ք.Ստեփանակերտ

Ղեկավարվելով «Բնակչության զբաղվածության և գործազրկության դեպքում սոցիալական պաշտպանության մասին» Լեռնային Ղարաբաղի Հանրապետության օրենքի 37-րդ հոդվածի 3.1-ին մասով` Լեռնային Ղարաբաղի Հանրապետության կառավարությունը որոշում է.

1. Հաստատել գործազրկության նպաստի նշանակման կամ վերահաշվարկի համար նոր հիմքեր ի հայտ գալու դեպքում գործազրկության նպաստի նշանակման կամ վերահաշվարկման կարգը` համաձայն հավելվածի:

2. Լեռնային Ղարաբաղի Հանրապետության կառավարության 2006 թվականի հունիսի 27-ի «Գործազրկության նպաստի վճարման կարգը հաստատելու մասին» N 335 որոշման 1-ին կետով հաստատված կարգում կատարել հետևյալ փոփոխություններն ու լրացումները`

1) 1-ին կետում «զբաղվածության» բառը փոխարինել «սոցիալական ծառայություններ տրամադրող» բառերով.

2) 4-րդ կետում «տվյալ ամսվա օրացուցային օրերի թվի» բառերը փոխարինել «30.4-ի (միջին ամսական օրերի թվի)» բառերով.

3) կարգը 4-րդ կետից հետո լրացնել հետևյալ բովանդակությամբ նոր` 4.1-ին և 4.2-րդ կետերով.

«4.1. Գործազրկության նպաստի ստացման ժամանակահատվածում գործազրկության նպաստի վերահաշվարկման նոր հիմքեր ի հայտ գալու դեպքում վերահաշվարկված գործազրկության նպաստը վճարվում է գործազրկության նպաստի ստացման ժամանակահատվածի ավարտին հաջորդող ամսվանից:

4.2. Գործազրկության նպաստի ստացման ժամանակահատվածի ավարտից հետո գործազրկության նպաստի նշանակման նոր հիմքեր ի հայտ գալու դեպքում վերահաշվարկված գործազրկության նպաստը վճարվում է նոր հիմքեր ի հայտ գալու ամսվան հաջորդող ամսվանից:».

4) 5-րդ կետից հանել «2 օրինակից» բառերը.

5) 5-րդ և 6-րդ կետերում «ամսվա» բառից հետո «և» բառը փոխարինել «,»-ով, իսկ «չստացված» բառից հետո նշված կետերը լրացնել «և վերահաշվարկված» բառերով.

6) 7-րդ կետը «նպաստի» բառից հետո լրացնել «ֆինանսավորման հայտ-պահանջագիրը (ձև N 3)» բառերով, իսկ «ձև N 3» բառերը փոխարինել «ձև N 4» բառերով.

7) 8-րդ կետը շարադրել հետևյալ խմբագրությամբ.

«8. Լեռնային Ղարաբաղի Հանրապետության ֆինանսների նախարարությունը հայտ-պահանջագիրը ստանալուց հետո տեղական գանձապետական բաժնում նախարարության անվամբ բացված բյուջետային միջոցների գանձապետական հաշվին է փոխանցում ֆինանսավորման հայտ-պահանջագրով նախատեսված միջոցները: Ծառայության դիմաց վճարի ֆինանսավորման հայտ-պահանջագրի հիման վրա նախարարությունը գանձապետարան է ներկայացնում վճարման հանձնարագիր:».

8) 11-րդ կետում «մեկ օրինակը` գործազրկության նպաստ վճարելու մասին նշումներով,» բառերը փոխարինել «պատճենը» բառով.

9) 15-րդ կետի «12-րդ » բառը փոխարինել «11-րդ» բառով.

10) NN 1, 2 , 3 և 4 ձևերը շարադրել հետևյալ խմբագրությամբ.

3. Լեռնային Ղարաբաղի Հանրապետության կառավարության 2006 թվականի հոկտեմբերի 31-ի «Գործազուրկի մահվան դեպքում թաղման նպաստի վճարման կարգը հաստատելու մասին» N 537 որոշման մեջ կատարել հետևյալ փոփոխություններն ու լրացումները`

1) «22-րդ կետի» բառերը փոխարինել «24-րդ կետի» բառերով.

2) որոշման 1-ին կետի «սահմանել» և 2-րդ կետի «հաստատել» բառերից հետո լրացնել «առնվազն մեկ տարվա սոցիալական վճարներ կատարած կամ մինչև 1995 թվականի հունվարի 1-ը առնվազն մեկ տարվա աշխատանքային ստաժ ունեցող» բառերով.

3) որոշմամբ սահմանված կարգի 1-ին կետում`

ա. «զբաղվածության» բառը փոխարինել «սոցիալական ծառայություններ տրամադրող» բառերով,

բ. «առնվազն մեկ տարվա ապահովագրական ստաժ ունեցող» բառերը փոխարինել «առնվազն մեկ տարվա սոցիալական վճարներ կատարած կամ մինչև 1995 թվականի հունվարի 1-ը առնվազն մեկ տարվա աշխատանքային ստաժ ունեցող» բառերով:

4. Լեռնային Ղարաբաղի Հանրապետության կառավարության 2006 թվականի հոկտեմբերի 31-ի «Գործազուրկների, աշխատաշուկայում անմրցունակ խմբերի և երկարամյա ծառայության ու արտոնյալ պայմաններով կենսաթոշակ ստացող` աշխատանք փնտրող չզբաղված անձանց մասնագիտական ուսուցման կազմակերպման կարգը հաստատելու մասին» N 538 որոշման մեջ կատարել հետևյալ փոփոխություններն ու լրացումները`

1) որոշման վերնագիրը շարադրել հետևյալ խմբագրությամբ.

«ԳՈՐԾԱԶՈՒՐԿՆԵՐԻ, ՀԱՇՄԱՆԴԱՄՆԵՐԻ, ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԻ ՍԵՓԱԿԱՆԱՏԵՐ ՀԱՆԴԻՍԱՑՈՂ` ԱՇԽԱՏԱՆՔ ՓՆՏՐՈՂ ԱՆՁԱՆՑ ԵՎ ԵՐԿԱՐԱՄՅԱ ԾԱՌԱՅՈՒԹՅԱՆ, ԱՐՏՈՆՅԱԼ ՊԱՅՄԱՆՆԵՐՈՎ ԵՎ ՄԱՍՆԱԿԻ ԿԵՆՍԱԹՈՇԱԿ ՍՏԱՑՈՂ` ԱՇԽԱՏԱՆՔ ՓՆՏՐՈՂ ՉԶԲԱՂՎԱԾ ԱՆՁԱՆՑ ՄԱՍՆԱԳԻՏԱԿԱՆ ՈՒՍՈՒՑՄԱՆ ԿԱԶՄԱԿԵՐՊՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ».

 2) 1-ին կետը շարադրել հետևյալ խմբագրությամբ.

«1. Հաստատել գործազուրկների, հաշմանդամների, գյուղատնտեսական նշանակության հողի սեփականատեր հանդիսացող` աշխատանք փնտրող անձանց և երկարամյա ծառայության, արտոնյալ պայմաններով և մասնակի կենսաթոշակ ստացող` աշխատանք փնտրող չզբաղված անձանց մասնագիտական ուսուցման կազմակերպման կարգը` համաձայն հավելվածի:».

3) որոշման 1-ին կետով հաստատված կարգի`

ա. վերնագիրը շարադրել հետևյալ խմբագրությամբ.

«ԳՈՐԾԱԶՈՒՐԿՆԵՐԻ, ՀԱՇՄԱՆԴԱՄՆԵՐԻ, ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԻ ՍԵՓԱԿԱՆԱՏԵՐ ՀԱՆԴԻՍԱՑՈՂ` ԱՇԽԱՏԱՆՔ ՓՆՏՐՈՂ ԱՆՁԱՆՑ ԵՎ ԵՐԿԱՐԱՄՅԱ ԾԱՌԱՅՈՒԹՅԱՆ, ԱՐՏՈՆՅԱԼ ՊԱՅՄԱՆՆԵՐՈՎ ԵՎ ՄԱՍՆԱԿԻ ԿԵՆՍԱԹՈՇԱԿ ՍՏԱՑՈՂ` ԱՇԽԱՏԱՆՔ ՓՆՏՐՈՂ ՉԶԲԱՂՎԱԾ ԱՆՁԱՆՑ ՄԱՍՆԱԳԻՏԱԿԱՆ ՈՒՍՈՒՑՄԱՆ ԿԱԶՄԱԿԵՐՊՄԱՆ»,

բ.1-ին կետում «զբաղվածության» բառը փոխարինել «սոցիալական ծառայություններ տրամադրող» բառերով, «աշխատաշուկայում անմրցունակ խմբերի,» բառերը փոխարինել «հաշմանդամների, գյուղատնտեսական նշանակության հողի սեփականատեր հանդիսացող` աշխատանք փնտրող անձանց,» բառերով, իսկ «,ու արտոնյալ պայմաններով» բառերը` «արտոնյալ պայմաններով և մասնակի» բառերով,

գ. 9-րդ կետից հանել «և» բառը, իսկ «հաշմանդամ» բառից հետո լրացնել «և գյուղատնտեսական նշանակության հողի սեփականատեր հանդիսացող» բառերով,

դ. 9-րդ կետից հետո լրացնել հետևյալ բովանդակությամբ նոր` 9.1-ին կետով.

«9.1 Ամսական կրթաթոշակի չափը սահմանվում է`

1) գործազրկության նպաստ ստացող անձանց համար` նշանակված գործազրկության նպաստի 120 տոկոսի չափով.

2) գործազրկության նպաստ ստանալու իրավունք չունեցող անձանց համար` «Նվազագույն ամսական աշխատավարձի մասին» Լեռնային Ղարաբաղի Հանրապետության օրենքի 1-ին հոդվածով սահմանված նվազագույն ամսական աշխատավարձի 50 տոկոսի չափով:

Կրթաթոշակը նշանակվում և վճարվում է սահմանված ամսական կրթաթոշակի նկատմամբ հաշվարկված տվյալ ամսվա ընթացքում իրականացված ուսումնական դասընթացների օրերի համար:»,

ե. 12-րդ կետից հետո լրացնել հետևյալ բովանդակությամբ նոր` 12.1-ին կետով.

«12.1 Գյուղատնտեսական նշանակության հողի սեփականատեր հանդիսացող` աշխատանք փնտրող անձանց համար մասնագիտական ուսուցում կազմակերպելիս` նախապատվությունը տրվում է սոցիալապես անապահով ընտանիքների` աշխատանք փնտրող երիտասարդ անձանց:»,

զ. 18-րդ կետը շարադրել հետևյալ խմբագրությամբ.

«18. Նախարարությունը սույն կարգի 17-րդ կետում նշված պայմանագրով սահմանված ուսուցման ծառայության տեխնիկական բնութագրի պատճենը տրամադրում է համապատասխան տարածքային մարմնին:»,

է. 20-րդ կետը շարադրել հետևյալ խմբագրությամբ.

«20. Ուսուցումն իրականացնող կազմակերպությունը սույն կարգի 17-րդ կետում նշված պայմանագրով սահմանված ժամկետներում նախարարություն է ներկայացնում Լեռնային Ղարաբաղի Հանրապետության օրենսդրությամբ սահմանված կարգով մասնագիտական ուսուցման դասընթացի համար ծառայությունների մատուցման հանձման-ընդունման արձանագրությունը (այսուհետ` վճարումները հիմնավորող փաստաթղթեր):

Նախարարությունը սույն կետում նշված վճարումները հիմնավորող փաստաթղթերի հիման վրա 3 աշխատանքային օրվա ընթացքում կազմում և Լեռնային Ղարաբաղի Հանրապետության ֆինանսների նախարարություն է ներկայացնում մասնագիտական ուսուցման ֆինանսավորման հայտ-պահանջագիր:»,

ը. 23-րդ կետը շարադրել հետևյալ խմբագրությամբ.

«23. Նախարարությունը կազմակերպության հետ քննարկում է մասնագիտական ուսուցման կազմակերպման հետ կապված հարցերը, նրա հետ կնքում պայմանագիր, որի տեխնիկական բնութագրի պատճենը տրամադրում է տարածքային մարմնին:»:

5. Լեռնային Ղարաբաղի Հանրապետության կառավարության 2006 թվականի դեկտեմբերի 26-ի «Այլ վայր աշխատանքի գործուղվող գործազուրկի նյութական ծախսերի հատուցման կարգը սահմանելու մասին» N 639 որոշման մեջ կատարել հետևյալ փոփոխություններն ու լրացումները`

1) որոշման վերնագիրը շարադրել հետևյալ խմբագրությամբ.

 «ԱՅԼ ՎԱՅՐ ԱՇԽԱՏԱՆՔԻ ԳՈՐԾՈՒՂՎՈՂ ԳՈՐԾԱԶՈՒՐԿԻ ԵՎ ԱՇԽԱՏԱՆՔ ՓՆՏՐՈՂ` ՉԶԲԱՂՎԱԾ ՀԱՇՄԱՆԴԱՄԻ ՆՅՈՒԹԱԿԱՆ ԾԱԽՍԵՐԻ ՀԱՏՈՒՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ».

2) որոշման 1-ին կետը շարադրել հետևյալ խմբագրությամբ.

«1. Սահմանել այլ վայր աշխատանքի գործուղվող գործազուրկի և աշխատանք փնտրող` չզբաղված հաշմանդամի նյութական ծախսերի հատուցման կարգը` համաձայն հավելվածի:».

3) 2-րդ կետում «զբաղվածության» բառը փոխարինել «սոցիալական ծառայություններ տրամադրող» բառերով.

4) որոշման 1-ին կետով հաստատված կարգի`

ա. վերնագիրը շարադրել հետևյալ խմբագրությամբ.

«ԿԱՐԳ ԱՅԼ ՎԱՅՐ ԱՇԽԱՏԱՆՔԻ ԳՈՐԾՈՒՂՎՈՂ ԳՈՐԾԱԶՈՒՐԿԻ ԵՎ ԱՇԽԱՏԱՆՔ ՓՆՏՐՈՂ` ՉԶԲԱՂՎԱԾ ՀԱՇՄԱՆԴԱՄԻ ՆՅՈՒԹԱԿԱՆ ԾԱԽՍԵՐԻ ՀԱՏՈՒՑՄԱՆ»,

 բ. 1-ին կետում «զբաղվածության» բառը փոխարինել «սոցիալական ծառայություններ տրամադրող» բառերով,

գ. որոշման 1-ին կետով սահմանված կարգի ամբողջ տեքստում «գործազուրկի» բառը և դրա համապատասխան հոլովաձևերը փոխարինել «գործազուրկի և աշխատանք փնտրող` չզբաղված հաշմանդամի» բառերով և դրանց համապատասխան հոլովաձևերով, 3-րդ կետի «կարող է» բառերը փոխարինել «կարող են» բառերով, իսկ IV գլխի 23-րդ կետի «ա» «բ» և «գ» ենթակետերում «գործազուրկի» բառը փոխարինել «գործուղվողի» բառով:

(5-րդ կետի գործողությունը դադարեցվել է 14.10.2014 N 663-Ն)

6. Լեռնային Ղարաբաղի Հանրապետության կառավարության 2006 թվականի դեկտեմբերի 26-ի «Աշխատաշուկայում անմրցունակ անձանց աշխատանքի տեղավորման աջակցության նպատակով աշխատավարձի փոխհատուցման կարգը, չափը և պայմանները հաստատելու մասին» N 641 որոշման մեջ կատարել հետևյալ փոփոխությունները`

1) «3-րդ մասի 3-րդ կետի» բառերը փոխարինել «8-րդ կետի» բառերով.

2) 2-րդ կետում և որոշմամբ հաստատված կարգի 1-ին կետում «զբաղվածության» բառերը փոխարինել «սոցիալական ծառայություններ տրամադրող» բառերով.

3) որոշման 1-ին կետով հաստատված կարգի 4-րդ կետում «տվյալ ամսվա աշխատանքային օրերի թվի» բառերը փոխարինել «30.4-ի (միջին ամսական օրերի թվի)» բառերով:

(6-րդ կետի գործողությունը դադարեցվել է 14.10.2014 N 663-Ն)

7. Սույն որոշումն ուժի մեջ է մտնում 2012 թվականի հունվարի 1-ից:

Կ Ա Ր Գ

1. Սույն կարգով կարգավորվում են Լեռնային Ղարաբաղի Հանրապետության սոցիալական ծառայություններ տրամադրող տարածքային պետական մարմինների (այսուհետ` տարածքային մարմին) կողմից գործազուրկներին «Բնակչության զբաղվածության և գործազրկության դեպքում սոցիալական պաշտպանության մասին» Լեռնային Ղարաբաղի Հանրապետության օրենքով երաշխավորվող` գործազրկության նպաստի նշանակման կամ վերահաշվարկի համար նոր հիմքեր ի հայտ գալու դեպքում գործազրկության նպաստի նշանակման կամ վերահաշվարկման հետ կապված հարաբերությունները:

2. Գործազրկության նպաստի նշանակման նոր հիմքեր ի հայտ գալու դեպքում գործազրկության նպաստը նշանակվում է «Բնակչության զբաղվածության և գործազրկության դեպքում սոցիալական պաշտպանության մասին» Լեռնային Ղարաբաղի Հանրապետության օրենքի 29-րդ հոդվածի համաձայն` երեք աշխատանքային օրվա ընթացքում, տարածքային մարմնի ղեկավարի որոշմամբ:

3. Գործազրկության նպաստի վերահաշվարկը կատարվում է գործազրկության նպաստի վերահաշվարկման համար նոր հիմքեր ի հայտ գալուց հետո երեք աշխատանքային օրվա ընթացքում` տարածքային մարմնի ղեկավարի որոշմամբ:

4. Վերահաշվարկված գործազրկության նպաստը վճարվում է Լեռնային Ղարաբաղի Հանրապետության կառավարության 2006 թվականի հունիսի 27-ի «Գործազրկության նպաստի վճարման կարգը հաստատելու մասին» N 335-Ն որոշմամբ հաստատված կարգով:

5. Գործազրկության նպաստի վերահաշվարկ չի կատարվում, եթե «Բնակչության զբաղվածության և գործազրկության դեպքում սոցիալական պաշտպանության մասին» Լեռնային Ղարաբաղի Հանրապետության օրենքի 8-րդ հոդվածի 4-րդ մասի համաձայն դադարեցվել է անձի գործազուրկի կարգավիճակը:

Ց ՈՒ Ց Ա Կ

Հ Ա Յ Տ-Պ Ա Հ Ա Ն Ջ Ա Գ Ի Ր

______ ____________________201 թ.

Հ Ա Յ Տ-Պ Ա Հ Ա Ն Ջ Ա Գ Ի Ր

______ ___________________201 թ.

Հ Ա Յ Տ-Պ Ա Հ Ա Ն Ջ Ա Գ Ի Ր

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՆԱԽԱՐԱՐՈՒԹՅԱՆ ԳՈՐԾԱԶՐԿՈՒԹՅԱՆ ՆՊԱՍՏԻ ՎՃԱՐՄԱՆ ԾԱՌԱՅՈՒԹՅՈՒՆՆԵՐԻ ՖԻՆԱՆՍԱՎՈՐՄԱՆ

______ ____________________201 թ.