ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

Համաձայն «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածի 1-ին մասի, 73-րդ հոդվածի 1-ին մասի 1-ին կետի «բ» ենթակետի և «Պետական պաշտոններ զբաղեցնող անձանց վարձատրության մասին» Լեռնային Ղարաբաղի Հանրապետության օրենքի` Լեռնային Ղարաբաղի Հանրապետության կառավարությունը որոշում է.

1. Ուժը կորցրած ճանաչել`

1) Լեռնային Ղարաբաղի Հանրապետության կառավարության 2002 թվականի օգոստոսի 20-ի «Զինծառայողների և նրանց ընտանիքների անդամների սոցիալական ապահովության մասին» Լեռնային Ղարաբաղի Հանրապետության օրենքի կիրարկումն ապահովող միջոցառումների մասին» N 211 որոշման 2-րդ, 3-րդ կետերը, 6-րդ կետի «ա» ենթակետը, 7-րդ, 10-րդ, 16-րդ կետերը.

2) Լեռնային Ղարաբաղի Հանրապետության կառավարության 2004 թվականի մարտի 25-ի «Ազգային անվտանգության մարմիններում արտաժամյա, հանգստյան և տոն օրերի ծառայության համար հավելավճարների վճարման կարգը սահմանելու մասին» N 120 որոշումը.

3) Լեռնային Ղարաբաղի Հանրապետության կառավարության 2004 թվականի ապրիլի 27-ի «Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության ծառայողներին պարենային ապահովության փոխարեն դրամական փոխհատուցման ամենամսյա չափ սահմանելու մասին» N 182 որոշումը.

4) Լեռնային Ղարաբաղի Հանրապետության կառավարության 2006 թվականի փետրվարի 3-ի «Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանության, Ազգային անվտանգության ծառայության և արտակարգ իրավիճակների վարչության զինծառայողների (աշխատակիցների) խրախուսման ֆոնդի միջոցների օգտագործման կարգերը հաստատելու մասին» N 53 որոշումը.

5) Լեռնային Ղարաբաղի Հանրապետության կառավարության 2007 թվականի հունվարի 30-ի «Փրկարարական ծառայության ծառայողին տրվող սննդի փոխհատուցման գումարի ամենամսյա չափը սահմանելու մասին» N 49 որոշումը.

6) Լեռնային Ղարաբաղի Հանրապետության կառավարության 2010 թվականի դեկտեմբերի 28-ի «Փրկարարական ծառայողներին ծառայողական պարտականությունների կատարման նպատակով այլ բնակավայրեր գործուղելու համար տրանսպորտային ծախսերի փոխհատուցման կարգը և պայմանները սահմանելու մասին» N 900-Ն որոշումը:

2. Լեռնային Ղարաբաղի Հանրապետության կառավարության 2008 թվականի հունվարի 15-ի «Օտարերկրյա պետությունների ուսումնական հաստատություններ պետական պատվերի շրջանակներում ուսման գործուղված փրկարարական ծառայողներին վճարվող դրամական բավարարման չափը և վճարման կարգը սահմանելու մասին» N 18 որոշման`

1) վերնագրում, 1-ին կետում, հավելվածի վերնագրում և 1-ին կետում «վճարվող դրամական բավարարման» բառերը փոխարինել «դրամական վճարների» բառերով.

2) հավելվածի 2-րդ կետում և աղյուսակի 1-ին տողի 3-րդ և 4-րդ սյունակների վերնագրում «պաշտոնային դրույքաչափերով» և «պաշտոնային դրույքաչափը» բառերը փոխարինել համապատասխանաբար «դրամական վճարները» և «դրամական վճարը» բառերով.

3) հավելվածի 4-րդ կետում «ամսական դրամական բավարարման վճարումները» բառերը փոխարինել «պաշտոնային դրույքաչափը» բառերով.

4) որոշման հավելվածի 5-րդ և 6-րդ կետերում «դրամական բավարարումները» բառերը փոխարինել «դրամական վճարումները» բառերով:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և դրա գործողությունը տարածվում է 2014 թվականի հուլիսի 1-ից հետո ծագած հարաբերությունների վրա: