ք. Ստեփանակերտ

ԻՐԱՎԱԲԱՆԱԿԱՆ ԱՆՁԱՆՑ ՊԵՏԱԿԱՆ ԳՐԱՆՑՄԱՆ, ԱՆՀԱՏ ՁԵՌՆԱՐԿԱՏԵՐԵՐԻ ՊԵՏԱԿԱՆ ՀԱՇՎԱՌՄԱՆ ԵՎ ՔԱՂԱՔԱՑԻԱԿԱՆ ԿԱՑՈՒԹՅԱՆ ԱԿՏԵՐԻ ԳՐԱՆՑՄԱՆ ՎՃԱՐՈՎԻ ԾԱՌԱՅՈՒԹՅՈՒՆՆԵՐԻ ՑԱՆԿԸ ԵՎ ՎՃԱՐՆԵՐԻ ՉԱՓԵՐԸ ՀԱՍՏԱՏԵԼՈՒ, ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆՆ ԱՐՏԱԲՅՈՒՋԵՏԱՅԻՆ ՀԱՇԻՎ ԲԱՑԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Համաձայն «Իրավաբանական անձանց պետական գրանցման մասին» Լեռնային Ղարաբաղի Հանրապետության օրենքի 4-րդ հոդվածի 2-րդ, «Քաղաքացիական կացության ակտերի մասին» Լեռնային Ղարաբաղի Հանրապետության օրենքի 13-րդ հոդվածի 2-րդ և «Լեռնային Ղարաբաղի Հանրապետության բյուջետային համակարգի մասին» Լեռնային Ղարաբաղի Հանրապետության օրենքի 15-րդ հոդվածի 9-րդ մասերի` Լեռնային Ղարաբաղի Հանրապետության կառավարությունը ո ր ո շ ու մ է.

1. Հաստատել իրավաբանական անձանց պետական գրանցման, անհատ ձեռնարկատերերի պետական հաշվառման և քաղաքացիական կացության ակտերի գրանցման վճարովի ծառայությունների ցանկը և վճարների չափերը` համաձայն N 1 հավելվածի:

1.1 Հաստատել Լեռնային Ղարաբաղի Հանրապետության արդարադատության նախարարության արտաբյուջետային միջոցների օգտագործման կարգը՝ համաձայն N 2 հավելվածի:

(1.1-ին կետը լրաց. 14.10.2014 N 659-Ն)

2. Լեռնային Ղարաբաղի Հանրապետության ֆինանսների և էկոնոմիկայի նախարարությանը` թույլատրել Լեռնային Ղարաբաղի Հանրապետության արդարադատության նախարարության համար Լեռնային Ղարաբաղի Հանրապետության ֆինանսների և էկոնոմիկայի նախարարության գանձապետարանի ստորաբաժանումում բացել արտաբյուջետային հաշիվ` իրավաբանական անձանց պետական գրանցման, անհատ ձեռնարկատերերի պետական հաշվառման, քաղաքացիական կացության ակտերի գրանցման վճարովի ծառայությունների մատուցումից ստացվող ֆինանսական մուտքերի հաշվեգրման նպատակով:

3. Սահմանել, որ`

1) սույն որոշման N 1 հավելվածի 1-8-րդ կետերով նախատեսված ծառայությունները մինչև 2014 թվականի հունվարի 1-ը իրենց գործառույթներին համապատասխան մատուցելու են միայն Լեռնային Ղարաբաղի Հանրապետության արդարադատության նախարարության աշխատակազմի իրավաբանական անձանց պետական ռեգիստրի գործակալության կենտրոնական մարմինը և Ստեփանակերտի տարածքային բաժինը.

2) սույն որոշման 2-րդ կետով նախատեսված արտաբյուջետային հաշվի միջոցները տնօրինվում են Լեռնային Ղարաբաղի Հանրապետության արդարադատության նախարարի կողմից հաստատված և Լեռնային Ղարաբաղի Հանրապետության ֆինանսների և էկոնոմիկայի նախարարի հետ համաձայնեցված նախահաշվին համապատասխան.

3) Լեռնային Ղարաբաղի Հանրապետության արդարադատության նախարարությունը Լեռնային Ղարաբաղի Հանրապետության ֆինանսների և էկոնոմիկայի նախարարություն է ներկայացնում սույն կետի 2-րդ ենթակետում նշված արտաբյուջետային հաշվի միջոցների գոյացման և տնօրինման մասին հաշվետվություն` Լեռնային Ղարաբաղի Հանրապետության պետական բյուջեի կատարման մասին տարեկան հաշվետվության մեջ ներառելու համար:

4. Սույն որոշման N 1 հավելվածում նշված վճարովի ծառայությունները ստանալու հիմք է անձի կողմից ներկայացված դիմումը, որը պետք է ներառի տվյալներ համապատասխան ծառայության տեսակի, ծառայությունների մատուցման ժամկետի և վճարի չափի մասին: Դիմումին կից պետք է ներկայացվի նաև վճարի կատարումը հավաստող փաստաթուղթ:

5. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը:

1. Սույն կարգով սահմանվում է իրավաբանական անձանց պետական գրանցման, անհատ ձեռնարկատերերի պետական հաշվառման և քաղաքացիական կացության ակտերի գրանցման վճարովի ծառայություններից Լեռնային Ղարաբաղի Հանրապետության արդարադատության նախարարության (այսուհետ՝ Նախարարություն) արտաբյուջետային հաշվում գոյացած միջոցների օգտագործման կարգը:

2. Նախարարության արտաբյուջետային հաշվի միջոցները տնօրինվում են Լեռնային Ղարաբաղի Հանրապետության արդարադատության նախարարի կողմից:

3. Նախարարության արտաբյուջետային հաշվում գոյացած միջոցների կեսը (բայց ոչ ավելի, քան սույն կետով նախատեսված աշխատողների աշխատավարձի տարեկան ֆոնդի 30 տոկոսը) օգտագործվում է Նախարարության աշխատակազմի իրավաբանական անձանց պետական ռեգիստրի, ինչպես նաև քաղաքացիական կացության ակտերի գրանցման և նոտարիատի գործակալության աշխատողների նյութական խրախուսման, իսկ մյուս կեսը` համակարգի զարգացման համար:

4. Նյութական խրախուսման համար նախատեսված միջոցները Լեռնային Ղարաբաղի Հանրապետության արդարադատության նախարարի հրամանով տրամադրվում են Նախարարության աշխատակազմի իրավաբանական անձանց պետական ռեգիստրի, ինչպես նաև քաղաքացիական կացության ակտերի գրանցման և նոտարիատի գործակալության (բացառությամբ նոտարական գրասենյակների) առանձին աշխատողներին՝ որպես պարգևատրում հատուկ առաջադրանքների և (կամ) որակյալ աշխատանքների կատարման համար:

5. Նախարարության աշխատակազմի իրավաբանական անձանց պետական ռեգիստրի, ինչպես նաև քաղաքացիական կացության ակտերի գրանցման և նոտարիատի գործակալության աշխատողը պարգևատրվում է առավելագույնը իր մեկ ամսվա պաշտոնային դրույքաչափով` անմիջական ղեկավարի առաջարկությամբ կամ Լեռնային Ղարաբաղի Հանրապետության արդարադատության նախարարի հայեցողությամբ՝ տարեկան ոչ ավելի, քան 2 անգամ:

6. Պարգևատրում չեն կարող ստանալ այն աշխատողները, որոնց նկատմամբ կիրառվել է կարգապահական տույժ, որը սահմանված կարգով մարված կամ հանված չէ:

7. Համակարգի զարգացման համար նախատեսված միջոցներն օգտագործվում են համակարգի զարգացման, մասնավորապես՝ տեխնիկական վերազինման, վերանորոգման, պահպանման, գույքի և այլ սարքավորումների գնման, վարձակալության, աշխատանքների և ծառայությունների ձեռքբերման, որոշակի ժամկետով կնքված աշխատանքային պայմանագրերով աշխատողների վարձատրության և համակարգի զարգացմանն ուղղված այլ միջոցառումների ֆինանսավորման նպատակով:

8. Համակարգի զարգացմանն ուղղված ծախսերը` կապված ապրանքների, աշխատանքների ծառայությունների ձեռքբերման հետ, կատարվում են «Գնումների մասին» Լեռնային Ղարաբաղի Հանրապետության օրենքով սահմանված կարգով:

9. Տվյալ բյուջետային տարվա ընթացքում չօգտագործված միջոցները փոխանցվում են հաջորդ տարի` նույն նպատակով օգտագործելու համար:

10. Նախարարությունը ֆինանսատնտեսական գործունեության մասին տարեկան հաշվետվության հետ միասին Լեռնային Ղարաբաղի Հանրապետության ֆինանսների և էկոնոմիկայի նախարարություն է ներկայացնում հաշվետվություն՝ Նախարարության արտաբյուջետային հաշվի միջոցների գոյացման և տնօրինման մասին:

(Հավելված N 2-ը լրաց. 14.10.2014 N 659-Ն)