա, ուսադիրներով	1 հատ	2 տարի
11.	Կիտել բրդյա, տոնական, ուսադիրներով	1 հատ	5 տարի
12.	Բաճկոն բրդյա, ուսադիրներով	1 հատ	3 տարի
13.	Բաճկոն սինթետիկ, ուսադիրներով	1 հատ	3 տարի	4
14.	Տաբատ բրդյա, ամենօրյա	2 հատ	2 տարի
15.	Տաբատ բրդյա, տոնական	1 հատ	5 տարի
16.	Տաբատ սինթետիկ	1 հատ	3 տարի	4
17.	Վերնաշապիկ կարճաթև, սպիտակ, ուսադիրներով	1 հատ	2 տարի	1
18.	Վերնաշապիկ երկարաթև, սպիտակ, ուսադիրներով	1 հատ	2 տարի	1
19.	Վերնաշապիկ երկարաթև, մոխրագույն-երկնագույն, ուսադիրներով	2 հատ	2 տարի	1
20.	Վերնաշապիկ կարճաթև, մոխրագույն-երկնագույն, ուսադիրներով	2 հատ	2 տարի	1
21.	Փողկապ սև	2 հատ	3 տարի
22.	Փողկապ մուգ մոխրագույն	2 հատ	3 տարի
23.	Կաշնե սպիտակ (վճարումով)	2 հատ	4 տարի
24.	Կաշնե մուգ մոխրագույն (վճարումով)	2 հատ	3 տարի
25.	Ներքնաշոր ամառային	1 լրակազմ	1 տարի	2
26.	Ներքնաշոր ձմեռային	2 լրակազմ	3 տարի	2
27.	Կաշվե գոտի սև	1 լրակազմ	5 տարի
28.	Գոտի տաբատի, կաշվից	1 հատ	5 տարի
29.	Կիսաճտքավոր կոշիկ	1 զույգ	2 տարի	3
30.	Կոշիկ	1 զույգ	1 տարի	3
31.	Կիսագուլպա կիսաբրդյա սև, մուգ մոխրագույն	1 զույգ	2 տարի
32.	Կիսագուլպա բամբակյա սև, մուգ մոխրագույն	2 զույգ	1 տարի
33.	Ձեռնոց սև, հինգմատնյա (վճարումով)	1 զույգ	2 տարի
34.	Ձեռնոց սպիտակ, հինգմատնյա (վճարումով)	1 զույգ	2 տարի
35.	Թիկնոց-ուսնոց կրելու գոտիով	1 հատ	7 տարի
36.	Սուլիչ	1 հատ	4 տարի
37.	Փողկապի ամրակ (վճարումով)	1 հատ	10 տարի

Թույլատրվում է`

1. կարճաթև վերնաշապիկը փոխարինել երկարաթև վերնաշապիկով և հակառակը,

2. ամառային ներքնաշորը փոխարինել մայկա (կարճաթև)-կիսավարտիքով,

3. կիսաճտքավոր կոշիկները փոխարինել կոշիկներով և հակառակը,

4. տրվում է միայն արտաքին ծառայություն իրականացնող ոստիկանության ծառայողներին

5. կարակուլե օձիքը տրվում է 6 տարի ժամկետով:

 

ՈՍՏԻԿԱՆՈՒԹՅԱՆ ԿՐՏՍԵՐ ԿՈՉՈՒՄՆԵՐ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏ ԿՐԵԼՈՒ ԺԱՄԿԵՏՆԵՐԸ

 

(ՆՈՐՄԱ 3)

