ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
«1» ապրիլի 2014թ. |
N 209-Ն |
ք. Ստեփանակերտ
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԱՆՏԱՌԱՅԻՆ ՖՈՆԴՈՒՄ ԱՐՄԱՏԻ ՎՐԱ ԲՆԱՓԱՅՏԻ ԲԱՑԹՈՂՄԱՆ ՆՎԱԶԱԳՈՒՅՆ ԳՆԵՐԸ ՍԱՀՄԱՆԵԼՈՒ ԵՎ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ՓԵՏՐՎԱՐԻ 14-Ի N 44-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Լեռնային Ղարաբաղի Հանրապետության անտառային օրենսգրքի 6-րդ և «Իրավական ակտերի մասին» Լեռնային Ղարաբաղի Հանրապետության օրենքի 73-րդ հոդվածներին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.
1. Հաստատել Լեռնային Ղարաբաղի Հանրապետության պետական անտառային ֆոնդում արմատի վրա բնափայտի բացթողման նվազագույն գները` համաձայն հավելվածի:
2. Սահմանել, որ`
1) բնական աղետների և այլ պատճառով տապալված ծառերից գործափայտի բացթողման նվազագույն գինը հաշվարկվում է տվյալ տեսակի գործափայտի (ծառատեսակի) համար սահմանված գնի 50 տոկոսի չափով.
2) (ենթակետն ուժը կորցրել է 14.02.2018 N 104-Ն)
3) Արցախի Հանրապետության պետական անտառային ֆոնդից մթերված գործափայտի, տեխնոլոգիական փայտի և վառելափայտի արտահանումն Արցախի Հանրապետության տարածքից իրականացվում է «Արցախանտառ» պետական ոչ առևտրային կազմակերպության կողմից արտահանման համար ձևակերպված փաստաթղթերի և դրանց վերաբերյալ տրված եզրակացության հիման վրա, իսկ կողահան և ոչ կողահան տախտակի, եզրատախտակի, տակառատախտակի, բրիկետի և փայտածուխի, ինչպես նաև Արցախի Հանրապետության ոչ պետական անտառային ֆոնդից ձեռք բերված (մթերված) գործափայտի, տեխնոլոգիական փայտի և վառելափայտի արտահանումն իրականացվում է Արցախի Հանրապետության բնապահպանության և բնական ռեսուրսների նախարարության կողմից տրված եզրակացության հիման վրա:
(2-րդ կետը փոփ.14.02.2018 N 104-Ն, փոփ., լրաց. 14.03.19 N 151-Ն, լրաց. 27.12.19 N 1171-Ն)
3. Ուժը կորցրած ճանաչել Լեռնային Ղարաբաղի Հանրապետության կառավարության 2013 թվականի փետրվարի 14-ի «Լեռնային Ղարաբաղի Հանրապետության անտառային ֆոնդում արմատի վրա բնափայտի բացթողման նվազագույն գները (մեկ խտացված խորանարդ մետրի համար) սահմանելու և Լեռնային Ղարաբաղի Հանրապետության կառավարության 2011 թվականի դեկտեմբերի 30-ի N 1051-Ն որոշումն ուժը կորցրած ճանաչելու մասին» N 44-Ն որոշումը:
|
ԼԵՌՆԱՅԻՆ ՂԱՐԱԲԱՂԻ
ՀԱՆՐԱՊԵՏՈՒԹՅԱՆ ՎԱՐՉԱՊԵՏ |
Ա. ՀԱՐՈՒԹՅՈՒՆՅԱՆ |
| |
Հավելված
Լեռնային Ղարաբաղի
Հանրապետության կառավարության
2014 թվականի ապրիլի 1-ի N 209-Ն որոշման |
Լեռնային Ղարաբաղի Հանրապետության պետական անտառային
ֆոնդում արմատի վրա բնափայտի բացթողման նվազագույն գները
|
Հ/Հ |
Ծառատեսակների անվանումը |
Խոշոր տրամագիծը
25 սմ և ավելի |
Միջին տրամագիծը
13 սմ մինչև 25 սմ |
Փոքր տրամագիծը մինչև 13 սմ |
|
1 |
2 |
3 |
4 |
5 |
|
1. |
Գործափայտ
(խտացված խորանարդ մետր) |
Ներքին շուկայի և արտահանման համար |
|
1) |
Հաճարենի, թխկի, թեղի |
22 000 |
19 000 |
16 000 |
|
2) |
Կաղնի, հացենի, լորենի |
36 000 |
32 000 |
28 000 |
|
3) |
Բոխի |
16 000 |
14 000 |
12 000 |
|
2. |
Տեխնոլոգիական՝ մինչև 2 մետր երկարություն և
13 սանտիմետրից ավելի տրամագիծ ունեցող բնափայտ, որի վերամշակումից ստացվում են գործափայտային տեսականի կամ կիսաֆաբրիկատ (խտացված խորանարդ մետր) |
Տվյալ տեսակի գործափայտի (ծառատեսակի)
1 խ.խ.մ համար սահմանված գնի 50 տոկոսի չափով, բայց ոչ պակաս, քան 8400 դրամ: |
|
3. |
Վառելափայտ (դարսված խորանարդ մետր) |
Ներքին շուկայի համար |
Արտահանման համար |
|
1) |
Ինքնամթերում (արմատի վրա) |
1500 |
10 000 |
|
2) |
Ինքնամթերում (թափուկից) |
240 |
10 000 |
Ծանոթություն
Ցանկում չնշված և այլ իրավական ակտերով չսահմանված ծառատեսակների՝ գործափայտի և տեխնոլոգիական բնափայտի գներն արմատի վրա սահմանվում են պետական լիազոր մարմնի կողմից, ըստ տվյալ ծառատեսակի բնափայտի նյութական արժեքի տեսանկյունից:
(աղյուսակը խմբ. 14.02.2018 N 104-Ն, լրաց. 14.03.19 N 151-Ն)
(Հավելվածը խմբ. 27.12.19 N 1171-Ն)
|
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ |
Լ. ԳՐԻԳՈՐՅԱՆ |