ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

“25” հունիսի 2002թ.

N 128

ք.Ստեփանակերտ

 

“Լիցենզավորման մասին” Լեռնային Ղարաբաղի Հանրապետության օրենքի կիրարկումն ապահովելու մասին

 

“Լիցենզավորման մասին” Լեռնային Ղարաբաղի Հանրապետության օրենքի կիրարկումն ապահովելու նպատակով և հիմք ընդունելով “Լիցենզավորման մասին” Լեռնային Ղարաբաղի Հանրապետության օրենքի 8-րդ, 17-րդ և 43-րդ հոդվածները` Լեռնային Ղարաբաղի Հանրապետության կառավարությունը որոշում է.

1. Սահմանել, որ «Լիցենզավորման մասին» Լեռնային Ղարաբաղի Հանրապետության օրենքի (այսուհետ` օրենք) 43-րդ հոդվածի 2-րդ մասով սահմանված` լիցենզավորման ենթակա գործունեության տեսակների աղյուսակով (այսուհետ` աղյուսակ) նախատեսված լիցենզավորման ենթակա գործունեության տեսակը լիցենզավորող Լեռնային Ղարաբաղի Հանրապետության կառավարության կողմից լիազորված պետական կառավարման մարմիններ են հանդիսանում համապատասխանաբար`

1) Լեռնային Ղարաբաղի Հանրապետության առողջապահության նախարարությունը` աղյուսակի 3-րդ բաժնի 1-ին, 2-րդ և 3-րդ կետերով.

2) Լեռնային Ղարաբաղի Հանրապետության գյուղատնտեսության նախարարությունը` աղյուսակի 7-րդ բաժնի 3-րդ, 4-րդ, 5-րդ և 6-րդ կետերով.

3) Լեռնային Ղարաբաղի Հանրապետության էկոնոմիկայի նախարարությունը` աղյուսակի 10¹-ին բաժնի 1-ին, 15-րդ բաժնի 3-րդ, 4-րդ, 5-րդ և 6-րդ կետերով և 17-րդ բաժնի 12-րդ կետով.

4) Լեռնային Ղարաբաղի Հանրապետության կրթության, գիտության և սպորտի նախարարությունը` աղյուսակի 9-րդ բաժնի 1-ին, 2-րդ, 3-րդ, 4-րդ, 6-րդ, 7-րդ և 8-րդ կետերով.

5) Լեռնային Ղարաբաղի Հանրապետության քաղաքաշինության նախարարությունը` աղյուսակի 16-րդ բաժնի 1-ին, 2-րդ, 3-րդ և 4-րդ կետերով.

6) Լեռնային Ղարաբաղի Հանրապետության ֆինանսների նախարարությունը` աղյուսակի 6-րդ բաժնի 6-րդ կետով, 14-րդ բաժնի 1-ին, 2-րդ, 3-րդ և 17-րդ բաժնի 8-րդ կետով.

6.1) Արցախի Հանրապետության մշակույթի, երիտասարդության հարցերի և զբոսաշրջության նախարարությունը` աղյուսակի 16¹-ին բաժնի 1-ին և 2-րդ կետերով, 16.2-րդ բաժնի 1-ին և 2-րդ կետերով.

7) Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանությունը` աղյուսակի 1-ին բաժնի 8-րդ կետով.

8) Լեռնային Ղարաբաղի Հանրապետության կառավարությանն առընթեր արտակարգ իրավիճակների պետական ծառայությունը` աղյուսակի 1-ին բաժնի 2-րդ, 3-րդ, 4-րդ, 5-րդ և 6-րդ կետերով.

9) համապատասխան լիցենզավորող մարմինները` աղյուսակի 17-րդ բաժնի 1-ին կետով:

(1-ին կետը խմբ., փոփ. 10.12.2002 N 73, խմբ. 28.06.2005 N 290, խմբ. 26.02.2008 N 88, փոփ., լրաց. 28.03.2012 N 180-Ն, խմբ. 25.01.2013 N 13-Ն, փոփ., լրաց. 04.03.2014 N 99-Ն, խմբ. 25.09.2015 N 617-Ն, փոփ., լրաց. 17.11.2017 N 175-Ն)

2. Սահմանել, որ “Լիցենզավորման մասին” Լեռնային Ղարաբաղի Հանրապետության օրենքի 43-րդ հոդվածի 4-րդ կետով նախատեսված պարզ ընթացակարգով լիցենզիաները տրամադրող Լեռնային Ղարաբաղի Հանրապետության կառավարության կողմից լիազորված պետական կառավարման մարմին է հանդիսանում Լեռնային Ղարաբաղի Հանրապետության ֆինանսների նախարարությունը:

(2-րդ կետը փոփ. 10.12.2002 N 73, փոփ. 26.02.2008 N 88, փոփ. 25.01.2013 N 13-Ն, փոփ. 25.09.2015 N 617-Ն)

3. Հաստատել պարզ ընթացակարգով տրվող լիցենզիաների NN 1, 2 և 3 ձևերը (կցվում են):

4. Սահմանել, որ բարդ ընթացակարգով տրվող լիցենզիաների ձևերը սահմանվում են համապատասխան լիցենզավորման կարգերով:

5. Լեռնային Ղարաբաղի Հանրապետության արդարադատության պետական վարչությանը` 15-օրյա ժամկետում մշակել և սույն որոշման 1-ին կետում նշված նախարարություններին ու գերատեսչություններին տրամադրել լիցենզավորող հանձնաժողովների օրինակելի կանոնադրությունը:

6. Սույն որոշման 1-ին կետում նշված նախարարություններին և գերատեսչություններին`

ա) Լեռնային Ղարաբաղի Հանրապետության արդարադատության պետական վարչության կողմից մշակված լիցենզավորող հանձնաժողովների օրինակելի կանոնադրության հիման վրա 15-օրյա ժամկետում հաստատել լիցենզավորող հանձնաժողովների կանոնադրությունները.

բ) մեկամսյա ժամկետում մշակել և Լեռնային Ղարաբաղի Հանրապետության կառավարության քննարկմանը ներկայացնել համապատասխան լիցենզավորման կարգերը.

գ) վեցամսյա ժամկետում մշակել և Լեռնային Ղարաբաղի Հանրապետության կառավարության քննարկմանը ներկայացնել համապատասխան գործունեության իրականացման կարգերը:

6¹. «Լիցենզավորման մասին» ԼՂՀ օրենքով նախատեսված լիցենզավորող մարմիններին` մինչև յուրաքանչյուր եռամսյակին հաջորդող ամսվա 15-ը Լեռնային Ղարաբաղի Հանրապետության ֆինանսների նախարարություն ներկայացնել տեղեկատվություն լիցենզիաների տրման, գործողության երկարաձգման, վերաձևակերպման, գործունեության իրականացման վայրի փոփոխության վերաբերյալ` նշելով`

ա) լիցենզավորված իրավաբանական անձի դեպքում` անվանումը, գտնվելու վայրը, լիցենզավորված անհատ ձեռնարկատիրոջ դեպքում` անունը, ազգանունը և բնակության վայրը,

բ) լիցենզավորման ենթակա գործունեության իրականացման վայրը (նշվում է, եթե սահմանված կարգով լիցենզավորման ենթակա գործունեությունը պետք է իրականացվի միայն համապատասխան վայրում),

գ) լիցենզավորման ենթակա գործունեության տեսակը,

դ) լիցենզիայի համարը և այն տալու ամսաթիվը:

(6¹-ին կետը լրաց. 04.03.2014 N 99-Ն, փոփ. 25.09.2015 N 617-Ն)

7. Ուժը կորցրած ճանաչել Լեռնային Ղարաբաղի Հանրապետության կառավարության 1998 թվականի դեկտեմբերի 29-ի “Լեռնային Ղարաբաղի Հանրապետությունում տնտեսական գործունեության առանձին տեսակներով զբաղվելու կարգի հաստատման մասին” թիվ 294 որոշումը:

 

 

ԼՂՀ վարչապետ

Ա. Դանիելյան

 

 

Հաստատված է ԼՂՀ կառավարության 2002թ. հունիսի 25-ի թիվ 128 որոշմամբ Ձև N 1

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

 

Լ Ի Ց Ե Ն Զ Ի Ա

 

(գործունեության տեսակը)

 

Լիցենզավորող մարմինը _________________________________

 

Լիցենզիայի համարը _____________________________________

 

Կազմակերպության անվանումը ___________________________

 

Կազմակերպության գտնվելու վայրը ________________________

Տրված է________________________________________________ ______ _______________ 200 թ.

 

Գործողության ժամկետը__________________________________  անժամկետ

 

ստորագրությունը                            Կ.Տ.

 

 

Հաստատված է ԼՂՀ կառավարության 2002թ. հունիսի 25-ի թիվ 128 որոշմամբ Ձև N 2

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

 

Լ Ի Ց Ե Ն Զ Ի Ա

 

(գործունեության տեսակը)

 

Լիցենզավորող մարմինը _______________________________

 

Լիցենզիայի համարը___________________________________

 

Անհատ ձեռնարկատիրոջ անվանումը_____________________

 

Բնակության վայրը (հասցեն)____________________________

 

Տրված է______________________________________________ ________ ______________ 200 թ.

 

Գործողության ժամկետը________________________________   անժամկետ

 

ստորագրությունը                      Կ.Տ.

 

 

Հաստատված է ԼՂՀ կառավարության 2002թ. հունիսի 25-ի թիվ 128 որոշմամբ Ձև N 3

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

 

Լ Ի Ց Ե Ն Զ Ի Ա

 

(գործունեության տեսակը)

 

Լիցենզավորող մարմինը ________________________________

 

Լիցենզիայի համարը____________________________________

 

Ֆիզիկական անձի անվանումը___________________________

 

Բնակության վայրը (հասցեն)_____________________________

 

Տրված է_________________________________________________ _______ _____________ 200 թ.

 

Գործողության ժամկետը___________________________________  անժամկետ

 

ստորագրությունը                           Կ.Տ.