դդ ը/կ	Անվանումը	Քանակը	Կրելու ժամկետը	Ծանո- թագրու- թյուն
1.	Գլխարկ ականջակալներով,	1 հատ	2 տարի
2.	Գլխարկ կիսաբրդյա, ամենօրյա	1 հատ	2 տարի
3.	Գլխարկ կիսաբրդյա, տոնական	1 հատ	5 տարի
4.	Գլխարկ սինթետիկ	1 հատ	տարի
5.	Պիլոտկա կիսաբրդյա	1 հատ	3 տարի
6.	Կիսավերարկու ձմեռային, ուսադիրներով	1 հատ	2 տարի
7.	Վերարկու բրդյա, գարնանային-աշնանային, ուսադիրներով	1 հատ	5 տարի
8.	Կիտել կիսաբրդյա, ամենօրյա, ուսադիրներով	1 հատ	2 տարի
9.	Կիտել կիսաբրդյա, տոնական, ուսադիրներով	1 հատ	5 տարի
10.	Բաճկոն սինթետիկ, ուսադիրներով	1 հատ	1 տարի 6 ամիս
11.	Տաբատ կիսաբրդյա, ամենօրյա	2 հատ	2 տարի
12.	Տաբատ կիսաբրդյա, տոնական	1 հատ	5 տարի
13.	Տաբատ սինթետիկ	1 հատ	1 տարի 6 ամիս
14.	Վերնաշապիկ կարճաթև, սպիտակ, ուսադիրներով	1 հատ	2 տարի	1
15.	Վերնաշապիկ երկարաթև, սպիտակ, ուսադիրներով	1 հատ	2 տարի	1
16.	Վերնաշապիկ երկարաթև, մոխրագույն-երկնագույն, ուսադիրներով	2 հատ	2 տարի	1
17.	Վերնաշապիկ կարճաթև, մոխրագույն-երկնագույն, ուսադիրներով	2 հատ	2 տարի	1
18.	Փողկապ սև	1 հատ	2 տարի
19.	Փողկապ մուգ մոխրագույն	2 հատ	2 տարի
20.	Կաշնե սպիտակ (վճարումով)	2 հատ	4 տարի
21.	Կաշնե մուգ մոխրագույն (վճարումով)	2 հատ	3 տարի
22.	Ներքնաշոր ամառային	1 լրակազմ	1 տարի	2
23.	Ներքնաշոր ձմեռային	2 լրակազմ	2 տարի	2
24.	Կաշվե գոտի սև	1 լրակազմ	5 տարի
25.	Գոտի տաբատի, կաշվից	1 հատ	5 տարի
26.	Կիսաճտքավոր կոշիկ	1 զույգ	2 տարի	3
27.	Կոշիկ	1 զույգ	1 տարի	3
28.	Կիսագուլպա կիսաբրդյա սև, մուգ մոխրագույն	2 զույգ	2 տարի
29.	Կիսագուլպա բամբակյա սև, մուգ մոխրագույն	2 զույգ	1 տարի
30.	Ձեռնոց սև, հինգմատնյա (վճարումով)	1 զույգ	5 տարի
31.	Ձեռնոց սպիտակ, հինգմատնյա (վճարումով)	1 զույգ	2 տարի
32.	Թիկնոց-ուսնոց կրելու գոտիով	1 հատ	7 տարի
33.	Սուլիչ	1 հատ	4 տարի
34.	Փողկապի ամրակ (վճարումով)	1 հատ	10 տարի
35.	Թաշկինակ	4 հատ	1 տարի	4
36.	Զորանոցային հողաթափ	1 զույգ	2 տարի	4
37.	Զինվորական երկմատնյա ձեռնոց	1 զույգ	1տարի	4

Նշված նորմաները և ժամկետները տարածվում են նաև ոստիկանության ուսումնական հաստատություններում առկա ուսուցման ձևով սովորողների վրա

 

Թույլատրվում է`

1. կարճաթև վերնաշապիկը փոխարինել երկարաթև վերնաշապիկով և հակառակը,

2. ամառային ներքնաշորը փոխարինել մայկա (կարճաթև)-կիսավարտիքով,

3. կիսաճտքավոր կոշիկները փոխարինել կոշիկներով և հակառակը,

4. տրվում է ոստիկանության ուսումնական հաստատությունների կուրսանտներին (ունկնդիրներին)

 

ՈՍՏԻԿԱՆՈՒԹՅԱՆ ԳԼԽԱՎՈՐ, ԱՎԱԳ, ՄԻՋԻՆ ԵՎ ԿՐՏՍԵՐ ԿՈՉՈՒՄՆԵՐ ՈՒՆԵՑՈՂ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ՀԱՄԱԶԳԵՍՏ ԿՐԵԼՈՒ ԺԱՄԿԵՏՆԵՐԸ

(վերնագիրը լրաց. 26.06.2007 N 285)

 

(ՆՈՐՄԱ 4)

դդ ը/կ	Անվանումը	Քանակը	Կրելու ժամկետը	Ծանո- թագրու- թյուն
1.	Գլխարկ ականջակալներով, կարակուլե (գնդապետների համար)	1 հատ	5 տարի
2.	Գլխարկ ականջակալներով	1 հատ	3 տարի	7
3.	Պիլոտկա բրդյա	1 հատ	3 տարի	4
4.	Գլխարկ բրդյա, ամենօրյա	1 հատ	2 տարի	4
5.	Գլխարկ սինթետիկ	1 հատ	2 տարի	3
6.	Գլխարկ բրդյա, տոնական	1 հատ	5 տարի	4
7.	Վերարկու ձմեռային բրդյա, կարակուլե օձիքով ուսադիրներով (գնդապետների համար)	1 հատ	5 տարի	6
8.	Կիսավերարկու ձմեռային, ուսադիրներով	1 հատ	2 տարի
9.	Վերարկու բրդյա, գարնանային-աշնանային, ուսադիրներով	1 հատ	5 տարի	4
10.	Կիտել բրդյա, ամենօրյա, ուսադիրներով	1 հատ	2 տարի	4
11.	Կիտել բրդյա, տոնական, ուսադիրներով	1 հատ	5 տարի	4
12.	Բաճկոն բրդյա, ուսադիրներով	1 հատ	3 տարի	4
13.	Բաճկոն սինթետիկ, ուսադիրներով	1 հատ	2 տարի	3
14.	Կիսաշրջազգեստ բրդյա, ամենօրյա	2 հատ	2 տարի	4
15.	Կիսաշրջազգեստ սինթետիկ	1 հատ	2 տարի	3
16.	Կիսաշրջազգեստ բրդյա, տոնական	1 հատ	5 տարի	4
17.	Տաբատ բրդյա	1 հատ	2 տարի	4
18.	Վերնաշապիկ կարճաթև, սպիտակ, ուսադիրներով	1 հատ	2 տարի	1
19.	Վերնաշապիկ երկարաթև, սպիտակ, ուսադիրներով	1 հատ	2 տարի	1
20.	Վերնաշապիկ երկարաթև, մոխրագույն-երկնագույն, ուսադիրներով	2 հատ	2 տարի	1
21.	Վերնաշապիկ կարճաթև, մոխրագույն-երկնագույն, ուսադիրներով	2 հատ	2 տարի	1
22.	Փողկապ սև	1 հատ	2 տարի
23.	Փողկապ մուգ մոխրագույն	3 հատ	2 տարի
24.	Կաշնե սպիտակ (վճարումով)	2 հատ	4 տարի
25.	Կաշնե մուգ մոխրագույն (վճարումով)	2 հատ	3 տարի
26.	Կաշվե գոտի սև	1 լրակազմ	5 տարի
27.	Գոտի տաբատի, կաշվից	1 հատ	5 տարի
28.	Կիսաճտքավոր կոշիկ	1 զույգ	2 տարի	2
29.	Կոշիկ	1 զույգ	1 տարի	2
30.	Կանացի ներքնազգեստ ամառային	2 հատ	3 տարի
31.	Կանացի ներքնազգեստ ձմեռային	2 հատ	1 տարի
32.	Գուլպա տրիկոտաժե, սև, մուգ մոխրագույն	2 զույգ	1 տարի
33.	Զուգագուլպա կիսաբրդյա, կապրոնե	1 զույգ	1 տարի
34.	Ձեռնոց սպիտակ, հինգմատնյա (վճարումով)	1 զույգ	5 տարի	5
35.	Ձեռնոց սև, հինգմատնյա (վճարումով)	1 զույգ	2 տարի	5
36.	Թիկնոց-ուսնոց կրելու գոտիով	1 հատ	7 տարի
37.	Սուլիչ	1 հատ	4 տարի
38.	Փողկապի ամրակ (վճարումով)	1 հատ	10 տարի

Նշված նորմաները և ժամկետները տարածվում են նաև ոստիկանության ուսումնական հաստատություններում առկա ուսուցման ձևով կին սովորողների վրա:

 

Թույլատրվում է`

1. կարճաթև վերնաշապիկը փոխարինել երկարաթև վերնաշապիկով և հակառակը,

2. կիսաճտքավոր կոշիկները փոխարինել կոշիկներով և հակառակը,

3. տրվում է արտաքին ծառայություն իրականացնող ոստիկանության ավագ և կրտսեր կին ծառայողներին,

4. ոստիկանության կրտսեր կոչում ունեցող ծառայողին տրվում է կիսաբրդյա կտորից,

5. ոստիկանության կրտսեր կոչում ունեցող ծառայողին տրվում է անվճար,

6. կարակուլե օձիքը տրվում է 6 տարի ժամկետով,

7. ոստիկանության կրտսեր կոչում ունեցող ծառայողին տրվում է արհեստական մորթուց:

(հավելված 2-ը փոփ., խմբ., լրաց. 26.06.2007 N 285)

 

 

ԼՂՀ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Ս.ԳՐԻԳՈՐՅԱՆ

 

 

Ց ՈՒ Ց Ա Կ

ԼՂՀ ոստիկանության անհրաժեշտ հանդերձանքի տեսականու եւ տեխնիկական բնութագրերի վերաբերյալ

 

1. Կիսավերարկու` ձմեռային, ուսադիրներով

Մուգ մոխրագույն կտորից, անջատվող մորթե օձիքով, ուղիղ ուրվագծով և տաք ներդիրով: Կոճկվում է կափույրով ծածկվող շղթայով: Թիկունքը` վերին կտրվածքով: Լանջափեշերի ներքևի մասում` մեծ, վրադիր կափույրով գրպաններ, իսկ վերևի մասում` թեք ներկարված փոքր գրպաններ: Աստառը` մետաքսյա, ձախ կողմում` ծոցագրպան: Ուսադիրները` հանովի, մուգ մոխրագույն:

2. Կիտել` բրդյա, ամենօրյա, ուսադիրներով

Մուգ մոխրագույն կտորից: Միափեշ, միակողմ 4 ոսկեգույն կոճակով, վրադիր օձիքով: Կիտելի կրծքամասի 2 կողմում տեղադրված են վրադիր շերտակարով, իսկ փեշերի ներքևի մասերում` ներկարված գրպաններ` ձևավոր կափույրով: Աստառը` մետաքսյա, ձախ կողմում ծոցագրպան: Ուսադիրները` կարովի, մուգ մոխրագույն:

3. Տաբատ` բրդյա, ամենօրյա

Մուգ մոխրագույն կտորից, ուղիղ ուրվագծով: Մետաքսյա աստառով, կողագծերը կարմիր կատնով: Գոտին գոտեմակօղերով, կոճկվում է 2 կոճակով և շղթայով: Արտաքին գրպանները թեք են, տեղադրված կանտից առաջ: Հետևամասի աջ կողմում` կոճակով կոճկվող կափույրով գրպան:

4. Կոշիկ

Սև գույնի կաշվից: Երեսամասը` ամբողջական առաջամասով, կտրված հետևամասերով, ամրացված գոտիով:

Հետևամասերի միացումն առաջամասերին էլաստիկ ժապավենով: Հիմնական և միջնաստառները կտորից, կոշտ քթամասերը և հետևամասերը արհեստական կաշվից: Ներբանը ձևավորված է պոլիուրէթանից` սոսնձով միացման մեթոդով:

5. Վերնաշապիկ` կարճաթև, ուսադիրներով

Մոխրագույն-երկնագույն կտորից, ծալովի օձիքով, կրծքամասում կոճակով կոճկվող կափույրով և շերտակարով վրադիր գրպաններ: Ուղիղ գոտիով, կարագծերին` էլաստիկ ժապավեններ: Հետևամասը վերին կտրվածքով: Կոճկվում է 8 կոճակով, ձախ կտրվածքը շերտակարով: Թևերը կարճ, ուղիղ թևքածալերով: Ուսերին` գոտեմակօղեր` ուսադիրների համար:

6. Վերնաշապիկ` երկարաթև, ուսադիրներով

Մոխրագույն-երկրագույն կտորից, օձիքը կանգուն կտրվածքով, կրծքամասում, կոճակով կոճկվող կափույրով և շերտակավոր վրադիր գրպաններ: Ուղիղ գոտիով, կարագծերին` էլաստիկ ժապավեններ: Հետևամասը վերին կտրվածքով: Կոճկվում է 8 կոճակով: Ձախ կտրվածքը շերտակարով: Թևերը երկար, կոճակով կոճվող թեզանիքներով: Ուսերին` գոտեմակօղեր` ուսադիրների համար:

7. Փողկապ` սև, մուգ մոխրագույն

Ունի լայնացած ուրվագծով ձևվածք: Պատրաստի տեսքն ավարտվում է ներքևում` սուր անկյունով, վերևում մշտական հանգույցով: Օձիքի տակ ամրանում է էլաստիկ ժապավենով և ամրակով:

 

 

ՈՍՏԻԿԱՆՈՒԹՅԱՆ ԾԱՌԱՅՈՂԻ ՀԱՄԱԶԳԵՍՏԻ ՁԵՎԵՐԸ

(լրաց. 26.06.2007 N 285 /«ավագ և կրտսեր» բառերը փոխարիենլ «ավագ, միջին և կրտսեր»/)