ք. Ստեփանակերտ

Լեռնային Ղարաբաղի Հանրապետության անտառային օրենսգրքի 7-րդ, Ընդերքի մասին Լեռնային Ղարաբաղի Հանրապետության օրենսգրքի 15-րդ, «Բնապահպանական վերահսկողության մասին» Լեռնային Ղարաբաղի Հանրապետության օրենքի 9-րդ, «Թափոնների մասին» Լեռնային Ղարաբաղի Հանրապետության օրենքի 8-րդ, «Որսի և որսորդական տնտեսության վարման մասին» Լեռնային Ղարաբաղի Հանրապետության օրենքի 8-րդ, «Մթնոլորտային օդի պահպանության մասին» Լեռնային Ղարաբաղի Հանրապետության օրենքի 4-րդ, «Բնության հատուկ պահպանվող տարածքների մասին» Լեռնային Ղարաբաղի Հանրապետության օրենքի 9-րդ և «Իրավական ակտերի մասին» Լեռնային Ղարաբաղի Հանրապետության օրենքի 73-րդ հոդվածներին համապատասխան` Լեռնային Ղարաբաղի Հանրապետության կառավարությունը ո ր ո շ ո ւ մ է.

(նախաբանը փոփ. 11.05.2018 N 347-Ն)

1. Արցախի Հանրապետության բնապահպանության և բնական ռեսուրսների նախարարությանը վերապահել հետևյալ բնագավառներում լիազոր պետական մարմնի իրավասությունները.

1) անտառների պահպանություն, պաշտպանություն, վերարտադրություն և օգտագործման նկատմամբ պետական վերահսկողություն.

2) ընդերքի օգտագործման և պահպանության նկատմամբ պետական վերահսկողություն.

3) ընդերքի ուսումնասիրության և հանքարդյունահանման նպատակով ընդերքի օգտագործման տրամադրում.

4) բնապահպանական վերահսկողություն.

5) թափոնների կառավարում.

6) որսի կենդանիների և որսահանդակների պահպանություն, պաշտպանություն, կայուն օգտագործում և վերահսկողություն, որսի և որսորդական տնտեսության վարման բնագավառում վերահսկողություն.

7) մթնոլորտային օդի պահպանություն.

8) բնության հատուկ պահպանվող տարածքների ստեղծում, առանձնացում, կառավարում, պահպանություն և օգտագործում:

(1-ին կետը փոփ.11.05.2018 N 347-Ն)

2. Ուժը կորցրած ճանաչել Լեռնային Ղարաբաղի Հանրապետության կառավարության 2008 թվականի դեկտեմբերի 23-ի «Ընդերքի օգտագործման և պահպանության բնագավառում լիազորված մարմինների իրավասությունները սահմանազատելու և Լեռնային Ղարաբաղի հանրապետության կառավարության 2003 թվականի նոյեմբերի 28-ի թիվ 333 որոշումն ուժը կորցրած ճանաչելու մասին» N 904 որոշումը: