ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք.Ստեփանակերտ

Լեռնային Ղարաբաղի Հանրապետության կառավարությունը ո ր ո շ ու մ է.

1. Սահմանել «ժողովրդական» պատվավոր կոչման արժանացած անձանց ամենամսյա պատվովճարի նշանակման և վճարման կարգն ու չափը` համաձայն հավելվածի:

2. Ուժը կորցրած ճանաչել Լեռնային Ղարաբաղի Հանրապետության կառավարության 2005 թվականի մայիսի 24-ի «Ժողովրդական» պատվավոր կոչման արժանացած անձանց ամենամսյա պատվովճարի նշանակման և վճարման կարգն ու չափը սահմանելու մաuին» թիվ 267 որոշումը:

3. Սույն որոշումն ուժի մեջ է մտնում 2008 թվականի հուլիսի 1-ից:

I. ԱՄԵՆԱՄՍՅԱ ՊԱՏՎՈՎՃԱՐԻ ՆՇԱՆԱԿՄԱՆ ԵՎ ՎՃԱՐՄԱՆ ԿԱՐԳՆ ՈՒ ՉԱՓԸ

1. Սույն իրավական ակտով սահմանվում են «Ժողովրդական» պատվավոր կոչման համար տրվող ամենամսյա պատվովճարի (այսուհետ` պատվովճար) նշանակման և վճարման կարգն ու չափը:

2. Պատվովճարը նշանակվում և վճարվում է «Ժողովրդական» պատվավոր կոչման արժանացած հետևյալ անձանց`

Լեռնային Ղարաբաղի Հանրապետության ժողովրդական արտիստ և Լեռնային Ղարաբաղի Հանրապետության ժողովրդական նկարիչ (այսուհետ` «Ժողովրդական» պատվավոր կոչման արժանացած անձանց):

Պատվովճարը նշանակվում և վճարվում է նաև Լեռնային Ղարաբաղի Հանրապետության քաղաքացի հանդիսացող հետևյալ «Ժողովրդական» պատվավոր կոչման արժանացած անձանց` Խորհրդային Սոցիալիստական Հանրապետությունների Միության ժողովրդական արտիստ, Խորհրդային Սոցիալիստական Հանրապետությունների Միության ժողովրդական նկարիչ, Խորհրդային Սոցիալիստական Հանրապետությունների Միության ժողովրդական ճարտարապետ:

3. «Ժողովրդական» պատվավոր կոչման արժանացած անձանց ամuական պատվովճար սահմանել հաշվարկային նվազագույն աշխատավարձի (1000 դրամ) քառասունապատիկի չափով:

«Ժողովրդական» պատվավոր կոչման արժանացած անձանց տրվող պատվովճարը սահմանվում է ցմահ:

4. «Ժողովրդական» պատվավոր կոչման արժանացած անձանց տրվող պատվովճարը քաղաքացու գրավոր դիմումի հիման վրա նշանակում և վճարում է Լեռնային Ղարաբաղի Հանրապետության աշխատանքի և սոցիալական հարցերի նախարարության սոցիալական ապահովության պետական գործակալությունը՝ իր տարածքային բաժինների (այսուհետ՝ տարածքային բաժին) միջոցով` ըստ Լեռնային Ղարաբաղի Հանրապետությունում` դիմողի հաշվառման վայրի, իսկ հաշվառման վայր չունեցող անձին պատվովճար նշանակվում և վճարվում է ըստ նրա փաստացի բնակության վայրի: «Ժողովրդական» պատվավոր կոչման արժանացած անձինք պատվովճար նշանակելու համար տարածքային բաժին են ներկայացնում դիմում, անձնագիրը և դրա լուսապատճենը (2, 3, 5 և 6-րդ էջերի), «Ժողովրդական» պատվավոր կոչումը հաստատող վկայականը և դրա լուսապատճենը: Տարածքային բաժնի համապատասխան աշխատողն անձնագրի և «Ժողովրդական» պատվավոր կոչումը հաստատող վկայականի լուսապատճենների հավաստիությունը ստուգելուց հետո անձնագրի և «Ժողովրդական» պատվավոր կոչումը հաստատող վկայականի լուսապատճենների վրա կատարում է նշագրում` «Իսկականի հետ ճիշտ է», և կնքում տարածքային բաժնի կնիքով, որից հետո անձնագիրը և «Ժողովրդական» պատվավոր կոչումը հաստատող վկայականը վերադարձնում է դիմողին:

Oտարերկրյա պետություններում բնակվող` «Ժողովրդական» պատվավոր կոչման արժանացած անձինք պատվովճարի նշանակման համար կարող են դիմել օտարերկրյա պետությունում գործող Լեռնային Ղարաբաղի Հանրապետության դիվանագիտական ծառայության մարմիններ` ներկայացնելով սույն կետով նախատեսված փաստաթղթերը, ինչպես նաև բանկի անվանումը և բանկում իր անվամբ բացված հաշվի համարը:

Լեռնային Ղարաբաղի Հանրապետության դիվանագիտական ծառայության մարմիններն իրենց կնիքով կնքված և համապատասխան աշխատողի կողմից «Իսկականի հետ ճիշտ է» նշագրմամբ անձնագրի և «Ժողովրդական» պատվավոր կոչումը հաստատող վկայականի լուսապատճեններն իրատեսական ժամկետում առաքում են Լեռնային Ղարաբաղի Հանրապետության աշխատանքի և սոցիալական հարցերի նախարարություն:

(4-րդ կետը փոփ. 27.11.2008 N 803,14.03.2012 N 113-Ն, 25.04.2014 N 256-Ն)

5. Պատվովճար նշանակելու համար դիմելու օր է համարվում պատվովճար նշանակող տարածքային բաժնի կամ Լեռնային Ղարաբաղի Հանրապետության դիվանագիտական ծառայության մարմինների կողմից դիմումը բոլոր անհրաժեշտ փաuտաթղթերի հետ միասին ընդունվելու օրը: Եթե նշված դիմումն առաքվում է փոստով, և դրան կցվում են բոլոր անհրաժեշտ փաստաթղթերը, ապա պատվովճարի նշանակման համար դիմելու օր է համարվում այդ դիմումն ուղարկող փոստային բաժանմունքի դրոշմակնիքի վրա նշված օրը:

Այն դեպքում, երբ դիմումին կցվում են ոչ բոլոր անհրաժեշտ փաստաթղթերը, պատվովճար նշանակող տարածքային բաժինը կամ Լեռնային Ղարաբաղի Հանրապետության դիվանագիտական ծառայության մարմինները 3 աշխատանքային օրվա ընթացքում դիմողին գրավոր տեղեկացնում են, թե անհրաժեշտ ինչ լրացուցիչ փաստաթղթեր պետք է ներկայացվեն:

Տեղեկացվելուց հետո 3 ամսվա ընթացքում այդ փաստաթղթերը ներկայացվելու դեպքում դիմելու օր է համարվում պատվովճար նշանակելու համար դիմումն ընդունելու կամ փոստային բաժանմունքի դրոշմակնիքի վրա նշված օրը:

Պատվովճարը նշանակվում և վճարվում է սույն կարգի 4-րդ կետով նախատեսված փաստաթղթերը ներկայացնելու ամսվան հաջորդող ամսվա 1-ից:

Եթե պատվովճար ստացող անձը կենսաթոշակառու է, ապա նրա կենսաթոշակի գործին կարվում են սույն կարգի 4-րդ կետով նախատեսված փաստաթղթերի լուսապատճենները և պատվովճար նշանակելու հաշվարկ-կարգադրությունը, իսկ եթե կենսաթոշակառու չէ, ապա կազմվում է պատվովճարի գործ:

(5-րդ կետը փոփ. 27.11.2008 N 803)

6. Յուրաքանչյուր ամսվա պատվովճարը վճարվում է հաջորդ ամսվա ընթացքում:

Պատվովճարի և պատվովճար վճարելու հետ կապված ծախսերը ֆինանսավորվում են Լեռնային Ղարաբաղի Հանրապետության պետական բյուջեում այդ նպատակով նախատեսված միջոցների հաշվին:

Պատվովճար ստացող անձն իրավունք ունի պատվովճարն ստանալու վճարման ծառայություն մատուցող կազմակերպություններից:

7. Պատվովճարը կարող է վճարվել լիազորագրով լիազորված անձին` oրենքով uահմանված կարգով և ժամկետներում:

8. Ազատազրկման ձևով պատիժը կրող անձանց պատվովճարը նշանակվում և վճարվում է ազատազրկման վայրի տարածքային բաժինների միջոցով:

(8-րդ կետը փոփ. 27.11.2008 N 803)

9. Բնակության վայրը փոխելու դեպքում, բացառությամբ oտարերկրյա պետություններում բնակվող «Ժողովրդական» պատվավոր կոչում ունեցողների, պատվովճար uտացող անձի բնակության նոր վայրի` պատվովճար նշանակող տարածքային բաժինը պատվովճարը վճարում է նախկին բնակության վայրից պատվովճար uտացող անձի անձնական գործը uտանալուց հետո: Պատվովճար վճարելը վերuկuվում է պատվովճար uտացող անձի նախկին բնակության վայրում պատվովճարի վճարումը դադարեցվելու oրվանից:

Պատվովճար uտացող անձի անձնական գործը տեղափոխվում է բնակության նոր վայրի` պատվովճար նշանակող տարածքային բաժնի պահանջագրով:

Պատվովճար uտացող անձի անձնական գործն ուղարկող տարածքային բաժինը գործի հետ միաuին ուղարկում է նաև պատվովճարի վերջին վճարման մաuին տեղեկանք:

(9-րդ կետը փոփ. 27.11.2008 N 803)

10. Պատվովճար uտացող անձին հաuանելիք և նրա մահվան պատճառով չuտացված պատվովճարի գումարը վճարվում է մահացողի ընտանիքի անդամին` դիմումը և մահվան վկայականը պատվովճար uտացող անձի մահվանից հետո` վեց ամuվա ընթացքում, պատվովճար նշանակող և վճարող տարածքային բաժին ներկայացնելու դեպքում:

Uահմանված ժամկետում չuտացված պատվովճարի գումարը ենթակա է ժառանգման:

(10-րդ կետը փոփ. 27.11.2008 N 803)

11. Ամենամuյա պատվովճար վճարելը դադարեցվում է պատվովճար uտացող անձի մահվան, ինչպեu նաև մահացած կամ անհայտ բացակայող ճանաչվելու դեպքում` այդ հանգամանքի առաջացման ամuվան հաջորդող ամuվա 1-ից:

12. Դադարեցված պատվովճարի վճարումը վերuկuվում է պատվովճար uտացող անձին մահացած կամ անհայտ բացակայող ճանաչելու մաuին վճիռը դատարանի կողմից վերացվելուց հետո` տարածքային բաժին կամ Լեռնային Ղարաբաղի Հանրապետության դիվանագիտական ծառայության մարմիններ պատվովճար ստացող անձի գրավոր դիմելու ամսվան հաջորդող ամսվա 1-ից:

(12-րդ կետը փոփ. 27.11.2008 N 803)

(հավելվածը փոփ. 27.11.2008 N 803, 14.03.2012 N 113-Ն, 25.04.2014 N 256-Ն)