ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

“25” հունիսի 2002թ.

N 128

ք.Ստեփանակերտ

 

“Լիցենզավորման մասին” Լեռնային Ղարաբաղի Հանրապետության օրենքի կիրարկումն ապահովելու մասին

 

“Լիցենզավորման մասին” Լեռնային Ղարաբաղի Հանրապետության օրենքի կիրարկումն ապահովելու նպատակով և հիմք ընդունելով “Լիցենզավորման մասին” Լեռնային Ղարաբաղի Հանրապետության օրենքի 8-րդ, 17-րդ և 43-րդ հոդվածները` Լեռնային Ղարաբաղի Հանրապետության կառավարությունը որոշում է.

1. Սահմանել, որ «Լիցենզավորման մասին» Լեռնային Ղարաբաղի Հանրապետության օրենքի 43-րդ հոդվածի 2-րդ կետով սահմանված` լիցենզավորման ենթակա գործունեության տեսակները լիցենզավորող Լեռնային Ղարաբաղի Հանրապետության կողմից լիազորված պետական կառավարման մարմիններ են հանդիսանում համապատասխանաբար`

ա) Լեռնային Ղարաբաղի Հանրապետության առողջապահության նախարարությունը` աղյուսակի 3-րդ բաժնի 1-ին, 4-րդ, 5-րդ և 7-րդ կետերով.

բ) Լեռնային Ղարաբաղի Հանրապետության արդարադատության նախարարությունը` աղյուսակի 17-րդ բաժնի 3-րդ կետով.

գ) Լեռնային Ղարաբաղի Հանրապետության գյուղատնտեսության նախարարությունը` աղյուսակի 7-րդ բաժնի 2-րդ, 3-րդ, 4-րդ և 5-րդ կետերով.

դ) Լեռնային Ղարաբաղի Հանրապետության կրթության և գիտության նախարարությունը` աղյուսակի 9-րդ բաժնի 1-ին, 2-րդ, 3-րդ, 4-րդ, 5-րդ, 6-րդ, 7-րդ, 8-րդ և 9-րդ կետերով.

ե) Լեռնային Ղարաբաղի Հանրապետության տնտեսական զարգացման նախարարությունը` աղյուսակի 1-ին բաժնի 3-րդ, 10¹  բաժնի 1-ին, 13-րդ բաժնի 1-ին, 15-րդ բաժնի 1-ին, 3-րդ, 4-րդ, 5-րդ, 6-րդ և 16_¹  բաժնի 1-ին և 2-րդ կետերով.

զ) Լեռնային Ղարաբաղի Հանրապետության քաղաքաշինության նախարարությունը` աղյուսակի 16-րդ բաժնի 1-ին և 2-րդ կետերով.

է) Լեռնային Ղարաբաղի Հանրապետության ֆինանսների նախարարությունը` աղյուսակի 14-րդ բաժնի 1-ին, 2-րդ, 3-րդ և 17-րդ բաժնի 8-րդ, 9-րդ և 10-րդ կետերով.

ը) Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեն` աղյուսակի 17-րդ բաժնի 4-րդ, 5-րդ և 6-րդ կետերով.

թ) Լեռնային Ղարաբաղի Հանրապետության կառավարությանն առընթեր հարկային պետական ծառայությունը` աղյուսակի 11-րդ բաժնի 1-ին, 2-րդ, 3-րդ և 5-րդ կետերով.

ժ) Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչությունը` աղյուսակի 12-րդ բաժնի 2-րդ կետով.

ժա) Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանությունը` աղյուսակի 1-ին բաժնի 2-րդ և 6-րդ կետերով.

ժբ) համապատասխան լիցենզավորող մարմինները` աղյուսակի 17-րդ բաժնի 1-ին կետով:

(1-ին կետը խմբ., փոփ. 10.12.2002 N 73, խմբ. 28.06.2005 N 290, խմբ. 26.02.2008 N 88)

2. Սահմանել, որ “Լիցենզավորման մասին” Լեռնային Ղարաբաղի Հանրապետության օրենքի 43-րդ հոդվածի 4-րդ կետով նախատեսված պարզ ընթացակարգով լիցենզիաները տրամադրող Լեռնային Ղարաբաղի Հանրապետության կառավարության կողմից լիազորված պետական կառավարման մարմին է հանդիսանում Լեռնային Ղարաբաղի Հանրապետության տնտեսական զարգացման նախարարությունը:

