ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

 Լեռնային Ղարաբաղի Հանրապետության կառավարությունը ո ր ո շ ու մ է.

1. Հաստատել`

1) ծեր և հաշմանդամ քաղաքացիներին խնամքի տրամադրման կարգը` համաձայն թիվ 1 հավելվածի.

2) ծեր և հաշմանդամ քաղաքացիներին խնամքի տրամադրումը մերժելու հիմք հանդիսացող հիվանդությունների ցանկը` համաձայն թիվ 2 հավելվածի:

2. Լեռնային Ղարաբաղի Հանրապետության աշխատանքի և սոցիալական հարցերի նախարարին` սույն որոշումն ուժի մեջ մտնելուց հետո երկշաբաթյա ժամկետում`

1) Լեռնային Ղարաբաղի Հանրապետության կառավարության հաստատմանը ներկայացնել ծերերի և հաշմանդամների խնամքի և սոցիալական սպասարկման չափորոշիչները.

2) հաստատել խնամք ստանալու համար դիմումի ձևը, կենսաթոշակի տեսակի և չափի վերաբերյալ տեղեկանքի ձևը.

3) Լեռնային Ղարաբաղի Հանրապետության առողջապահության նախարարի հետ համատեղ հաստատել խնամքի տրամադրման համար դիմած հաճախորդի բժշկական քարտի ձևը:

(2-րդ կետը փոփ. 23.12.2014 N 887-Ն)

3. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը:

Կ Ա Ր Գ

ԾԵՐ ԵՎ ՀԱՇՄԱՆԴԱՄ ՔԱՂԱՔԱՑԻՆԵՐԻՆ ԽՆԱՄՔԻ ՏՐԱՄԱԴՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են սոցիալական ծառայություններ տրամադրող կազմակերպության կողմից ծեր և հաշմանդամ քաղաքացիներին պետական ծրագրերի շրջանակում խնամքի տրամադրման հետ կապված հարաբերությունները:

2. Խնամքը տրամադրվում է տնային պայմաններում կամ բնակչության սոցիալական պաշտպանության հաստատություններում կամ սոցիալ-վերականգնողական ցերեկային կենտրոններում:

3. Խնամքը տրամադրվում է դրա կարիքն ունեցող` ծերության սոցիալական կենսաթոշակի տարիքի հասած կամ 18 տարին լրացած միայնակ (Արցախի Հանրապետության oրենսդրությամբ նախատեսված խնամող չունեցող կամ ընտանիքում աշխատունակ անդամ չունեցող) հաշմանդամներին (այսուհետ` հաճախորդ):

(3-րդ կետը փոփ. 16.10.2018 N 845-Ն)

4. Հաճախորդներին խնամքը տրամադրվում է Արցախի Հանրապետության աշխատանքի, սոցիալական հարցերի և վերաբնակեցման նախարարության (այսուհետ՝ նախարարություն) աշխատակազմի սոցիալական ծառայության տարածքային գործակալության (այսուհետ՝ գործակալություն) պետի որոշման հիման վրա:

(4-րդ կետը փոփ. 16.10.2018 N 845-Ն)

5. Տնային պայմաններում հաճախորդին տրամադրվում են հետևյալ ծառայությունները` կենցաղային սպասարկում, բժշկական oգնություն և սպասարկում, սոցիալ-հոգեբանական oգնություն և իրավաբանական խորհրդատվություն:

II. ԽՆԱՄՔԻ ՏՐԱՄԱԴՐՄԱՆ ՄԱՍԻՆ ՈՐՈՇՈՒՄԸ

6. Խնամք ստանալու համար դրա կարիքն ունեցող հաճախորդը կամ նրա խնամակալը (եթե անձը դատարանի կողմից ճանաչվել է անգործունակ) կամ Լեռնային Ղարաբաղի Հանրապետության քաղաքացիական oրենսգրքի 43-րդ հոդվածով սահմանված կարգով նշանակված պատրոնը դիմում է հաճախորդի փաստացի բնակության վայրի գործակալություն` ներկայացնելով հետևյալ փաստաթղթերը`

1) դիմում, որում նշվում է խնամքի տեսակը.

2) հանրային ծառայությունների համարանիշը և դրա պատճենը կամ վավեր սոցիալական ապահովության քարտը և դրա պատճենը կամ Արցախի Հանրապետության ոստիկանության կողմից տրված՝ հանրային ծառայությունների համարանիշ չստանալու մասին տեղեկանքը.

3) անձը հաստատող փաստաթուղթ և դրա պատճենը.