(2-րդ կետը փոփ. 10.12.2002 N 73, փոփ. 26.02.2008 N 88)

3. Հաստատել պարզ ընթացակարգով տրվող լիցենզիաների NN 1, 2 և 3 ձևերը (կցվում են):

4. Սահմանել, որ բարդ ընթացակարգով տրվող լիցենզիաների ձևերը սահմանվում են համապատասխան լիցենզավորման կարգերով:

5. Լեռնային Ղարաբաղի Հանրապետության արդարադատության պետական վարչությանը` 15-օրյա ժամկետում մշակել և սույն որոշման 1-ին կետում նշված նախարարություններին ու գերատեսչություններին տրամադրել լիցենզավորող հանձնաժողովների օրինակելի կանոնադրությունը:

6. Սույն որոշման 1-ին կետում նշված նախարարություններին և գերատեսչություններին`

ա) Լեռնային Ղարաբաղի Հանրապետության արդարադատության պետական վարչության կողմից մշակված լիցենզավորող հանձնաժողովների օրինակելի կանոնադրության հիման վրա 15-օրյա ժամկետում հաստատել լիցենզավորող հանձնաժողովների կանոնադրությունները.

բ) մեկամսյա ժամկետում մշակել և Լեռնային Ղարաբաղի Հանրապետության կառավարության քննարկմանը ներկայացնել համապատասխան լիցենզավորման կարգերը.

գ) վեցամսյա ժամկետում մշակել և Լեռնային Ղարաբաղի Հանրապետության կառավարության քննարկմանը ներկայացնել համապատասխան գործունեության իրականացման կարգերը:

7. Ուժը կորցրած ճանաչել Լեռնային Ղարաբաղի Հանրապետության կառավարության 1998 թվականի դեկտեմբերի 29-ի “Լեռնային Ղարաբաղի Հանրապետությունում տնտեսական գործունեության առանձին տեսակներով զբաղվելու կարգի հաստատման մասին” թիվ 294 որոշումը:

 

 

ԼՂՀ վարչապետ

Ա. Դանիելյան

 

 

Հաստատված է ԼՂՀ կառավարության 2002թ. հունիսի 25-ի թիվ 128 որոշմամբ Ձև N 1

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

 

Լ Ի Ց Ե Ն Զ Ի Ա

 

(գործունեության տեսակը)

 

Լիցենզավորող մարմինը _________________________________

 

Լիցենզիայի համարը _____________________________________

 

Կազմակերպության անվանումը ___________________________

 

Կազմակերպության գտնվելու վայրը ________________________

Տրված է________________________________________________ ______ _______________ 200 թ.

 

Գործողության ժամկետը__________________________________  անժամկետ

 

ստորագրությունը                            Կ.Տ.

 

 

Հաստատված է ԼՂՀ կառավարության 2002թ. հունիսի 25-ի թիվ 128 որոշմամբ Ձև N 2

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

 

Լ Ի Ց Ե Ն Զ Ի Ա

 

(գործունեության տեսակը)

 

Լիցենզավորող մարմինը _______________________________

 

Լիցենզիայի համարը___________________________________

 

Անհատ ձեռնարկատիրոջ անվանումը_____________________

 

Բնակության վայրը (հասցեն)____________________________

 

Տրված է______________________________________________ ________ ______________ 200 թ.

 

Գործողության ժամկետը________________________________   անժամկետ

 

ստորագրությունը                      Կ.Տ.

 

 

Հաստատված է ԼՂՀ կառավարության 2002թ. հունիսի 25-ի թիվ 128 որոշմամբ Ձև N 3

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

 

Լ Ի Ց Ե Ն Զ Ի Ա

 

(գործունեության տեսակը)

 

Լիցենզավորող մարմինը ________________________________

 

Լիցենզիայի համարը____________________________________

 

Ֆիզիկական անձի անվանումը___________________________

 

Բնակության վայրը (հասցեն)_____________________________

 

Տրված է_________________________________________________ _______ _____________ 200 թ.

 

Գործողության ժամկետը___________________________________  անժամկետ

 

ստորագրությունը                           Կ.Տ.