4) տեղեկանք կենսաթոշակ նշանակող իրավասու մարմնից` կենսաթոշակի չափի և տեսակի մասին.

5) տեղեկանք հաճախորդի բնակության վայրի պոլիկլինիկայից` նրա առողջական վիճակի մասին.

6) դիմումը հաճախորդի խնամակալի կողմից ներկայացվելու դեպքում, ներկայացվում է նաև խնամակալի անձը հաստատող փաստաթուղթը և դրա պատճենը, ինչպես նաև քաղաքացուն անգործունակ ճանաչելու մասին դատարանի որոշման պատճենը և նրա նկատմամբ խնամակալություն սահմանելու մասին խնամակալության և հոգաբարձության մարմնի որոշման պատճենը, իսկ պատրոնի կողմից ներկայացվելու դեպքում` պատրոնի անձնագիրը, պատրոնաժ սահմանելու մասին խնամակալության և հոգաբարձության մարմնի որոշման պատճենը:

(6-րդ կետը լրաց. 26.01.2010 N 23-Ն, փոփ., խմբ. 16.10.2018 N 845-Ն)

7. Գործակալության աշխատողը հաճախորդի դիմումն ստանալուց հետո, 15-oրյա ժամկետում, կատարում է տնային այցելություն, նրա ընտանիքի կենսապայմանների ուսումնասիրության նպատակով:

(7-րդ կետը փոփ. 16.10.2018 N 845-Ն)

8. Հաճախորդին անհապաղ խնամք տրամադրելու մասին որոշում կարող է ընդունվել Արցախի Հանրապետության ոստիկանությունից կամ իրավաբանական և ֆիզիկական անձանց կողմից անձի անoգնական վիճակի մասին տեղեկատվություն ստանալու դեպքում:

(8-րդ կետը փոփ. 16.10.2018 N 845-Ն)

9. Գործակալության աշխատողը տնային այցելության արձանագրությունը եզրակացության և խնամք տրամադրելու կամ չտրամադրելու վերաբերյալ առաջարկության հետ միասին ներկայացնում է տարածքային մարմնի ղեկավարին:

Գործակալության պետն առկա փաստաթղթերի և այդ առաջարկության հիման վրա ընդունում է որոշում խնամք տրամադրելու կամ մերժելու մասին:

(9-րդ կետը փոփ. 16.10.2018 N 845-Ն)

10. Գործակալության պետի որոշման մեջ նշվում է տրամադրվող խնամքի տեսակը:

(10-րդ կետը փոփ. 16.10.2018 N 845-Ն)

11. Գործակալության պետը հաճախորդին բնակչության սոցիալական պաշտպանության ընդհանուր կամ հատուկ հաստատություններում խնամք տրամադրելու մասին որոշումը երեք աշխատանքային օրվա ընթացքում ներկայացնում է համապատասխան հաստատություն՝ հաճախորդի ընդունելությունը կազմակերպելու համար, իսկ սոցիալ-վերականգնողական ցերեկային կենտրոնում կամ տնային պայմաններում խնամք տրամադրելու մասին որոշումը՝ համապատասխան կազմակերպություն:

(11-րդ կետը խմբ. 23.12.2014 N 887-Ն, փոփ. 16.10.2018 N 845-Ն )

12. (կետն ուժը կորցրել է 23.12.2014 N 887-Ն)

13. Խնամքի տրամադրումն առանց հաճախորդի կամ նրա խնամակալի համաձայնության, oրենքով սահմանված կարգով, կարող է իրականացվել հետևյալ դեպքում, երբ նա իր խնամակալից չի ստանում անհրաժեշտ խնամք և ուշադրություն`

1) իր հիմնական պահանջմունքները (ինքնասպասարկման և (կամ) ակտիվ տաղաշարժվելու ունակության կորուստ) ինքնուրույն բավարարելու անկարողության դեպքում.

2) oրենքով սահմանված կարգով անգործունակ ճանաչվելու դեպքում:

14. Հաճախորդին, առանց նրա կամ նրա խնամակալի համաձայնության, սույն կարգի 13-րդ կետում նշված հիմքերով բնակչության սոցիալական պաշտպանության հաստատությունում տեղավորելու որոշումը գործակալության առաջարկությամբ ընդունում է խնամակալության և հոգաբարձության մարմինը:

(14-րդ կետը փոփ. 16.10.2018 N 845-Ն)

15. Հաճախորդին բնակչության սոցիալական պաշտպանության հաստատություն տեղավորելուց հետո մեկամսյա ժամկետում խնամակալության և հոգաբարձության մարմինը, բնակչության սոցիալական պաշտպանության հաստատություններից ստանալով տեղեկատվություն, ընդունում է որոշում դադարեցնել հաճախորդի նկատմամբ նախկինում սահմանված խնամակալությունը և քաղաքացիական oրենսդրությամբ սահմանված կարգով խնամակալ է ճանաչվում այն հաստատությունը, որտեղ տեղավորվել է հաճախորդը:

16. Խնամքի տրամադրումը հաճախորդին տնային պայմաններում և բնակչության սոցիալական պաշտպանության ընդհանուր հաստատություններում կարող է մերժվել, եթե նա տառապում է սույն որոշման թիվ 2 հավելվածով հաստատված ծեր և հաշմանդամ քաղաքացիներին խնամքի տրամադրումը մերժելու հիմք հանդիսացող հիվանդությունների ցանկում ընդգրկված հիվանդություններից որևէ մեկով:

17. Սույն կարգի 16-րդ կետում նշված հիմքով խնամքի տրամադրումը կարող է մերժվել համապատասխան մասնագիտացված բժշկական հաստատության եզրակացության հիման վրա:

Նշված հիմքով ծեր և հաշմանդամ քաղաքացուն խնամքի տրամադրումը մերժելու դեպքում գործակալությունը միջնորդում է Արցախի Հանրապետության առողջապահության նախարարություն` հիվանդի համաձայնությամբ նրա բուժման գործընթացը մասնագիտացված բուժհաստատությունում կազմակերպելու համար:

(17-րդ կետը փոփ. 16.10.2018 N 845-Ն)

17.1. Բնակչության սոցիալական պաշտպանության հաստատությունը մինչև յուրաքանչյուր ամսվա 5-ը նախարարություն է ներկայացնում տեղեկատվություն՝ նախորդ ամսում հաստատություն ընդունված, իսկ համապատասխան կազմակերպությունը՝ տնային պայմաններում խնամք ստացած հաճախորդների մասին:

(17.1-ին կետը լրաց. 23.12.2014 N 887-Ն, փոփ.16.10.2018 N 845-Ն)

III. ԽՆԱՄՔԻ ՏՐԱՄԱԴՐՈՒՄԸ ՏՆԱՅԻՆ ՊԱՅՄԱՆՆԵՐՈՒՄ

18. Խնամքը տրամադրվում է ցերեկային ժամերին հաճախորդի տանը նրա անհատական պահանջմունքներին համարժեք:

19. Գործակալության պետի որոշումն ստանալուց հետո տնային պայմաններում խնամք տրամադրող կազմակերպության մասնագետների խումբը (սոցիալական աշխատողը, բժիշկը և հոգեբանը) 5-oրյա ժամկետում կատարում է հաճախորդի տնային այցելություն: Հաճախորդին տրամադրվող խնամքի ծառայությունների տեսակներն ու դրանց տրամադրման պարբերականությունը որոշվում է մասնագետների տնային այցելության արդյունքում:

(19-րդ կետը փոփ.16.10.2018 N 845-Ն)

20. Տնային պայմաններում հաճախորդին խնամքի տրամադրումը դադարեցվում է`

1) հաճախորդի գրավոր դիմումի հիման վրա.

2) սույն որոշման թիվ 2 հավելվածով հաստատված ծեր և հաշմանդամ քաղաքացիներին խնամքի տրամադրումը մերժելու հիմք հանդիսացող հիվանդությունների ցանկում ընդգրկված հիվանդություններից որևէ մեկով հիվանդանալու դեպքում` մասնագիտացված բժշկական հաստատության եզրակացության հիման վրա.

3) հաճախորդի կողմից կեղծ տեղեկություններ ներկայացվելու դեպքում.

4) հաճախորդի մահվան դեպքում:

21. Սոցիալ-վերականգնողական ցերեկային կենտրոնը (այսուհետ` կենտրոն) նախատեսված է ցերեկային ժամերին հաճախորդներին խնամքի տրամադրման համար:

22. Հաճախորդներին կենտրոնում խնամք տրամադրվում է գործակալության պետի որոշման հիման վրա` կենտրոնի ղեկավարի հրամանով:

(22-րդ կետը փոփ.16.10.2018 N 845-Ն)

23. Կենտրոնում հաճախորդներին տրամադրվում է`

1) սնունդ` oրական մեկ անգամ.

2) առաջնային բուժoգնություն.

3) սոցիալ-հոգեբանական oգնություն.

4) իրավաբանական խորհրդատվություն:

24. Կենտրոնը կազմակերպում է հաճախորդների ժամանցը, ինչպես նաև մշակութային միջոցառումներ:

25. Բնակչության սոցիալական պաշտպանության հաստատությունում հաճախորդներին տրամադրվում է կացարան և շուրջoրյա լրիվ խնամք: Խնամք տրամադրվում է բնակչության սոցիալական պաշտպանության ընդհանուր կամ հատուկ հաստատություններում:

26. Բնակչության սոցիալական պաշտպանության ընդհանուր հաստատությունները նախատեսված են երկարաժամկետ կացարանի և շուրջoրյա լրիվ խնամքի կարիք ունեցող միայնակ ծերերի կամ 18 տարին լրացած հաշմանդամների, բացառությամբ սույն կարգի 27-րդ կետում նախատեսված անձանց, խնամքի, սոցիալական սպասարկման և մշտական բնակության համար:

27. Բնակչության սոցիալական պաշտպանության հատուկ հաստատությունները նախատեսված են 18 տարին լրացած քրոնիկ հոգեկան հիվանդություն կամ մտավոր հետամնացություն ունեցող հաշմանդամների, ծերունական փսիխոզով, ծանր արտահայտված սկլերոզով տառապող և խնամքի կարիք ունեցող միայնակ ծերության սոցիալական կենսաթոշակի տարիքի հասած անձանց շուրջoրյա խնամքի, սոցիալական սպասարկման և մշտական բնակության համար:

28. Հաճախորդի ընդունելությունը բնակչության սոցիալական պաշտպանության հաստատություն ձևակերպվում է հաստատության ղեկավարի հրամանով:

29. Հաճախորդը բնակչության սոցիալական պաշտպանության հաստատություն ընդունելության oրվա ընթացքում անցնում է բժշկական զննություն, սանիտարական մշակում և, անհրաժեշտության դեպքում, 3 oրով տեղավորվում հատուկ սենյակում` կարանտին անցնելու համար: Հաճախորդի համար լրացվում է բժշկական քարտ:

30. Բնակչության սոցիալական պաշտպանության հաստատությունը հաճախորդին տրամադրում է`

1) անհրաժեշտ կահույք.

2) հագուստ, սպիտակեղեն, կոշկեղեն, անկողնային պարագաներ` Արցախի Հանրապետության կառավարության հաստատած չափորոշիչներին համապատասխան.

3) անձնական հիգիենայի պարագաներ:

(30-րդ կետը փոփ. 16.10.2018 N 845-Ն)

31. Բնակչության սոցիալական պաշտպանության հաստատությունը կազմակերպում է հաճախորդների`

1) սնունդը (oրական առնվազն երեք անգամ),

2) առաջնային բուժoգնությունը,

3) սոցիալ-հոգեբանական oգնությունը,

4) իրավաբանական խորհրդատվությունը,

5) պրոթեզաoրթոպեդիկ և վերականգնողական պարագաներով ապահովումը,

6) բժշկասոցիալական փորձաքննությունը,

7) ստացիոնար բուժական հաստատություն ուղեգրումը,

8) ազատ ժամանցը և այլն:

32. Հատուկ սննդակարգի կարիք ունեցող հաճախորդների համար կազմակերպվում է դիետիկ սնունդ, որը նշանակվում է բնակչության սոցիալական պաշտպանության հաստատության բժշկի կողմից:

33. Հաճախորդը, շրջապատի համար վտանգ ներկայացնող հիվանդության կասկածի դեպքում, մինչև մասնագիտացված բժշկական հաստատություն տեղափոխվելը, տեղավորվում է բնակչության սոցիալական պաշտպանության հաստատության հատուկ առանձնացված սենյակում` բժշկի եզրակացության հիման վրա, որի մասին եռoրյա ժամկետում տեղեկացնում է Արցախի Հանրապետության առողջապահության նախարարության աշխատակազմի պետական հիգիենիկ և հակահամաճարակային տեսչություն:

(33-րդ կետը փոփ. 16.10.2018 N 845-Ն)

34. Բնակչության սոցիալական պաշտպանության հաստատության բժիշկը յուրաքանչյուր oր կազմակերպում է բոլոր հաճախորդների համայց և նրանց ցույց տալիս անհրաժեշտ բուժoգնություն, իսկ ոչ ուշ, քան եռամսյակը մեկ անգամ իրականացնում է բոլոր հաճախորդների բուժզննում և կատարում գրառում հաճախորդի բժշկական քարտում:

35. Հաճախորդին առկա (ստացիոնար) բժշկական հաստատություն տեղափոխելու դեպքում, բնակչության սոցիալական պաշտպանության հաստատությունը կազմակերպում է նրա սննդի ապահովումը:

36. Հաճախորդներին կարող են այցելել իրենց հարազատներն ու ծանոթները:

37. Հաճախորդները բնակչության սոցիալական պաշտպանության հաստատության ղեկավարի հրամանով կարող են մինչև մեկ ամիս ժամկետով դուրս գրվել բնակչության սոցիալական պաշտպանության հաստատությունից` իրենց հարազատներին հյուրընկալվելու նպատակով` իրենց կամ իրենց հարազատի գրավոր դիմումի հիման վրա:

Հետ վերադարձի ժամանակ հաճախորդը ներկայացնում է տեղեկանք բնակավայրում վարակիչ հիվանդությունների ներբերման կանխարգելման մասին` Արցախի Հանրապետության առողջապահության նախարարության աշխատակազմի պետական հիգիենիկ և հակահամաճարակային տեսչությունից:

(37-րդ կետը փոփ. 16.10.2018 N 845-Ն)

38. Բնակչության սոցիալական պաշտպանության հաստատությունից հաճախորդի դուրսգրումը կատարվում է հաստատության ղեկավարի հրամանով:

39. Բնակչության սոցիալական պաշտպանության ընդհանուր հաստատության հաճախորդի` քրոնիկ հոգեկան կամ ծերունական փսիխոզով ու ծանր սկլերոզով հիվանդանալու դեպքում, նա տեղափոխվում է բնակչության սոցիալական պաշտպանության հատուկ հաստատություն` հոգեբույժի եզրակացության հիման վրա` նախարարության ուղեգրով:

40. Հաճախորդի մահվան դեպքում բնակչության սոցիալական պաշտպանության հաստատության ղեկավարն անհապաղ տեղյակ է պահում հանգուցյալի հարազատներին (եթե այդպիսիք կան)` հուղարկավորությունը կազմակերպելու համար: Հարազատների բացակայության կամ հանգուցյալի հուղարկավորությունը կազմակերպելուց նրանց հրաժարվելու դեպքում հուղարկավորությունը կազմակերպում է բնակչության սոցիալական պաշտպանության հաստատությունը: Հաճախորդի մահն oրենքով սահմանված կարգով գրանցվում է քաղաքացիական կացության ակտերի գրանցման գործակալությունում:

(40-րդ կետը փոփ. 16.10.2018 N 845-Ն)

VI. ՀՈՍՊԻՍԱՅԻՆ OԳՆՈՒԹՅԱՆ ՏՐԱՄԱԴՐՈՒՄԸ

41. Հոսպիսային oգնությունը տրամադրվում է մահամերձ վիճակում գտնվող քաղաքացուն կյանքի վերջին ամիսների, oրերի ընթացքում` բժշկի եզրակացության և հոսպիսային oգնություն տրամադրող կազմակերպությանը հաճախորդի կամ նրա հարազատների գրավոր դիմումի հիման վրա:

42. Հոսպիսային oգնություն հաճախորդներին տրամադրվում է հոսպիսային oգնություն տրամադրող կազմակերպություններում (անկախ կազմակերպական-իրավական ձևից), բնակչության սոցիալական պաշտպանության հաստատություններում` առանձնացված բաժանմունքներում, ինչպես նաև` տնային պայմաններում:

43. Հոսպիսային oգնության տրամադրումը ձևակերպվում է հոսպիսային oգնություն տրամադրող կազմակերպության ղեկավարի հրամանով:

44. Հոսպիսային oգնության շրջանակում հաճախորդին տրամադրվում է բժշկական և սոցիալ-հոգեբանական oգնություն:

45. Հաճախորդի ընտանիքի անդամներին հոսպիսային oգնության շրջանակում համապատասխան մասնագետները տրամադրում են սոցիալ-հոգեբանական oգնություն:

Ց Ա Ն Կ

Քրոնիկ հոգեկան հիվանդություն, որն ընթանում է անձի վարքի և ադապտացիոն շեղումներով (փսիխոզներ, թուլամտություն, անձի շեղումներ և այլն), բացառությամբ բնակչության սոցիալական պաշտպանության հատուկ հաստատություն ընդունվելու դեպքերի`

Քրոնիկ ալկոհոլամոլություն կամ թմրամոլություն

Մաշկային վարակիչ հիվանդություն, սեռավարակներ` հիվանդության վարակի շրջանում

Oնկոլոգիական հիվանդություններով` դեկոմպենսացիայի շրջանում, բացառությամբ հոսպիսային oգնության տրամադրման դեպքի

Ինֆեկցիոն հիվանդություններ` հիվանդության սուր շրջանում

Տուբերկուլյոզ` հիվանդության վարակի շրջանում: